• Կանանց կոլեկտիվ. «Սեփական սենյակ» ցուցահանդեսն Art Kvartal-ում

  Ցուցահանդեսի վերնագիրը հղում է Վիրջինիա Վուլֆի համանուն էսսեին.․․

• Խենթ նախագահները եգիպտացորեն են ուտում. ամերիկացի նկարիչը «ծաղրել» է երկրի ղեկավարներին

  Ես ապրում եմ ծիծաղի համար․․․

• Էդուարդ Իսաբեկյանի ցուցասրահը ներառվել է 2023 թվականի լավագույն 20 միջազգային պատկերասրահների եւ թանգարանների ցանկում

  Էդվարդ Իսաբեկյան պատկերասրահը հիմնադրվել է 2004 եւ բացվել 2013 թվականին․․․

• Նկարչուհի Էդիտա Սիմոնյան. Թարմ ծաղիկների էներգիան

  Երեւանաբնակ նկարչուհի Էդիտա Սիմոնյանը նկարում է ծաղիկների թերթիկներով՝ չօգտագործելով մատիտներ կամ ներկեր...

• Ձեր սիրելիին պոեզիայի երեկո նվիրեք. Վլադիմիր Գլազունովի եւ Սերգեյ Սիրոտինի մոնոներկայացումը՝ սիրո եւ հավերժական արժեքների մասին

  Բարության եւ սիրո անվերապահության, կենսական արժեքների, արմատներին վերադարձի մասին ներկայացում է․․․

• Արա Գյուլերի կյանքի մասին ֆիլմ կնկարահանվի

  Գյուլերը երկար տարիներ աշխատել է Magnum լուսանկարչական գործակալությունում․․․

• Ջրաներկի թեթեւ շունչը. ցուցահանդես՝ Երեւանի «Արվեստի դեսպանատուն» պատկերասրահում

  Պարզվեց, որ մեր մայրաքաղաքը շատ արվեստասերներ ունի․․․

• Գեւորգ Բաշինջաղյանի կտավը Նյու Յորքի աճուրդում վաճառվել է 16 250 դոլարով

  Գնորդը Մեծ Բրիտանիայից է․․․

Բրյուսելի Bozar ռեստորանի հայազգի շեֆ խոհարար Կարեն Թորոսյանն արժանացել է Michelin-ի երկրորդ աստղին։ 

Երկար տարիներ է, ինչ Կարեն Թորոսյանը Bozar ռեստորանի առաջատար խոհարարն է։ Խիստ եւ պահանջկոտ խոհարարը վերաիմաստավորում է դասական բաղադրատոմսերը՝ դրանց հաղորդելով իր անձնական մոտեցումն ու զգացմունքները։ Նա համբերատար եւ բարեխիղճ կերպով է զարգացրել իր ռեստորանն ու նորարարական խոհանոցը, իսկ արդյունքը եղան MICHELIN-ի երկու աստղերը:

«Մենք աշխարհի ամենագեղեցիկ մասնագիտությունն ունենք»,-Բերգենի թագավորական թատրոնում հանդիսավոր արարողության ժամանակ մրցանակը ստանալիս ասել է Թորոսյանը,-«Խոհարարությունն ավելին է, քան կիրքը, այն կոչում է»:

Նա նաեւ հավելել է, որ երբ 25 տարի առաջ եկել էր Բելգիա, ոչինչ չուներ, անգամ ֆրանսերեն չէր խոսում։

«Իսկ հիմա ես կանգնած եմ այստեղ։ Ուզում եմ շնորհակալություն հայտնել Ժան Պիեռ Բրունոյին, որի շնորհիվ ես սիրահարվեցի ռեստորանների աշխարհին, եւ Դեյվիդ Մարտինին՝ առաջին մարդուն, ով իսկապես հավատաց ինձ: Բախտավոր եմ, որ հինգ տարի առաջ նա ինձ հնարավորություն տվեց վերցնել ռեստորանի ղեկավարությունը եւ հավատաց ինձ։ Ռեստորանների աշխարհը խելագար մի վայր է, բայց դա լավագույն աշխատանքն է աշխարհում: Միայն նրանք, ովքեր դրա մեջ են, կհասկանան, թե ինչ նկատի ունեմ»։

Michelin-ի աստղը խոհարարական ոլորտի բարձրագույն գնահատականն է: Այսպիսի աստղեր շնորհվում են, հատկապես, բարձր մակարդակ ունեցող ռեստորաններին: Բարձրակարգ ճաշարանները կարող են արժանանալ մեկից մինչեւ երկու կամ երեք աստղերի, եւ այդ պարգեւը բաղձալի է ողջ աշխարհի խոհարարների համար: Առաջին անգամ աստղային այս համարգը ներկայացվել է 1926 թվականին՝ մեկ աստղով, որը տրվել է, որպես «շատ լավ ռեստորան»: Երկրորդ եւ երրորդ աստղերը ավելացվել են 1933 թվականին։ Երկու աստղը նշանակում է, որ տվյալ ռեստորանում «հիանալի են պատրաստում, եւ այնտեղ արժի շրջայց կազմակերպել», իսկ երեք աստղը «բացառիկ խոհանոցի» խորհրդանիշն է։

Հետևեք NEWS.am STYLE-ին Facebook-ում, Twitter-ում և Instagram-ում