• «Միշտ ոգևորված եմ՝ բացահայտելու իմ արմատները». Գրիգոր Ջաբոտյանը՝ հայկական նորաձևության և մոդել Արմինե Հարությունյանի հետ համագործակցության մասին

  Հոկտեմբերի 8-ից 11-ը անցկացված Երևանի նորաձևության շաբաթը (Yerevan Fashion Week) կրկին մեկ հարկի տակ համախմբեց դիզայներների, ստեղծագործողների և նորաձևության ոլորտի մասնագետների՝ թե՛ Հայաստանից, թե՛ աշխարհի տարբեր երկրներից…

• Պլասիդո Դոմինգոն ներկայացրել է կադրեր՝ Երևանում կայանալիք համերգի փորձից

  Այսօր՝ հոկտեմբերի 16-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի կունենա հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգը․․․

• Հավակնության և առևտրի խաչմերուկում. Հայացք՝ 2026 թվականի Երևանի նորաձևության շաբաթին

  Չորրորդ Երևանի նորաձևության շաբաթը պատմություն դարձավ՝ իր հետևում թողնելով հարյուրավոր փայլուն կադրեր սոցիալական ցանցերում և նկատելի հետք ինչպես տեղական, այնպես էլ արտասահմանյան մամուլում․․․

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երևանը, որ այսպես նայում ես, Հռոմից ոչ միայն հին չէ, այլև շատ նոր քաղաք է

  Երևանը միայն քարտեզի վրա նշված քաղաք չէ․ այն հիշողություն է, պատմություն, սեր ու երազանք՝ միավորված մեկ անվան մեջ...

• Արգենտինայի համը Երևանի սրտում. դեսպանատունը ներկայացրեց գինիներ, որոնք արժե փորձել

  Գինին ունի երկրի ինքնությունը առանց խոսքերի փոխանցելու հազվագյուտ ունակություն․․․

• Եթե Երևանի պատմության թանգարանը ապագայում  չարժանանա սեփական շքեղ շինության, թող սա լինի գոնե վերջին հանգրվանը  

  Հայաստանում ես առաջին անգամ հասկացա, թե ինչ է հայրենիքը, որը կրում ես քո ներսում։ Հայ լինելը նրանց համար դժբախտություն չէ կամ պարտականություն, դա նրանց էությունն է...

• Երկիրը՝ գլխավերևում. «Հայ ֆեստ»-ի բացումը Երևանում

  Նույնիսկ մռայլ աշնան կեսը պատճառ չէ դադարեցնելու տոներն ու փառատոները Հայաստանում…

«Չիբուխչյան» նորաձեւության դպրոցի սաները հաստատության ստեղծման 6-րդ հոբելյանն ամփոփեցին ավարտական ցուցադրությամբ: 23 դիզայներ, մեկը մյուսից տարբերվող 21 հավաքածու, որոնք հոկտեմբերի 10-ին ցուցադրվեցին «Ռամադա» հյուրանոցում կայացած շոուի ժամանակ: Իրենց աշխատանքն ամփոփեցին դպրոցի սաներ Համլետ Նահապետյանը, Նելլի Սարոյանը, Աննա Գեւորգյանը, Անի Աբրահամյանը, Մարինե Պետրոսյանը, Գոհար Մաթեւոսյանը, Մարիա Ավդալյանը, Շուշան Դարաբյանը, Դալարը եւ Ջուլիան, Մերի Կիրակոսյանը, Նելլի Գաբրիելյանը, Գայանե Ալեքսանյանը, Մարինե Թադեւոսյանը, Մերի Բագրատյանը, Անժելա Մալխասյանը, Էրիկա Ասատրյանը,

Քրիստինե Վարդեւանյանը, Կառոլինա Գալստյանը, Մերի Անդրիասյանը, Արշալույս եւ Արուսյակ Պետրոսյանները եւ Էմմա Գասպարյանը: Դպրոցի հիմնադիր Սվետլանա Չիբուխչյանը նշում է՝ կարեւոր պայմանն այն էր, որ հավաքածուն ամբողջությամբ ստեղծված լիներ տվյալ դիզայների կողմից՝ առանց պրոֆեսիոնալ դերձակների օգնության:

«Ամեն տարի՝ հենց դպրոցի ծննդյան օրը, կազմակերպում ենք նորաձեւության ցուցադրություն: Մեզ մոտ դասավանդում են լավագույն մասնագետները, ունենք մեծ արդյունքներ, մեր դիզայներները ստեղծել են իրենց բրենդները, աշխատում են լավագույն կենտրոններում՝ սրանք են մեր ձեռքբերումները տարիների ընթացքում»,-հավելում է Սվետլանա Չիբուխչյանը:

«Չիբուխչյան» նորաձեւության դպրոցի սաների աշխատանքը գնահատեց ոլորտի պրոֆեսիոնալներից բաղկացած ժյուրիի կազմը, որոնց մեջ մտնում էին հայտնի բրենդների ներկայացուցիչներ եւ դիզայներներ, այդ թվում՝ Էրիկ Հակոբյանը («Գաբաջյան» նորաձեւության տուն), Սաթենիկ Մկրտչյանը (Satifashion-ի տնօրեն), Հրանտ Հովհաննիսյանը (Zilbat բրենդի հիմնադիր, Թերեզա Ղարաբաղցյանը (Teress բրենդի տնօրեն), Անժելա Հովահաննիսյանը (OGANO բրենդի հիմնադիր), Արմեն Շահինյանը եւ Նարինե Հարությունյանը («Ուհի» բրենդի հիմնադիրներ): Նրանցից յուրաքանչյուրն իր նախընտրած դիզայներին խրախուսեց մրցանակով կամ պատվոգրով:

«Ուհի» զարդերի բրենդի դիզայներ-ոսկերիչ Արմեն Շահինյանը եւ կրեատիվ մենեջեր Նարինե Հարությունյանը NEWS.am STYLE-ի հետ զրույցում կիսվեցին իրենց տպավորություններով:

«Շոուն հետաքրքիր էր, բավական մեծ աշխատանք էր տարված, գրագետ մոտեցում էր՝ թե կառուցվածքի, թե դիզայնի առումով: Յուրաքանչյուր դիզայներ ուներ իր ձեռագիրը, բոլորը տարբեր էին, ինչով էլ հետաքրքիր էին»,-նշեց Արմենը:

Նարինեի խոսքով՝ ժուրիի դերում լինելը հեշտ գործ չէր. «Հաշվի առնելով, որ 21 հավաքածու էր ներկայացված, ընտրությունը շատ բարդ էր, հատկապես, որ նրանցից 2-ին պետք է միայն ընտրեինք: Ես՝ ինքս, ավելի կողմնակից եմ հենց նորաձեւությանը: Ընտրությունս կատարել եմ՝ հաշվի առնելով ժամանակակից թրենդները, կերպարների եթերային լինելը, կտորների կարերը, կտրվածքը, աքսեսուարների համադրությունը եւ այլն: Ընդհանուր առմամբ, տպավորություններս հրաշալի են»,-նշեց Նարինեն:

«Ուհի» աքսեսուարները ներկայացնում են մասնագիտությամբ ոսկերիչ-դզայներ Արմենի պրոֆեսիոնալ մոտեցումն ու Նարինեի կրեատիվ հայացքները: Բրենդի զարդերը հաճախ կտեսնեք նաեւ հայտնի հայուհիների «լուքերում»: Դրանք, պարբերաբար, կրում են Աստղիկ Սաֆարյանը, Բրյունետը, D’Litte-ը, Էլինա Ջանիբեկյանը եւ այլք:

Սյունե Առաքելյան

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում