• Ֆլիրտ, հպում և ոչ մի ճնշում. կրքի ֆրանսիական բաղադրատոմսը

  Ֆրանսիացի կանայք հաճախ համարվում են գայթակղության վարպետներ, որոնք կարողանում են պահպանել կիրքը հարաբերություններում և վայելել սեքսը…

• «Զուգարանը նրանց գաղտնի զենքն է». ամուսնալուծության փորձագետը բացահայտել է, թե ինչու են տղամարդիկ ժամերով փակվում լոգարանում  

  Ամուսնալուծության փորձագետը մեծ իրարանցում է առաջացրել հավերժական «սեռերի պատերազմում»՝ պնդելով, որ տղամարդիկ, իբր, զուգարան մտնելը վերածել են ընտանեկան պարտականություններից խուսափելու զենքի...

• Բրիտանացի գիտնականները պարզել են, թե ինչու են չափազանց առատաձեռն տղամարդիկ վախեցնում կանանց

  Բրիտանացի գիտնականները կրկին ստանձնել են ամենակարևոր խնդիրը՝ պարզել, թե ինչն է խանգարում մարդկանց կառուցել առողջ հարաբերություններ…

• Ամուսինը 16 տարով մեծ է, ապրում է առանձին և հանդիպում է այլ մարդկանց հետ

  31-ամյա Հեյլի Ֆոլկն արդեն երկու տարուց ավելի է՝ անսովոր ամուսնության մեջ է իրենից 16 տարով մեծ տղամարդու հետ․․․

• «Սեքս խղճահարությունից դրդված». ցնցող ուսումնասիրությունը բացահայտում է, թե ինչու են կանայք քնում տղամարդկանց հետ, նույնիսկ երբ չեն ուզում

  Հետազոտողները պարզել են, որ կանայք, ովքեր ընդհանրապես սեռական ցանկություն չեն զգում, կարող են ամսական երկու-երեք անգամ սեռական հարաբերություն ունենալ՝ իրենց հարաբերությունները պահպանելու և զուգընկերոջից բաժանվելը կանխելու համար: Երբեմն մտերմությունը ընդհանրապես կրքի մասին չէ․․․

• Լուսանկարը՝ որպես թերապիա․ Ինչպես է մեկ կադրը վեր հանում մարդու ներքին զգացողություններն ու ի՞նչն է դառնում կնոջ ցածր ինքնագնահատականի պատճառը

  Օգոստոսի 19-ը նշվում է որպես Լուսանկարչության միջազգային օր...

• Երկարատև սիրո գաղտնիքը անկողնում է. գիտնականները ապացուցել են սեռական վստահության և երջանկության միջև կապը

  Իտալիայում վերջերս անցկացված առցանց ուսումնասիրությունը ցույց է տվել, որ սեռական առումով ինքնավստահ և ինքնաբավ մարդիկ հակված են ավելի մեծ բավարարվածություն զգալ իրենց սիրային հարաբերություններում․․․

• Տղամարդիկ և կանայք թշնամիներ չեն. Ինչու է ինտերնետը մեզ պարտադրում սեռերի պատերազմ

  Հարաբերությունների դադարեցումը, միայնության համաճարակը և փոխադարձ դժգոհության պաշտամունքը գրավել են թվային տարածքը․․․

Կնոջը գայթակղելը գուրմանների ճաշի նման է. յուրաքանչյուր ճաշատեսակ, համտեսելուց առաջ առանց շտապելու մտածում ես, վայելում անկրկնելի բույրը, որից հետո, դարձյալ առանց շտապելու, ուտում ես պատառ պատառի հետեւից՝ փորձելով նուրբ համը, վայելելով յուրաքանչյուր կտորը:

Կանայք. կա՞, արդյոք, առավել լավ ճաշատեսակ:

Յուրաքանչյուրն անկրկնելի է իր յուրահատուկ համեմունքներով: Եվ եթե երբեմն նրանք կրկնվում են, ցանկացած դեպքում լեզվի վրա խաղում են այլ նրբերանգով: Կնոջը գայթակղելը շտապողականություն չհանդուրժող գործընթաց է: Այդ ճաշատեսակը պետք է խելացի պատրաստել՝ չմոռանալով այն համեմել զգացմունքներով, սակայն սահմանափակ քանակությամբ, այլապես կարող է չափն անցնեք եւ փչացնեք այդ աստվածային կերակուրը:

Սկսենք նրանից, որ բոլոր կանայք միանման են: Նրանցից յուրաքանչյուրն անկրկնելի է, յուրաքանչյուրը` միակը: Սակայն գոյություն ունի պատրաստման կանոն, որը բոլորի համար նույնն է՝ անկախ սոցիալական դրությունից ու ազգային պատկանելիությունից: Այդուհանդերձ, որոշ ճաշատեսակներում, հաշվի առնելով առանձնահատկությունները, պետք է մանրամասն ընտրել համեմունքները:

Այդպիսի նրբերանգներ հայ կանանց մեջ, անշուշտ, կան:

Եվ դրանցից գլխավորը հայուհիների «անհիմն մուննաթն» է: Այդ մեր կանանց հատուկ գիծ է, որը, ինչպես նշան, դրոշմված է եթե ոչ բոլորի, ապա յուրաքանչյուր երկրորդ հայուհու դեմքին: 

«Անհիմն մուննաթն» ինքնապաշտպանության յուրահատուկ միջոց է, անձեռնմխելիության հաղորդագրություն ամբողջ աշխարհին՝ անհասանելիության, պարկեշտության, ազգային սովորույթների եւ, բնականաբար, բարձր արժեհամակարգի մասին: Այս անկրկնելի դեմքի արտահայտությունը յուրաքանչյուր հայուհու փոխանցվում է մայրական կաթի հետ: Այն կոչված է պաշտպանել «անլուրջ նպատակներով» արուների ոտնձգություններից: Իմ տեսանկյունից, «անհիմն մուննաթը» որոշակի մտավոր սահմանափակումների հետեւանքով իրենց ցանկություններն իրացնելու անկարողությունն է, որն ուղեկցվում է անբավարարվածությամբ (ֆիզիկական եւ հոգեկան): Մեր կանանց այդ սուր գիծը երբեմն կարող է վանել յուրաքանչյուր գուրմանի: Սակայն պետք չէ ընկրկել, քանի որ այդ ընդամենը դիմակ է, որի տակ հրաշալի թիթեռնիկ է թաքնված: Ընդամենը մի փոքր ջանք է պահանջվում, որպեսզի նրան ազատեք այդտեղից:

Յուրաքանչյուր թիթեռնիկ անհատական մոտեցում է պահանջում: Նույնիսկ զրահով «անհիմն մուննաթները» չեն կարողանում թաքցնել, հավանո՞ւմ են տղամարդուն, թե՞ ոչ: Սակայն, ինչպես մայրն է սովորեցրել, ցույց տալ չի կարելի: Բայց դավաճանող ակնթարթային հայացքը, աչքերի արտահայտությունը, վայրկենական թուլությունը մատնում են անհասանելի գեղեցկուհուն: Եվ այստեղ պետք է սկսել կերակուր պատրաստելու գործընթացը: Յուրաքանչյուր կին անվստահություն եւ շփոթմունք է զգում, հատկապես, երբ անձը նրան շատ է դուր գալիս: Կանայք նման են շների (ներողություն եմ խնդրում գեղեցիկ սեռի ներկայացուցիչներից այսպիսի համեմատության համար), նրանք վախ են զգում: Իսկ այդ նրանց ուժի եւ գերազանցության զգացողություն է տալիս, ինչը ոչ մի դեպքում չի կարելի թույլ տալ, քանի որ յուրաքանչյուր կին, հատկապես հայ, ենթագիտակցաբար ենթարկվում է: Նրան անհրաժեշտ է ենթարկվել ուժեղ տղամարդու: Այս պետք է ձեր պատրաստած ճաշատեսակի հիմքը հանդիսանա: Ուժը՝ հանդգնության հետ համադրած, բայց ոչ երբեք գռեհիկ պահվածքով: Ուժ, որը չի ճնշում, այլ նուրբ եւ ոչ կպչուն կերպով ենթարկում է կամքին՝ միաժամանակ ստեղծելով ազատության պատրանք: Այդ ուժի առջեւ որեւէ կին չի ընկրկի:

«Անհիմն մուննաթի» շղթաները կընկնեն եւ թիթեռնիկը կթեւածի՝ սպասելով ձեզ հետ գրկախառնվելուն…

Ալեքս Ալիխանյան

Հետևեք NEWS.am STYLE-ին Facebook-ում, Twitter-ում և Instagram-ում