Հազարավոր երեւանցիներ եւ մայրաքաղաքի հյուրեր գալիս են Երեւանի կենտրոն՝ մասնակցելու Yerevan Wine Days ավանդական գինու փառատոնին։
Այս տարի փառատոնին մասնակցում են ավելի քան 70 հայ գինեգործներ եւ 30 ռեստորաններ։ Բացի այդ, ընթացիկ փառատոնը նախորդներից տարբերվում է մի շարք հետաքրքիր միջոցառումներով. այցելուները կարող են վայելել գաստրոշոուներ՝ նշանավոր խոհարարների մասնակցությամբ։
««Երեւանի գինու օրերն» իր առաջին տարուց մեկ նպատակ է ունեցել՝ հանրահռչակել հայկական գինին։ Գինու եւ գաստրո գոտու շոուների այս հարթակը եւ սոցիալական պատասխանատվության, եւ հենց մեր հիմնական նպատակին ծառայող հարթակ է»,-ասում է «ԷվենտՏուրա» ընկերության համահիմնադիր, գործադիր տնօրեն Մերի Բադալյանը։
Միջոցառման մասնակիցները հնարավորություն ունեն նաեւ գինու մասին ավելին բացահայտելու եզակի աուդիո-թատրոնի միջոցով, որը ներկայացնում է գինու մշակույթի ինքնատիպ գեղարվեստական պատմություն՝ աղջիկ-սոմելյեի եւ գինուց ոչինչ չհասկացող երիտասարդ գործարարի մասին։
«Փորձում ենք հայ հանրությանն ու մեր հյուրերին ալտերնատիվ ճանապարհներով հրամցնել, թե ինչ է հայկական գինին եւ, առհասարակ, ինչպես են այն խմում։ Ներկայացման գլխավոր հերոսները փորձում են իրենց երկխոսության միջոցով ունկնդրին հասցնել իրենց հղումը»,-հավելում է Մերի Բադալյանը։
Մինչեւ հունիսի 4-ը փառատոնի այցելուներին նոր անակնկալներ են սպասվում։ Հատուկ միջոցառման համար Նյու Յորքից Երեւան ժամանած հայտնի շեֆ-խոհարար Ամանդա Ֆրայթագը էքսքլյուզիվ ճաշատեսակ կպատրաստի Երեւանում առաջին անգամ դրսում հավաքված պրոֆեսիոնալ մեծ խոհանոցում։ Բացի այդ, միջոցառման ընթացքում խաղարկվում են հովանավորների կողմից սահմանված նվերներ, այդ թվում՝ գինետուրեր, ճամփորդություն դեպի Եվրոպա։
Երեւանում գինու օրերն անցկացվում են արդեն 7-րդ տարին։ Փառատոնի հյուրերի եւ մասնակիցների թիվն ավելանում է տարեցտարի։ Մերի Բադալյանի խոսքով՝ այդ ամենը զգացվում է ոչ միայն փառատոնի օրերին, այլեւ՝ հաջորդիվ ամիսների ընթացքում։
«ԷվենտՏուրայի» առաքելությունն է Հայաստանը դարձնել աշխարհի զբոսաշրջային գլխավոր մեկնուղիներից մեկը` զարգացնելով, նորարարական լուծումներ կիրառելով, մշակութային ու սոցիալական պատասխանատվության տարր մտցնելով Հայաստանի իրադարձային զբոսաշրջության ոլորտ։
2022թ-ին Wine Travel Awards 2021-2022 միջազգային մրցանակաբաշխության ժամանակ Yerevan Wine Days փառատոնը ճանաչվել է տարվա միջոցառում։
Հետևեք NEWS.am STYLE-ին Facebook-ում, Twitter-ում և Instagram-ում
16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են