Խնձորի քացախը վերածնունդ է ապրում սոցիալական ցանցերում՝ Google-ի որոնումների հսկայական աճով, ինչպես նաեւ TikTok-ում միլիոնավոր դիտումներով: Համարվում է, որ այս «հրաշք դեղամիջոցը» օգնում է գրեթե ամեն ինչում՝ քաշի կորստից մինչեւ պզուկների բուժում: NEWS.am STYLE-ը փորձել է պարզել խնձորի քացախի դրական ու բացասական կողմերը։
Որո՞նք են խնձորի քացախի հնարավոր օգուտները
Քացախն ունի բազմաթիվ ենթադրյալ առողջական առավելություններ: Մասնավորապես, խնձորի քացախը կարող է օգնել հավասարակշռել արյան շաքարի մակարդակը: «Կան որոշ հետազոտություններ, որոնք ցույց են տալիս, որ ուտելուց առաջ խնձորի քացախ ընդունելը նվազեցնում է գլյուկոզայի արձագանքը:
Խնձորի քացախը կարող է օգնել նիհարելուն։ Արյան շաքարի ավելացումը կարող է նաեւ հանգեցնել մարմնում ինսուլինի ավելցուկ արտազատման, ինչը կարող է մարմնին ավելի շատ ճարպ կուտակելու ազդանշան: Օգնելով պահպանել արյան շաքարի մակարդակը կայուն՝ խնձորի քացախը կարող է օգնել ձեզ խուսափել ինսուլինի ավելցուկային արտազատումից եւ, հետեւաբար, ժամանակի ընթացքում օգնել քաշի կորստին եւ քաշի պահպանմանը:
Իհարկե, քացախը չի կարող փոխարինել հավասարակշռված սննդակարգին եւ մարզումներին։
Բարելավում է մարսողությունը
Թթվությունն օգնում է քայքայել սնունդը, ուստի խնձորի քացախը կարող է օգնել մարսողությանը ստամոքսի թթվայնության ցածր մակարդակ ունեցող մարդկանց համար: Ուտելուց առաջ փոքր քանակությամբ խնձորի քացախի ընդունումը նպաստում է թթվային միջավայրին, եւ մեր մարմինը ավելի լավ է քայքայում սպիտակուցները՝ նպաստելով մարսողությանը:
Միֆ. խնձորի քացախը կարող է օգնել սնկային վարակների դեպքում
Թեեւ որոշ ուսումնասիրություններ ցույց են տվել, որ խնձորի քացախը կարող է արգելակել Candida-ի աճը լաբորատոր պայմաններում, չկան վերջնական ապացույց, որ խնձորի քացախն արդյունավետ է մարդու մարմնում սնկային աճը վերահսկելու համար: Այդ իսկ պատճառով սնկային վարակը բուժելու համար մի ապավինեք տնական միջոցներին, ինչպիսին է քացախը:
Միֆ. խնձորի քացախը կարող է օգնել պայքարել պզուկների դեմ
Ենթադրվում է, որ խնձորի քացախն ունի որոշ հակաբակտերիալ եւ հակաբորբոքային հատկություններ, այդ իսկ պատճառով որոշ մարդիկ կարող են օգտագործել այն պզուկների բուժման համար: Այնուամենայնիվ, չկա որեւէ ապացույց, որը հաստատում է քացախի արդյունավետությունը պզուկների բուժման մեջ, եւ, հետեւաբար, ավելի լավ է օգտագործել ապացուցված արտադրանքները, ինչպիսիք են ռետինոիդը, բենզոիլ պերօքսիդը եւ սալիցիլաթթուն:
Խնձորի քացախը կարող է բարելավել ձեր մազերի առողջությունը
Խնձորի քացախը կարող է օգնել հավասարակշռել գլխի pH-ն եւ պայքարել թեփի դեմ: Այն ունի շերտազատող հատկություն՝ շնորհիվ խնձորաթթվի պարունակության, որը մեղմորեն մաքրելով գլխամաշկը կարող է օգնել նվազեցնել մահացած բջիջների կուտակումը: Սա կարող է աջակցել մազերի կուտիկուլին եւ դրանով իսկ բարելավել մազերի ընդհանուր վիճակը:
Vogue-ի առողջության խմբագիր Հաննա Քոութսը կիսվել է խնձորի քացախի հետ կապված իր փորձով։ Նա նախընտրում է ամեն առավոտ մաքուր խնձորի քացախ խմել, սակայն բժիշկներն այլ բան են խորհուրդ տալիս։ ACV-ի միակ բացասական կողմը ատամի էմալի պոտենցիալ էրոզիան է: Այդ կապակցությամբ խորհուրդ է տրվում խառնել ջրի հետ՝ 1-2 ճաշի գդալ 15-30 մլ ջրին՝ ուտելուց առաջ կամ հետո։
Հաննայի խոսքով՝ ինքը նկատել է, որ քացախն օգնում է կարգավորել քաղցը։ «Ես քաղց եմ զգում հենց այն ժամանակ, երբ պետք է (ճաշ, ընթրիք), ինչը հանգեցնում է ավելի քիչ խորտիկների»: Բացի այդ, քացախն օգնել է նրան հաղթահարել փքվածությունը։ «Իմ մարսողական համակարգը զգում է, որ այն լավ է մարսում (կերակուրը)»:
Հետևեք NEWS.am STYLE-ին Facebook-ում, Twitter-ում և Instagram-ում
17:38, 9 մայիսի
Հայտնի երաժիշտ եւ մշակութային քննադատ Միխայիլ Կազինիկն առաջին անգամ համերգներով հանդես է գալիս Երեւանում16:03, 9 մայիսի
Հայաստան կատարած ուղեւորությունից հետո Թամլին Քուրինիը ճանաչվել է «Խմիչքի թեմայով տարվա հեղինակ»15:36, 9 մայիսի
«Լադանիվա»-ն այսօր ելույթ կունենա «Եվրատեսիլ 2024» երկրորդ կիսաեզրափակչին․ ի՞նչ է լինելու բեմում15:26, 9 մայիսի
Ռոբերտ Դե Նիրոյին նվիրված առաջին փառատոնը տեղի կունենա Նյու Յորքում14:34, 9 մայիսի
Կիանու Ռիվզը ցանկանում է նկարահանել «Արագություն» ֆիլմի երրորդ մասը՝ Սանդրա Բուլոքի մասնակցությամբ13:23, 9 մայիսի
Շակիրան մեծ հաղթանակ է տարել Իսպանիայում իր հարկերի վերաբերյալ երկրորդ հետաքննության ընթացքում12:50, 9 մայիսի
Շեքսպիրի «անտեսված» կերպարը՝ յուրովի մեկնաբանությամբ. Արա Երնջակյանը ներկայացրեց «Հորացիոյի գաղտնիքը» գիրքը12:16, 9 մայիսի
Փերիս Հիլթոնը եւ Նիկոլ Ռիչին վերադառնում են ռեալիթի շոու11:18, 9 մայիսի
Քլոե Քարդաշյանը պատմել է, թե ինչպես է նիհարել 36 կիլոգրամով10:55, 9 մայիսի
Քիմ Քարդաշյանը «կոտրված Margiela տիկնիկի» դերում10:22, 9 մայիսի
Քրիս Ջենները հայտնել է, որ ուռուցք ունի09:00, 9 մայիսի
ՄԱՅԻՍԻ 9-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ