• «Շորս թափանցիկ չէ». Լիլիթ Հովհաննիսյանը մեկնաբանել է իր նոր տեսահոլովակի կերպարներից մեկը

  Լիլիթ Հովհաննիսյանն անդրադարձել է իր նոր՝ «Ուշ ա» տեսահոլովակի կերպարներից մեկին…

• Վահագ Ռաշը հետեւորդներին է ներկայացրել «Լուսամփոփի պես աղջիկ» երգի նոր տարբերակը

  Երգիչ, երգահան Վահագ Ռաշը հետեւորդներին է ներկայացրել «Լուսամփոփի պես աղջիկ» երգի նոր տարբերակը…

• Ամենաթանկարժեք զգեստները, որոնք աճուրդի են հանվել ռեկորդային գումարներով

  Արվեստի աշխարհում հազվագյուտ նկարներն ու քանդակները, ինչպես հայտնի է, աճուրդում միլիոններ են ձեռք բերում, եւ թվում է, թե նորաձեւության սիրահարները նույնքան լրջորեն են տրամադրված աշխարհի ամենաթանկարժեք զգեստները ձեռք բերելուն...

• Miu Miu-ն դարձել է մոլորակի ամենահայտնի ապրանքանիշը

  Miu Miu-ն 2024 թվականի առաջին եռամսյակում դարձել է մոլորակի ամենահայտնի ապրանքանիշը․․․

• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

Դիզայներ Մարի Աքսելին շատերը Հայաստանում հիշում են որպես մոդել: Բնական է, նա հենց մոդել էլ եղել է: 2004 թվականին մասնակցել է Elite Model Look Armenia մրցույթին եւ հաղթել: Մասնակցել է նաեւ գեղեցկության մի շարք այլ մրցույթների: Մոդելային գործունեության շարունակությունը, սակայն, եղավ հագուստի մոդելավորումը, ինչի մասին էլ NEWS.am STYLE–ը զրուցեց հայ դիզայների հետ:

Մոդելից՝ դիզայներ: Ինչպե՞ս ստացվեց, որ որոշեցիք հագուստի մոդելավորմամբ զբաղվել:

Որոշումը՝ ստեղծել հագուստի սեփական շարքը եւ թողարկել զգեստների նոր հավաքածու, ինձ մոտ առաջացավ հղիության ընթացքում: Ես ազատ ժամանակ ունեի, շատ էի կարդում, նայում եւ մտածում էի: Ամուսնուս հետ մանրակրկիտ ուսումնասիրեցինք Մոսկվայում նորաձեւության շուկայի ներքին խոհանոցը եւ որոշեցինք, որ ժամանակն է անել առաջին քայլերը:

Ի՞նչ դժվարություններ էիք ստիպված հաղթահարել այդ ճանապարհին:

Ինձ համար դժվար ոչինչ չկա իմ աշխատանքի մեջ: Չէ՞ որ հստակ գիտեմ, թե ինչ եմ ուզում եւ ինչպես ստանալ ցանկալի արդյունքը: Այդ գործընթացից մեծ բավականություն եմ ստանում:

Հե՞շտ էր  հասնել նորաձեւ դիզայների կոչմանն այնպիսի մեգապոլիսում, ինչպիսին Մոսկվան է: Ո՞րն է Ձեր հաջողության գաղտնիքը:

Այսօր ես համարվում եմ Ռուսաստանի նորաձեւության շաբաթի մշտական մասնակից: Ես հստակ գիտակցում եմ, թե ինչ է ինձ տալիս մասնակցությունը եւ ինչ անել, որպեսզի արժանապատվորեն ներկայանալ այդ պրոֆեսիոնալ հարթակում: Ինչ վերաբերում է կազմակերպչական աշխատանքներին, ամեն ինչ բարձր մակարդակի վրա է: Ես հպարտ եմ, որ աշխատում եմ եզակի պրոֆեսիոնալ թիմի հետ՝ կազմված Նորաձեւության շաբաթի գլխավոր պրոդյուսեր Ալեքսանդր Շումսկիի կողմից: Իմ խնդիրն է, առաջին հերթին, բավարարել իմ հաճախորդների հետաքրքրությունը: Հավաքածուում շատ են բամբակից եւ մետաքսից, ինչպես նաեւ news look ոճի գզեստները, մինչեւ հատակը հասնող երկար եւ կարճ զգեստները:

Մեզանով հետաքրքրված են գործընկերները, հայտնի մարդիկ, նորաձեւության բլոգերները: Ցուցադրությունից առաջ հեռախոսները պայթում էին ցուցադրությանը մասնակցել ցանկացողների զանգերից: Իհարկե, անչափ հաճելի է, երբ մարդիկ հետաքրքրված են քո գործունեությամբ: Ամեն անգամ ցանկանում եմ զարմացնել հանդիսատեսին մնայուն ոճով: Չէ՞ որ ցուցադրությանը գալիս են իմ հաճախորդները: Ես մեծ պատասխանատվությամբ եմ վերաբերվում ցուցադրություններին, ամեն մանրուք հաշվարկված է: Գուցե ես անկեղծ եմ եւ իմ գործն անում եմ սիրով, եւ մարդիկ այդ զգու՞մ են: Ես բաց եմ բոլորի համար:

Ի՞նչն է ոգեշնչում Ձեզ նոր հավաքածուներ ստեղծելիս:

Ես շատ եմ մտածում, կարդում եւ, որպես արդյունք, ոգեշնչումն ինձ դրդում է ստեղծագործել, ստեղծել ինչ-որ նոր եւ հրաշալի բան: Հին ֆիլմեր եմ շատ դիտում, դրանք միաժամանակ ե՛ւ ժամանակի մեքենա են, ե՛ւ համակարգ, որը վերադարձնում է անցյալը եւ պահպանում կողմնորոշումները: Նոր հավաքածուի ուղղությամբ սկսում եմ աշխատել հերթական նորաձեւության շաբաթի ավարտից հետո: Սկզբում ես մտածում եմ թեմայի մասին, ինչպես եմ դա տեսնում, զգում եւ ցանկանում: Գտնելով թեման՝ շարժվում եմ առաջ, նկարում եմ էսքիզները: Կտորի արտադրամասերում փնտրում եմ նոր, հետաքրքիր նյութեր, վերլուծում ապագա սեզոնի գույները: Այս ամենով զբաղվում եմ ինքս:

Մտադի՞ր եք նման գործունեություն ծավալել նաեւ Հայաստանում:

Այսօր նորաձեւությունը հսկայական մարքեթինգային գործիք է շատ նորաձեւության տների համար: Նրանք թելադրում են նորաձեւությունը եւ դրա շնորհիվ վաճառում իրենց արտադրանքը: Հայաստանը շուկա չի համարվում: Չեմ կարծում, որ մոտ ապագայում ինչ-որ բան կփոխվի:

Զրուցեց՝ Շ.Շ.

Հետևեք NEWS.am STYLE-ին Facebook-ում, Twitter-ում և Instagram-ում