Ամառային սեզոնը կապված է զովացուցիչ ըմպելիքների հետ, որոնք օգնում են հաղթահարել շոգը և հանգստի շունչ հաղորդել առօրյա ակնթարթներին: Ամռան ամենահայտնի խմիչքներից մեկը վարդագույն գինին է։ Այս գինիները հայտնի են իրենց թեթև և թարմացնող բնավորությամբ, նուրբ բույրով և նուրբ համով, ինչը նրանց դարձնում է պարզապես համեղ փրկիչներ ամառային շոգ օրերի համար:
Այստեղ մեջ մենք կանդրադառնանք մի քանի հրաշալի վարդագույն գինիների, որոնք արժե փորձել այս ամառ՝ Երևանի շոգ օրերին զովանալու և ձեր տրամադրությունը բարձրացնելու համար։
Anselmann Pinot Noir Rose
Գինին արտադրվում է Գերմանիայում՝ Պֆալց շրջանում, Պինո Նուար խաղողից, որը հայտնի է իր նուրբ համով և բույրով: Այն ունի կարմիր հատապտուղների վառ և թարմ բույրեր, ինչպես ելակը և ազնվամորիները, ծաղիկների և գրեյպֆրուտի թեթև նոտաներով: Գինու համը նուրբ է, հավասարակշռված, թարմացնող թթվայնությամբ և հաճելի մրգային հետհամով:
Հիանալի համադրվում է թեթև սոուսով աղցանների, ծովախեցգետնի կամ միդիաների հետ: Այն կարելի է մատուցել նաև որպես ապերիտիվ կամ վայելել մրգային աղանդերի և փափուկ պանիրների հետ միասին:
Միջին գինը՝ 5800 դրամ
Dove Canyon Rose Dry
Արենի սորտից պատրաստված մեր հայկական վարդագույն գինին։ Այն բարդ և էլեգանտ է, վարդերի և կեռասի նուրբ բույրով: Համը հարուստ է, բայց միևնույն ժամանակ, թեթև, հատապտուղների հաճելի թթվայնությամբ։
Այն հաճելի համադրություն կլինի սպիտակ մսի, ձկան ուտեստների, ինչպես նաև թեթև բանջարեղենային նախուտեստների և մրգային աղցանների հետ:
Միջին գինը՝ 5800 դրամ
Pares Balta "Ros De Pacs"
Իսպանական օրգանական վարդագույն գինի, որն արտադրվում է Պենեդես շրջանի Գրենաշ և Կաբերնե Սովինյոն խաղողի սորտերից։ «Ros de Pacs»-ն ունի հենց հատապտուղների արտահայտիչ բույրը, որոնք պոկվել են հարևանի թփից, և ծաղիկների քաղցր բույրը՝ երկար անձրևոտ օրերից հետո: Համը հարուստ է և հավասարակշռված՝ ազնվամորու և ելակի նոտաներով, ավարտվող թեթև թթվայնությամբ։
Հիանալի համադրվում է թեթև մակարոնեղենի և սերուցքային աղանդերի հետ:
Միջին գինը՝ 5000 դրամ
Kataro Rose Dry
Հերթական հայկական չոր վարդագույն գինին` պատրաստված Արենի խաղողից։ Բույրը հյուսված է ելակի, կարմիր հաղարջի և թարմ վարդի երանգներից։ Համը թարմացնող է և թեթև, հատապտղային, լավ կառուցվածքով և երկար հետհամով։ Հարմար է ձկան, սաղմոնով կամ ավոկադոյով լցված կրուասանի կամ հատապտուղների կամ պիստակի միջուկով քաղցր դեսերտի հետ համադրելու համար:
Միջին գինը՝ 5100 դրամ
Hovaz Rose
Նույնպես վարդագույն գինի Հայաստանից՝ պատրաստված Արենի և Սիրա խաղողի սորտերից։ Այս գինին առանձնանում է իր նուրբ և ներդաշնակ համով։ Այն ունի ծորենի հատապտուղների հետաքրքիր քաղցր բույր, որը միահյուսված է թփային վարդերի բույրով: Համը փափուկ է, թարմացնող, թեթև, աննկատ թթվայնությամբ և հատապտուղների երկար հետհամով:
Փորձեք այն միջերկրածովյան ուտեստների, բանջարեղենի աղցանների, սպիտակ մսի և փափուկ պանիրների հետ:
Միջին գինը՝ 3700 դրամ
Լիանա Աղաջանյան
Հետևեք NEWS.am STYLE-ին Facebook-ում, Twitter-ում և Instagram-ում
15:34, 29 հունիսի
Սոսո Պավլիաշվիլի. Հայաստանը եղբայր է, հուսալի, սիրելի եղբայր15:10, 29 հունիսի
Նիկոլ Շերզինգերը խոստովանել է, որ ժամանակն իր դեմ է աշխատում15:03, 29 հունիսի
Սոսո Պավլիաշվիլին իր 60-ամյակը նշելու առթիվ ժամանել է Երեւան (ՈւՂԻՂ)13:08, 29 հունիսի
Քլոե Քարդաշյանն իր 40-ամյակի առթիվ 100-ից ավելի ծաղկեփնջեր է ստացել12:03, 29 հունիսի
5 փաստ ռեփեր Tyga-ի մասին, որը հուլիսի 28-ին ելույթ է ունենալու Երեւանում11:57, 29 հունիսի
Ֆրեդի Մերկուրիի «կինն» ավելի քան 187,5 միլիոն ֆունտ կվաստակի Queen-ի կատալոգի վաճառքից հետո10:22, 29 հունիսի
«Այսօր, ցավոք, հայկական մշակույթի լիակատար անկում է». պրոդյուսեր Զառա Մխեյան09:00, 29 հունիսի
ՀՈՒՆԻՍԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:12, 28 հունիսի
Սպիտակ մինի տոպ ու երկար շրջազգեստ․ Անահիտ Սիմոնյանի «total white» կերպարն ու գրառումը22:04, 28 հունիսի
Cycling. նոր միտում մազերի խնամքի մեջ21:26, 28 հունիսի
Համացանցում տարածվել է Ասիայի ամենահարուստ մարդու որդու հարսանիքի արտասովոր հրավիրատոմսը20:30, 28 հունիսի
Vivienne Westwood-ը 2024/25 աշուն-ձմեռ նոր գովազդային արշավում պատրաստվում է ցուրտ սեզոնին