«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Հայ արվեստագետների տեսլականը՝ տան եւ պատկանելության մասին

13:25, 6 հոկտեմբերի

Կան լեռներ եւ կան խորհրդանիշ համարվող լեռներ, որոնցից է Արարատը․ այն Հայաստանի՝ թե ազգային, թե մշակութային խորհրդանիշն է, որը համարվում է Աստվածաշնչում հիշատակված՝ Նոյան տապանի հանգրվանը, գրում է Hyperallergic կայքը։ Ահա, թե ինչու է ապշեցուցիչ պատկերասրահում տեսնել սարից բերված հողակույտեր, օբսիդիանի գործիքներ եւ, նույնիսկ, կենդանիների մնացորդներ, որոնք կգտնեք լուսանկարիչ Սոսի Մաձունյանի  «Լույսը մութ ամպերի տակ»՝ Արարատի առասպելական պատկերի կողքին։ 

Հողակույտերն ու Մաձունյանի լուսանկարն այցելուներին դիմավորում են «Մնա լույսի մեջ. Հայրենիքի եւ Սփյուռքի տեսլականներ»՝ հայ լուսանկարիչների ցուցահանդեսին, որը բացվել է UCLA-ի Flower թանգարանում։ Բացի Մաձունյանից՝ ցուցահանդեսին մասնակցում են նաեւ Սփյուռի այլ հայ լուսանկարիչներ, նրանց թվում՝ Արա Մկրտչյանն ու Արա Օշականը, որոնք ապրում են Լոս Անջելեսում։ 

385525588_281512628096669_1724842771018718226_n.jpg (65 KB)

Մկրտչյանի «Quo Vadis?»-ը ճանապարհային նշանների լուսանկար է, որը ցուցադրում է Լոս Անջելեսի «քույր քաղաքները»՝ ընդգծելով Լոս Անջելեսի կարեւորությունը՝ որպես սփյուռքի տուն: Փոքրիկ նշանը ցույց է տալիս դեպի աջ, որը մատնանշում է Հայաստանի մայրաքաղաք Երեւանի ուղղությունը՝ 7200 մղոն (~11,500 կմ) հեռավորության վրա։ Այս աշխատանքի կողքին «Ձեռք ձեռքի» լուսանկարն է, որտեղ պատկերված են Երեւանի «Օրրան» կենտրոնի՝ սոցիալապես անապահով երեխաներն ու ընտանիքները: Նրանք թղթի կտորներ են պահում, որոնց վրա իրենց մատնահետքերն են։

Ցուցահանդեսը կազմակերպել է Գասիա Արմենիան՝ կապ ստեղծելով թեմաների եւ տարածաշրջանների միջեւ: «Մայր եւ որդի» լուսանկարում Մաձունյանը ներկայացնում է ընտանիքի առաջնեկի մկրտությունը՝ Հայաստանի Վայոց Ձորի մարզում։ Լուսանկարը ներկայացնում է մոր եւ որդու պատկեր, ինչը կարեւոր կրոնական խորհրդանիշ է հայկական շատ եկեղեցիներում։

380267086_198250446621658_158561699466730720_n.jpg (42 KB)

Մի փոքր այն կողմ Մկրտչյանի «Մկրտությունն» է, որը պատկերում է Գլենդելում կայացած մի մկրտություն։ Լուսանկարում մի տղամարդ, ենթադրաբար հայրը, լացող երեխային է պահում: Դրանից ոչ հեռու Արա Օշականի աշխատանքն է, որը ցույց է տալիս Հայաստանի Վանք գյուղի Գանձասար վանքի քահանա Դեր Հովհաննեսին, ով օրհնություն է կատարում: 

Մյուս առանցքային լուսանկարները 1915 թ-ի Հայոց ցեղասպանության թեմայով են, իսկ Օշականի «Լաչին» լուսանկարն արվել է Արցախում, պատկերում է երիտասարդ մի տղայի՝ կանգնած փայտե աստիճանների վրա։ Կայքը գրում է՝ Ադրբեջանը 2020-ին լայնածավալ հարձակում է գործել այդ շրջանի վրա, իսկ այս տարվա սեպտեմբերի 19-ի ռմբակոծությունների հետեւանաքով ավելի, քան 100 հազար էթնիկ հայ ստիպված են եղել փախչել այնտեղից։ 

380197410_993140328569638_3683338084140378550_n.jpg (69 KB)

Ցուցահանդեսի կազմակերպիչները ցանկացել են արտիստների բառերով ներկայացնել իրենց իսկ պատմությունները՝ դարձնելով դրանք նույնքան կարեւոր, որքան լուսանկարները։ Ցուցահանդեսը գործելու է մինչեւ հոկտեմբերի 15-ը։ 


Հետևեք NEWS.am STYLE-ին Facebook-ում, Twitter-ում և Instagram-ում




Print    |  In English

  • Related News

TV SHOWS PHOTO VIDEO


@NEWSam_STYLE

  • Archive
Search