• Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը

  Մայամիի սեքսի թանգարանը բացել է «Ցանկության մեքենաներ»/Desire Machines խորագրով ցուցահանդեսը, որը ներկայացնում է Հաջիմե Սորայամայի խորհրդանշական «սեքս-ռոբոտ» քանդակների շարքը…

• Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով

  Ավստրիացի նկարիչ Գուստավ Կլիմտի՝ 100 տարի կորած համարվող կտավը Վիեննայում կայացած աճուրդի ժամանակ վաճառվել է 30 միլիոն եվրոյով․․․

• Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար

  Louis Vuitton-ը բարձրացրել է իր նորագույն հավաքածուի նշաձողը՝ VIA Varsity Jacket-ի միջոցով․․․

• Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան

  Այս տարի հայտնի ռեժիսոր Դեւիդ Լինչին հրավիրել էին ստեղծելու ինստալացիա Salone del Mobile կահույքի տոնավաճառի համար՝ մի բան, որը հյուրերին այլ հարթություն կտեղափոխի․․․

• «Անհավանական» տեսանյութ, որտեղ պատկերված է գիտնականի եւ ութոտնուկի հաղորդակցությունը վայրի բնության մեջ

  Ստորջրյա կադրերում երևում է, որ ծովային կենսաբանը, ըստ երևույթին, շփվում է ութոտնուկի հետ՝ խեցգետիններ որսալիս․․․

• Թուփաքի պաշտոնական էջում տեղադրել են հայ նկարչի աշխատանքը՝ նշելով, որ այն արվել է Հայաստանում

  Ռեփեր Թուփաք Շաքուրի ինստագրամյան էջում տեղադրել են ազգությամբ հայ «սթրիթ արտ» նկարչի աշխատանքը եւ նշել, որ այն արված է Հայաստանում…

• Bodega-ն եւ Heineken-ը՝ HMD-ի հետ համատեղ, «Ձանձրալի հեռախոս» են ներկայացրել

  Bodega-ն եւ Heineken-ը՝ Human Mobile Devices (HMD) ընկերության հետ համատեղ, ներկայացրել են Boring Phone-ը («Ձանձրալի հեռախոս»)…

• Որտե՞ղ են խորհրդավոր կերպով անհետանում գուլպաները

  Նայեք ձեր գուլպաների դարակում եւ հաշվեք, թե քանի՞ զույգն է պակասում…

Ֆրանսիացի նկարիչ Ավգուստին Լինյեն ընտանի կենդանիների խանութի երկու առնետների սովորեցրել է սելֆի անել քաղցրավենիքի դիմաց։ Սակայն ժամանակի ընթացքում, նրա խոսքով, նրանք սկսել են դա անել զուտ հաճույքի համար, հաղորդում է CBC-ը։

Նրա խոսքով՝ դա նման է մարդկանց եւ սոցիալական ցանցերի շփմանը՝ սկզբում հավանությունների ես ձգտում, հետո սկսում ես հաճույք ստանալ։  «Դա արտացոլում է մեր պահվածքը՝ այն, թե ինչպես ենք մենք վարվում առցանց»,-ասել է ֆրանսիացի ծրագրային նկարիչը As It Happens-ին:

Իր «Առնետների սելֆի» ինստալացիայի համար Լինյեն ընտանի կենդանիների խանութից երկու արու առնետ էր գնել, որոնց նա անվանել էր Ավգուստին եւ Արթուր՝ իր եւ իր եղբոր անունով: Նա ասում է, որ կրծողներին տեսնում էր ոչ թե որպես առարկաներ, այլ որպես «համագործակիցներ»: «Ինձ համար նրանք իսկական արվեստագետներ էին, գիտե՞ք: Նրանք ելույթ էին ունենում տեսախցիկի առաջ»,- ասում է նա,-«Նրանք հրաշալի տեսք ունեին»:

Ինստալյացիան արվել է 2021 թվականին, սակայն ուշադրության կենտրոնում է հայտնվել այն բանից հետո, երբ New York Times-ն այս շաբաթ գրել է այդ մասին:

Լինյեն կառուցել է Skinner տուփի իր տարբերակը՝ սարք, որը նախագծվել է գիտնական Բ. Ֆ. Սքիների կողմից՝ առնետների վրա ուսումնական փորձեր անցկացնելու համար:

Skinner տուփի սկզբնական փորձարկումներում առնետները սեղմում էին լծակը՝ սննդի գնդիկները ստանալու համար: Երբ Արթուրն ու Ավգուստինը սեղմում էին լծակը, տեսախցիկը լուսանկարում էր եւ ցուցադրում այն ​​իրենց դիմացի էկրանին։

Ըստ Լինյեի՝ սկզբնական շրջանում լծակը սեղմելով նաեւ շաքարի խորանարդ է ստացվել։ «Այդ ժամանակ նրանք սկսել են տվյալ գործողությունը կապել հաճույքի հետ»,-ասում է նա:

Այն բանից հետո, երբ առնետներին վարժեցրին շաքար հայթայթել, Լինյեն փոխեց փորձարարական պարամետրերը: Երբեմն նրանք լուսանկարելու ընթացքում մի կտոր շաքար էին ստանում, երբեմն էլ՝ ոչ։ Այնուամենայնիվ, առնետները շարունակում էին սեղմել կոճակը եւ տասնյակ սելֆիներ անել։ Որոշ ժամանակ անց, նրա խոսքով, նրանք, գրեթե, դադարեցրել են շաքարավազ օգտագործել, նույնիսկ, երբ ստացել են այն:

«Ամեն անգամ, երբ նրանք սեղմում են կոճակը, նրանց ուղեղում հաճույք է առաջանում»,-ասում է Լինյեն,-«Դրա համար էլ շարունակում են դա անել»։

Լինյեն ասում է, որ առնետների ու լուսանկարչական խցիկի հարաբերությունը նման է մարդկանց ու սոցիալական ցանցերի հարաբերությանը: Վարքագծային շատ փորձագետներ եւ հետազոտողներ պնդում են, որ այն, ինչ իրականում ստիպում է մարդկանց գրառումներ անել, դա դոֆամինն է:

Դոֆամինը քիմիկատ է, որն ազատվում է ուղեղում, երբ մենք անում ենք հաճելի բաներ, ինչպիսիք են ուտելը, մարզվելը եւ սեքսով զբաղվելը:

Guardian-ին տված հարցազրույցում կախվածության հարցերով փորձագետ Աննա Լեմբկեն, որը Dopamine Nation գրքի հեղինակն է, սմարթֆոնն անվանել է «ժամանակակից ենթամաշկային ասեղ»:

Բայց թեեւ Լինյեն ասում է, որ «Առնետների սելֆի»-ն կոչված է ստիպելու մեզ մտածել այն մասին, թե ինչն է ստեղծում մեր առցանց վարքագիծը, դա պարտադիր չէ, որ ուղղված լինի ինտերնետային մշակույթի խիստ քննադատությանը: 

Արթուրն ու Ավգուստինը տասնյակ սելֆիներ են արել՝ փորձելով տարբեր ռակուրսներ, ինչպես իրական սոցիալական մեդիայի մասնագետներ: Բայց Լինյեն ասում է, որ իրենք կարծես թե բավարարվածություն չէին ստանում հենց նկարներից:

«Ես փորձում էի նրանց իրենց պատկերները ցույց տալ էկրանին, որպեսզի լուսանկարելուց անմիջապես հետո նրանք կարողանան տեսնել իրենց սելֆին»,-ասում է նա,-«Բայց իրենք իրենց չէին ճանաչում»։

Երբ իր սիրելի «կոլեգաները» ավարտել են իրենց «մոդելային» աշխատանքը, նա նրանց ուղարկել է Ֆրանսիայի հարավում գտնվող իր մայրիկի տուն, որտեց նրանք իրենց կարճատեւ կյանքը հանգիստ եւ հարմարավետ են ապրել։ Առնետները թաղվել են կողք կողքի՝ իր մոր այգում:

Հետևեք NEWS.am STYLE-ին Facebook-ում, Twitter-ում և Instagram-ում