Հաշվի առնելով հիպեր արագությունը, որով միտումները գալիս եւ հեռանում են TikTok-ի դարաշրջանում, նորաձեւությունը աննախադեպ տեմպերով փոխվել է ողջ 2023 թվականի ընթացքում՝ խթանելով «հանգիստ շքեղության», «անպետք» կոշիկների եւ «օվերսայզ» ոճի իրերի աճը:
2024 թվականը ոչնչով չի տարբերվի։ Կլինեն մի շարք հետաքրքիր միտումներ, որոնք կշարունակեն ոգեշնչված լինել անցյալից, քանի որ Z սերունդը փորձում է վերակենդանացնել իրենց ծնողների ոճերը: Մանրածախ առեւտրի հետախուզական պլատֆորմը՝ EDITED-ը, կանխատեսում է գալիք տարվա street style ոճը՝ ուսումնասիրելով այն գլխավոր միտումները, որոնք հաջորդ տարի «կտիրեն» փողոցներում:
2023 թվականին սպորտային հագուստը գրավել է եվրոպական փողոցները։ Մինչ EDITED-ը կանխատեսում էր ֆուտբոլային մարզաշապիկների ժողովրդականության աճ տասնամյակի սկզբին, 2024 թվականի ՈւԵՖԱ-ի ֆուտբոլի Եվրոպայի առաջնությունը սպորտը նոր բարձունքների կհասցնի:
2024 թվականին Փարիզում կայանալիք Օլիմպիական խաղերը կհամախմբեն մարզական միտումները Ֆրանսիայի մայրաքաղաքում: 2023 թվականին գերակշռում էին սպորտային միտումները, բայց խոսքը միայն ֆուտբոլային մարզաշապիկների մասին չէ: Օրինակ՝ ռեգբիի մարզաշապիկների հանրաճանաչությունը նախորդ տարվա համեմատ աճել է 33%-ով, իսկ Stüssy-ի եւ Palace Skateboards-ի կողմից վերափոխված հոկեյի մարզաշապիկները դարձել են վիրուսային՝ մեծացնելով շուկան 60%-ով։
Շորտերն այս ամառ դարձել են հանրաճանաչ համազգեստ Մեծ Բրիտանիայում՝ ոգեշնչված 90-ականների նոստալգիկ թրենդներից, որոնք փոխառվել են չմշկասահորդների նորաձեւությունից: Միջին երկարությամբ ջինսե շորտերը վիրուսային դարձան թվային հարթակներում 2023 թվականին, երբ «Jorts» հեշթեգը TikTok-ում ավելի քան 565 միլիոն դիտում ստացավ՝ Միլանի եւ Փարիզի Նորաձևության շաբաթների շքեղ պոդիումներում հայտնվելուց հետո:
Kenzo-ից մինչեւ Dior՝ ապրանքանիշերը ցուցադրեցին իրենց անհատականությունը՝ զարդարելով իրենց շորտերը փայլուն նախշերով եւ ժանյակավոր կտորներով: Բրիտանացի երիտասարդները կշարունակեն Jorts շարժումը նաեւ 2024 թվականին։
Աշնանը եւ ձմռանը մենք տեսանք, թե ինչպես Palace-ը եւ A1 Denim-ը իրենց խոշոր ստեղծագործությունները զուգակցեցին հաստ կոշիկներով, պապիկի ոճի սանդալներով եւ փափուկ ուգիներով՝ վերաիմաստավորելով սպորտային տաբատի տեսքը:
Նոր տարում կաշվե բոմբերները կփոխարինեն մոդայիկ մոտոցիկլետային բաճկոններին, որոնց ժողովրդականությունը աճեց Հեյլի Բիբերից ոգեշնչված:
Supreme-ը միշտ մեկ քայլ առաջ է լինում․ 2023 թ-ի աշնանային հավաքածուում բոմբեր բաճկոնները ներկայացված են յոթ տարբեր ոճերով: Կաշվե բոմբերները սովորական են դարձել իրենց հանգիստ շքեղության շնորհիվ, որն ուղեկցվում է բարձրորակ վարպետությամբ:
Ըստ EDITED-ի՝ կորպորատիվ ոճը կլինի նոր տարվա ամենաուժեղ միտումը, քանի որ տղամարդկանց ոճը գերիշխում է Maison Margiela-ի եւ Prada-ի գարուն/ամառ 2024 նորաձեւության ցուցադրությունների ժամանակ:
Կաշվե եւ ջինսե հագուստը վերածնվել է Louis Vuitton-ի 2024 թվականի աշնանային ցուցադրության ժամանակ: Vuitton-ի նոր հավաքածուն մարմնավորում է այն միտումները, որոնք մենք կտեսնենք հաջորդ տարի։
Հետևեք NEWS.am STYLE-ին Facebook-ում, Twitter-ում և Instagram-ում
18:35, 28 ապրիլի
«Շորս թափանցիկ չէ». Լիլիթ Հովհաննիսյանը մեկնաբանել է իր նոր տեսահոլովակի կերպարներից մեկը15:08, 28 ապրիլի
Սիլվեստր Ստալոնեն մեմուարներ է գրում13:30, 28 ապրիլի
Բրիթնի Սփիրսը համաձայնության է եկել հոր հետ11:44, 28 ապրիլի
Doja Cat-ը շատ համարձակ ու բաց լողազգեստով ցուցադրել է կազմվածքը10:35, 28 ապրիլի
Փերիս Հիլթոնը մերկացել է Flaunt ամսագրի շապիկի համար09:00, 28 ապրիլի
ԱՊՐԻԼԻ 28-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ18:47, 27 ապրիլի
Wine story: JancisRobinson.com-ի գլխավոր խմբագիրը՝ Հայաստանում գինու արկածի մասին (exclusive)16:23, 27 ապրիլի
Օպտիկական պատրանքը կարող է ցույց տալ՝ որքան «փակ մարդ եք» դուք15:38, 27 ապրիլի
Ռասել Քրոուն կնկարահանվի «Էկզորցիզմ» սարսափ ֆիլմի գլխավոր դերում14:12, 27 ապրիլի
Քանյե Ուեսթի՝ պոռնո հարթակ բացելու հայտարարությունից հետո Բիանկա Սենսորիի երկրպագուները խնդրում են նրան բաժանվել ռեփերից12:10, 27 ապրիլի
Քիմ Քարդաշյանը տխրել է Թեյլոր Սվիֆթի նոր դիս-թրեքի պատճառով, բայց չի ցանկանում «կրակի վրա յուղ լցնել»11:31, 27 ապրիլի
Վահագ Ռաշը հետեւորդներին է ներկայացրել «Լուսամփոփի պես աղջիկ» երգի նոր տարբերակը