Նորաձեւության աշխարհը կրեց եւս մեկ անդառնալի կորուստ․ 83 տարեկանում կյանքից հեռացել է աշխարհահռչակ իտալացի դիզայներ Ռոբերտո Կավալլին, ինչի մասին րոպեներ առաջ հայտարարվեց Roberto Cavalli բրենդի ինստագրամյան էջում։ Դիզայների մահվան կապակցությամբ ցավակցական ուղերձով հանդես է եկել Roberto Cavalli-ի կրեատիվ տնօրեն Ֆաուստո Պուգլիսին։
«Հարգելի Ռոբերտո, գուցե դու ֆիզիկապես այլեւս այստեղ չես՝ մեզ հետ, բայց ես գիտեմ, որ ես միշտ կզգամ քո ոգին ինձ հետ: Իմ կարիերայի մեծագույն պատիվն է քո ժառանգության ներքո աշխատելն ու ապրանքանիշի համար ստեղծագործելը․ այն ապրանքանիշի, որը դու հիմնադրել ես նման տեսլականով եւ ոճով: Հանգչիր խաղաղությամբ, քեզ կկարոտեն, եւ դու այնքան սիրված ես, որ քո անունը կշարունակվի լինել ոգեշնչման փարոս ուրիշների եւ հատկապես ինձ համար»,-ասվում է նրա հաղորդագրության մեջ։
NEWS.am STYLE-ը մեջբերում է հայտնի դիզայների ամենաոգեշնչող մտքերից մի քանիսը, որոնք հրապարակվել են նրա էջում։
«Շրջապատեք ձեզ սիրով, որովհետեւ սերն է կյանքի փարոսը»։
Посмотреть эту публикацию в Instagram
«Ես կրկնօրինակում եմ կենդանիների հագուստը, որովհետեւ ինձ դուր է գալիս կրկնօրինակել Աստծո ստեղծածը։ Կարծում եմ՝ Աստված ամենաֆանտաստիկ դիզայներն է»։
«Նորաձեւություն ստեղծելը դժվար է, դա չեք կարող սովորել, այն պետք է ունենաք ձեր գեներում»։
«Ես կփորձեմ ժպիտ պարգեւել ձեզ՝ ոչ թե հեքիաթներով, այլ իմ կյանքի իրական պատմություններով։ Երկար կյանքի, որը լի է էմոցիաներով ու արկածներով։ Ես այստեղ եմ ձեզ խրախուսելու համար։ Մի մոռացեք, որ ես ձեզ սիրում եմ»։
Ռոբերտո Կավալլիի մահվան մասին հայտնել են րոպեներ առաջ՝ նրա էջում։
«Մեծ վշտով այսօր մեր վերջին հրաժեշտն ենք տալիս մեր հիմնադրին՝ Ռոբերտո Կավալլիին։ Ֆլորենցիայում իր համեստ ուղուց Ռոբերտոն հասավ հաջողության՝ դառնալով համաշխարհային անուն, որը սիրված էր ու հարգված բոլորի կողմից։ Բնատուր տաղանդով ու ստեղծագործականությամբ օժտված Ռոբերտոն կարծում էր, որ յուրաքանչյուրը կարող է բացահայտել իր ներսի արտիստին։ Ռոբերտո Կավալլիի ժառանգությունը կապրի նրա կրեատիվության, բնության հանդեպ սիրո եւ նրա ընտանիքի շնորհիվ, որոնց նա պաշտում էր»,-ասված է հաղորդագրության մեջ։
Հավելենք, որ նորաձեւության դիզայներն ուներ վեց երեխա. Ամենակրտսեր որդին՝ Ջորջիոն, ծնվել է 2023 թվականին, երբ դիզայները 82 տարեկան էր։
Կավալլին ծնվել է 1940 թվականին՝ Ֆլորենցիայում։ Նա ընդունվել է Արվեստի ակադեմիա, որտեղ սովորել է ինտերիերի դիզայն, երբեք դիպլոմ չի ստացել, բայց սկսել է աշխատել տեքստիլով։ Դիզայները 1970-ականներին հիմնել է իր սեփական ապրանքանիշը՝ Roberto Cavalli-ն։
Լուսանկարը՝ Gareth Cattermole / Getty Images
Հետևեք NEWS.am STYLE-ին Facebook-ում, Twitter-ում և Instagram-ում
16:15, 17 մայիսի
«Հովեր» երգչախմբի առաջիկա համերգը նվիրված է Հակոբ Հակոբյանի 100-ամյակին15:05, 17 մայիսի
«Չենք բաժանվել, չենք վիճել». Սիլվի Բարկովան մեկնաբանել է Instagram-ում կրկին իր ազգանունով ներկայանալու որոշումը14:35, 17 մայիսի
Ոճաբան Սերգեյ Զվերեւը վստահեցրել է, որ Պուգաչովան կվերադառնա Ռուսաստան13:20, 17 մայիսի
Քիմ Քարդաշյանի դուստրը՝ Նորթ Ուեսթը, փոխել է մազերի գույնը. 10-ամյա սկսնակ ռեփերը ցուցադրում է իր շեկ ալիքները12:20, 17 մայիսի
«Մեգալոպոլիս»-ի դեբյուտը Կաննում ուղեկցվել է 7-րոպեանոց հոտնկայս ծափահարություններով11:28, 17 մայիսի
«Լադանիվա»-ն ներկայացրել է «Արարատ» հայտնի երգն՝ իր մեկնաբանությամբ (VIDEO)10:05, 17 մայիսի
Մոսկվայում անհետացել է «Папины дочки» հեռուստասերիալի դերասանը09:00, 17 մայիսի
ՄԱՅԻՍԻ 17-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:20, 16 մայիսի
Հայազգի երգչուհի Մարիամ Մերաբովան կոչ է արել ռուսներին չներել Պուգաչովային, որն իրենց ստրուկ է անվանել22:28, 16 մայիսի
Մերիլ Սթրիփը հիշել է, թե ինչպես է նկարահանել վտանգավոր սեքսուալ տեսարանում21:29, 16 մայիսի
«Նոր Ալիք 2024» միջազգային երգի մրցույթում Հայաստանը կներկայացնի Անահիտ Հակոբյանը21:09, 16 մայիսի
HerMine Dialog-ը՝ բացօթյա ձեւաչափով․ երեւանյան բեմում կներկայացվեն հայկական մթերքներով ուտեստներ