Պրոդյուսեր եւ դերասան Արմեն Պետրոսյանը բավական ակտիվ գործունեությամբ է սկսել 2024-ը, եւ գարնանը հանդես կգա միանգամից մի քանի ժանրում։ Տարեվերջին նա հայտնեց «Բոլոլա» սիթքոմի երկրորդ եթերաշրջանի մասին, որը «Արմենիա» հեռուստաընկերության եթերում կլինի մարտ ամսից, իսկ օրերս կիսվեց իր եւ Անի Երանյանի նոր՝ Travel Time ճամփորդական նախագծի մասին, սակայն պրոդյուսերական եւ դերասանական գործունեությունից զատ, Մենչն այժմ պատրաստվում է իր առաջին ստենդ ափին, որի առաջին մանրամասները կարդացեք NEWS.am STYLE-ում։
«Մենչի վերջը»՝ այսպես է կոչվում հումորիստի մոնոներկայացումը, որի պրեմիերան կկայանա մարտի 7-ին՝ Ստանիսլավսկու անվան ռուսական դրամատիկական թատրոնում։
Թեեւ առաջին անգամ է հանդես գալիս ստենդ ափով, այդպիսի միտք վաղուց է ունեցել․ «Պարզապես, հենց այս պահին համարձակություն հավաքեցի դա անելու, քանի որ դա ինձ համար շատ պատասխանատու ու կարեւոր քայլ է»,-ասում է նա։
Արմեն Պետրոսյանը ստենդ ափի շուրջ աշխատում է «Բոլոլա» սիթքոմի սցենարիստների հետ։ «Մենչի վերջը» հումորիստի կյանքի մասին է, իսկ թեման ընտրելու գաղափարը Վահե Խաչատրյանինն է։ «Ստենդ ափը հիմնված է իրական դեպքերի վրա, գրեթե, ոչինչ հորինված չէ: Վերջին տարիներին բոլորս, ես էլ՝ ընկերական շրջապատում շատ կորուստներ ունեցա, եւ հասկացա, որ ժամանակն է անել ստենդ ափ՝ «Մենչի վերջը» վերնագրով, որը նաեւ ունի շատ մեծ ասելիք առ այն, որ արտիստին, դերասանին պետք է սիրել կյանքի օրոք, ոչ թե մահից հետո»:
Посмотреть эту публикацию в Instagram
Պրոդյուսերը դրական է գնահատում այն փաստը, որ Հայաստանում զարգանում է մոնոներկայացման ժանրը, եւ կարծում է՝ ժանրի ներկայացուցիչները «շատ լավ են կատարում իրենց գործը»։
Посмотреть эту публикацию в Instagram
Ինչ վերաբերում է Անի Երանյանի հետ Travel Time-ին, այն, ինչպես հուշում է վերնագիրը, ճամփորդական հաղորդում է։ «Այն ԱՄՆ 50 նահանգների մասին է, ամեն հաղորդումը նվիրված կլինի մեկին: Մարտ ամսից կլինենք PanArmenian TV-ի եթերում եւ Անի Երանյանի յութուբյան ալիքում: Հաղորդումը, գուցե, հեռարձակվի նաեւ «Արմենիա» հեռուստաընկերությամբ»,-պատմում է Մենչը,-«Հաղորդման միտքը երկար ժամանակ ունեի՝ մոտ 3 տարի: Անիի հետ վերջնական քննարկեցինք եւ որոշեցինք հունվարից սկսել նկարահանումները: Արդեն եղել ենք 4 նահանգներում, մինչեւ եթերը կլինենք եւս 4-ում, ապրիլին կնկարահանենք առաջին եթերաշրջանի վերջին 4 նահանգները: Տարեկան ունենալու ենք 2 եթերաշրջան՝ 12 թողարկումներով: Բավական հետաքրքիր ծրագիր է սպասվում՝ եւ ուսուցողական, եւ ժամանցային: Ցանկանում ենք մարդկանց ցույց տալ, որ Ամերիկան չի սկսվում ու վերջանում Լոս Անջելեսով կամ Կալիֆորնիա նահանգով, եւ կարծում եմ՝ այն կհետաքրքրի մեր հեռուստադիտողին»:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:00, 9 մայիսի
«Եվրատեսիլ 2024»-ի երկրորդ կիսաեզրափակիչը․ «Լադանիվան» ելույթ կունենա 8-րդը (ՈւՂԻՂ)22:09, 9 մայիսի
Սալվադոր Դալին եւ նրա լեգենդար բեղերը21:23, 9 մայիսի
Բուրջ Խալիֆան աշխարհի ամենաբարձրահասակի տիտղոսը կզիջի Սաուդյան Արաբիայի Ջիդդա աշտարակին20:16, 9 մայիսի
Շառլ Ազնավուրի սիրավեպերը․ շանսոնյեի հարյուրամյակին19:05, 9 մայիսի
«Վայ քու… կամ փարթամ կակտուսը». ֆիլմի պրեմիերան ու «կանաչ» գորգը (ֆոտո)18:31, 9 մայիսի
Տիհանա Vibes. Dasein-ը սիրո եւ տարբերվող մարդկանց մասին է17:38, 9 մայիսի
Հայտնի երաժիշտ եւ մշակութային քննադատ Միխայիլ Կազինիկն առաջին անգամ համերգներով հանդես է գալիս Երեւանում16:03, 9 մայիսի
Հայաստան կատարած ուղեւորությունից հետո Թամլին Քուրինիը ճանաչվել է «Խմիչքի թեմայով տարվա հեղինակ»15:36, 9 մայիսի
«Լադանիվա»-ն այսօր ելույթ կունենա «Եվրատեսիլ 2024»-ի երկրորդ կիսաեզրափակչին․ ի՞նչ է լինելու բեմում15:26, 9 մայիսի
Ռոբերտ Դե Նիրոյին նվիրված առաջին փառատոնը տեղի կունենա Նյու Յորքում14:34, 9 մայիսի
Կիանու Ռիվզը ցանկանում է նկարահանել «Արագություն» ֆիլմի երրորդ մասը՝ Սանդրա Բուլոքի մասնակցությամբ13:23, 9 մայիսի
Շակիրան մեծ հաղթանակ է տարել Իսպանիայում իր հարկերի վերաբերյալ երկրորդ հետաքննության ընթացքում