Հոլիվուդում նկարահանվող ամերիկահայ դերասան Ռոման Միտիչյանը մոտ 25 տարի է՝ ապրում է ԱՄՆ-ում։ Ծնունդով Վանաձորցի դերասանը ստիպված է եղել, արագ հարմարվել օտար երկրի կանոններին, բայց ինչպես ինքն է ասում՝ Միացյալ Նահագներն այն երկիրն է, որն իրեն նոր հնարավորություններ է տվել․ «Սա այն երկիրն է, որն իմ առաջ մի շարք հնարավորություններ է բացել, բայց, իհարկե, ես լիովին հպարտ եմ, որ հայ եմ, ծնվել եմ Վանաձորում։ Ես ապրել եմ Գլենդելում, որն, ասես, փոքրիկ Հայաստան լինի․ այնտեղ մենք միշտ շրջապատված ենք հայերով։ ԱՄՆ-ն մեծ երկիր է, որը լի է մի շարք առավելություններով, բայց նաեւ ունի իր դժվար կողմերը, ինչպես եւ ցանկացած երկիր։ Ամեն ինչ կախված է մարդուց՝ նայած դու ինչ ես համարում լավ կամ վատ։ Շատ բաներ չեն փոխվել իմ կյանքում, բայց մի շարք լավ բաներ եմ սովորել այստեղ, օրինակ՝ հարգել մյուսներին՝ անկախ նրանց նախասիրություններից»,-ասում է դերասանը։
Կանանց մեկամսյակի առթիվ՝ NEWS.am STYLE-ն այս անգամ Ռոմանի հետ զրուցել է ոչ թե հոլիվուդյան նախագծերից ու աստղային համագործակցություններից, այլ՝ հայ եւ արտասահմանցի կանանց նմանություններից եւ տարբերություններից։
Դերասանը, որպես կյանքի ընկեր, ընտրել է հենց հայուհու․ նա ասում է՝ հայ կանայք տարբերվում են իրենց հոգատարությամբ։
«Նախ՝ ուզում եմ շնորհավորել աշխարհի բոլոր կանանց՝ այս տոնի առթիվ։ Կանայք այնպիսի էակներ են, որոնց տղամարդիկ եւ սիրում են, եւ ատում միեւնույն ժամանակ, բայց մի բան հաստատ է՝ մենք չենք կարող ապրել առանց նրանց։ Հայ կանայք ինձ դուր են գալիս իրենց յուրահատուկ հատանիշներով, ընտանիքի հանդեպ նրանց սիրո ու հարգանքի համար։ Միայն հայ մայրերն են 100 անգամ դիմում իրենց զավակներին՝ հարցնելով հաց կերե՞լ են, թե՞ ոչ։ Մեծ տարբերություն կա հայ եւ օտարեկրացի կանանց միջեւ։ Մշակութային մեծ տարբերություն կա նաեւ, բայց պետք է ասեմ, որ այլ ազգերի մեջ էլ եմ հանդիպել գեղեցիկ ընտանիքների, հիասքանչ կանանց, որոնք գնահատում են ընտանեկան արժեքները։ Իրականում աշխարհի բոլոր կանայք խոսում են միեւնույն լեզվով»։
Այնուամենայնիվ, Ռոմանը խոստովանում է՝ ինքն էլ, ինչպես բոլոր տղամարդիկ, լավ չի տիրապետում այդ «լեզվին»։
«Եթե ինչ-որ տղամարդ կարող է ասել, որ պարզել է, թե ինչ է ուզում կինը, ես նրան հերոս կհամարեմ, քանի որ կանանց մեծամասնությունն էլ չգիտի, թե ինչ են ուզում (ծիծաղում է)։ Կարծում եմ՝ միակ պատասխանն այն է, որ բոլոր մարդիկ, պարզապես, ցանկանում են սիրված լինել, որ իրենց մասին հոգ տանեն։ Կանայք, հատկապես, կարիք ունեն մեծ ուշադրության ու սիրո»։
Ռոմանը, նախ եւ առաջ, խաղաղություն մաղթեց բոլոր հայ կանանց ու մայրերին․ «Թող որդիները հասնեն իրենց սպասող մայրերին։ Աղթում եմ բոլոր հայ զինվորների համար, որ տուն վերադառնան առողջ։ Շնորհավոր մարտի 8, սիրելի կանայք։ Մաղթում եմ, որ ձեզանից յուրաքանչյուրը ստանա այն սերը, որին արժանի է։ Սիրեք, բարձրացրեք կանանց ամեն օր, ստիպեք նրանց ժպտալ»։
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
09:00, 27 ապրիլի
ԱՊՐԻԼԻ 27-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով