• Դավաճանություն՝ քնած ժամանակ. ի՞նչ են նշանակում անհավատարմության մասին երազները

  Ամուսնուն/կնոջը դավաճանելը ոմանց համար մղձավանջային սցենար է…

• Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել

  Հետազոտությունը, որը հրապարակվել է Economic Behavior & Organization ամսագրում, փորձել է պարզել, թե ինչպես է կնոջ արտաքինն ազդում մյուսների բարոյական վարքագծի վրա․․․

• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն

  Սեքսի դեպքում գեղեցկությունը հաճախ կենտրոնական տեղ է զբաղեցնում․․․

• Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով

  Կալիֆորնիայում բնակվող անգլիացին տարված է ամուսնացած կանանց՝ հատկապես իր բիզնես գործընկերների եւ ընկերների կանանց հետ սեքսով…

• Միջնադարյան առեղծվածային ձեռագիրը կարող է լինել սեքսի հնագույն ձեռնարկ

  Տարօրինակ նկարներով միջնադարյան ձեռագիրը կարող է լինել սեքսի մասին շատ հնագույն ձեռնարկ կամ գոնե դրա մի մասը․․․

• Forbes. Սեքսը՝ գեներատիվ արհեստական ​​ինտելեկտի դարում

  Սեքսը եւ տեխնոլոգիաները վաղուց փոխկապակցված են. միլիոնավոր մարդիկ օգտագործում են ծանոթությունների հավելվածներ՝ զուգընկերներ գտնելու համար․․․

• Տղամարդիկ, ովքեր սոցցանցերում վիրավորակամ մեկնաբանություններ են գրում կանանց, բարդութավորված կնատյացներ են

  Տղամարդիկ, ովքեր սոցցանցերում նողկալի մեկնաբանություններ եւ վիրավորանքներ են գրում կանանց հասցեին, բարդութավորված անբաններ են․․․

Երկարատեւ հարաբերությունների դեպքում նորմալ է ցանկությունների պակասը, հատկապես, երբ մարդիկ ծերանում են, եւ նրանց մարմինները փոխվում են, ասում է հոգեթերապեւտ Քեյթ Քեմփբելը, որին մեջբերում է The Guardian-ը։

«Նույնիսկ եթե դուք սիրում եւ հոգ եք տանում ձեր զուգընկերոջ մասին, դուք կարող եք երեւակայել ուրիշների մասին կամ ցանկանալ, որ ձեր զուգընկերը լինի ավելի երիտասարդ ու առողջ: Մայր Բնությունը խաբկանք է ստեղծում մեր ուղեղի համար՝ հարաբերությունների սկզբում ստիպելով տեսնել միայն դրականը միմյանց մեջ, բայց ժամանակի հետ դա անհետանում է»։

Որոշ մարդիկ կարծում են, որ սեռական կապի կորուստը խոչընդոտ է մտերմության համար, հատկապես, երբ այն ուղեկցվում է հարաբերություններում առկա այլ խնդիրներով:

Բայց դուք կարող եք պահպանել սերը եւ, նույնիսկ, վերակենդանացնել ձեր միջեւ սեռական կայծը:

Բաց շփվեք

Հոգեթերապեւտ Քամալեն Կաուրի կարծիքով՝ հարաբերություններում չկա ավելի կարեւոր բան, քան հնաոճ լավ հաղորդակցությունը: «Եթե սեքսը բացակայում է, բաց քննարկեք այն: Փորձեք այս հարցը բարձրացնել հանգիստ միջավայրում, օրինակ՝ երբ միասին զբոսնում եք կամ ճաշ պատրաստում: Սա մի փոքր տարածք է ստեղծում, որպեսզի դուք ստիպված չլինեք անմիջապես պատասխանել հարցերին»:

Եթե դուք ժամանակ հատկացնեք մտածելու համար, թե ինչն է առաջացրել ֆիզիկական խնդրի պատճառը, կարող եք հասկանալ, թե ինչ է կատարվում, եւ հաշվի առնել մտերմության այլ ձեւեր:

Կիսվեք ձեր հիշողություններով եւ ձեռքբերումներով

Կաուրը նշում է, որ կարեւոր իրադարձությունները հիշելը կարող է հիանալի միջոց հանդիսանալ զուգընկերների համար միմյանց պարզ ընկալելու եւ ընդունելու իրենց հարաբերությունների էվոլյուցիան: «Սրանք կարող են լինել տարեդարձներ կամ ձեռքբերումներ, որոնց դուք հասել եք որպես զույգ, օրինակ՝ երեխաներ ունենալը կամ միասին տուն գնելը: Ես խորհուրդ եմ տալիս գրի առնել այս բաները, քանի որ սա օգնում է ստեղծել դրական հիշողություններ: Կարող եք նաեւ փորձել գրել ձեր զուգընկերոջ լավագույն հատկությունները, որպեսզի հիշեցնեք, թե ինչու է նա գրավել ձեզ»:

Լուծեք ձեր հարաբերությունների թույլ կողմերը

Ի տարբերություն սննդի եւ կացարանի, սեռական քիմիան բարձր տեղ չի զբաղեցնում մարդկային կարիքների հիերարխիայում: Հարաբերությունների փորձագետ Կատարինա Պոլոնսկան ասում է, որ կյանքում «մեծ» նպատակների հասնելու համար պայքարելը, օրինակ՝ լավ կարիերան կամ տուն կառուցելը, կարող է նշանակել, որ մարդիկ կորցնում են իրենց զուգընկերոջ հանդեպ առաջնահերթությունները՝ հանգեցնելով սեռական հետաքրքրության կորստի: 

«Մեղրամիսից հետո սիրահարվելը ընտրություն է, եւ մենք չենք կարող ակնկալել, որ այն երկար կտեւի»,-ասում է նա,-«Այս ընտրությունը կատարելու համար մենք պետք է տեղ բացենք ցանկության եւ սիրո զգացումների համար: Առաջին բանը, որ ես հարցնում եմ զույգերին, երբ նրանք կորցնում են հետաքրքրությունը միմյանց հանդեպ, այն է, թե արդյոք նրանց կյանքում կա՞ն սթրեսային այլ գործոններ, օրինակ՝ աշխատանքի կամ խնամակալության պարտականությունները»:

Զույգերի համար, ովքեր դա համարում են խնդիր, միմյանց հետ ավելի շատ ժամանակ անցկացնելը կարող է օգնել վերականգնել կապը եւ սեռական քիմիան: «Մեկ այլ ընդհանուր պատճառ, թե ինչու են մարդիկ դառնում իրենց զուգընկերոջ նկատմամբ անտարբեր, կապված է անցյալի ցավերի եւ հարաբերությունների չլուծված խնդիրների հետ: Սրանք կարող են լինել փոքրիկ միկրոագրեսիաներ, բայց ժամանակի ընթացքում դրանք վերածվում են ավելի մեծ բանի»:

Նա խորհուրդ է տալիս զույգերին շաբաթական առնվազն 30 րոպե հատկացնել երեք բաների մասին խոսելուն,-«Դուք խոսում եք երեք բաների մասին, որոնք գնահատում եք, եւ երեք բաների՝ որոնք դուք պետք է իմանաք, օրինակ՝ դեպքերի մասին, որոնք ցնցել են ձեր վստահությունը:

Այնուհետեւ դուք կկիսվեք ձեզ անհրաժեշտ երեք բաներով, ինչպիսիք են ռոմանտիկ գործունեությունը կամ տան հետ կապված օգնությունը: Կարեւոր է ոչ թե դատելը, այլ միմյանց կիսվելու հնարավորություն տալը»:

Ստեղծեք ինտիմ մտերմության ռեժիմ

Ինտիմ հարաբերությունները հաճախ ասոցացվում են սեքսի հետ, սակայն դրանք կարող են ավելին լինել: «Որպեսզի սիրային հարաբերությունները շարունակվեն առանց սեքսի, կարեւոր է ինտիմ հարաբերությունների ռեժիմ մշակել, օրինակ՝ գրկախառնվել եւ համբուրվել փողոց դուրս գալուց առաջ: Երբեմն սեքսի վրա արգելքի կիրառումը կարող է օգտակար լինել լարվածությունից ազատվելու եւ տեսնելու համար, թե ինչ է տեղի ունենում, երբ փորձում եք միմյանց ձեռքերը բռնել կամ, պարզապես, գրկախառնվել բազմոցին»:

Նա ավելացնում է, որ եթե զուգընկերները դեռ հոգ են տանում միմյանց մասին, միասին ժամանակ անցկացնելը, հավանաբար, կբարելավի հարաբերությունները, եւ սեռական քիմիայի զգացումները կարող են վերադառնալ, նույնիսկ՝ տարիներ անց:

Փորձեք ինչ-որ նոր բան

Պատճառներից մեկը, թե ինչու է զույգերի միջեւ գրավչությունը թուլանում, բազմազանության բացակայությունն է: Կենցաղային առօրյան՝ զուգորդված աշխատանքային սթրեսի հետ, քիչ ժամանակ է թողնում կրքի համար: Մասնագետները խորհուրդ են տալիս նոր հոբբիով զբաղվել կամ այլ բան փորձել: «Կենտրոնանալով անձնական աճի վրա՝ դուք զարգացնում եք ձեր սեփական բավարարվածության զգացումը: Սա կարող է հարստացնել զուգընկերների անհատականությունը, ինչը դրականորեն կազդի հարաբերությունների վրա»:

Ժամանակի ընթացքում ինքնազգացողության այս թարմացումը կարող է հանգեցնել միմյանց նկատմամբ գրավչության եւ գնահատանքի ավելացման:

Հետևեք NEWS.am STYLE-ին Facebook-ում, Twitter-ում և Instagram-ում