• Քեւին Սփեյսիին պաշտոնապես մեղադրանք է առաջադրվել երեք տղամարդու նկատմամբ ոտնձգության համար

  Սփեյսիին լրացուցիչ մեղադրանք է սպառնում․․․

• Ջեյմս Բոնդի մասին ֆիլմաշարի վերջին մասի ռեժիսորին մեղադրել են սեռական ոտնձգությունների մեջ

  Ռեժիսորը «Բեթի» սերիալի դերասանուհուն հարկադրել է ռոմանտիկ հարաբերությունների․․․

• Քանյե Ուեսթը հայտարարել է, որ Քիմ Քարդաշյանի նախկին ընկերոջից վերցրել է նրա մասնակցությամբ եւս մեկ ինտիմ տեսանյութ

  Ռեփերն արտասվել է՝ հիշելով վիրավորանքը․․․

• Դերասանուհի Էվան Ռեյչել Վուդը Մերիլին Մենսոնին մեղադրել է իրեն տեսախցիկի առաջ բռնաբարելու մեջ

  Նկարահանման հրապարակում ներկա են եղել այլ մարդիկ․․․

• Տատյանա Վասիլեւան պատմել է, որ 4 տարեկանում ոտնձգության է ենթարկվել

  Նրա նկատմամբ ոտնձգել է ընտանիքի ընկերը․․․

• Սինտիա Նիքսոնը մեկնաբանել է «Սեքսը մեծ քաղաքում» սերիալի սիքվելից Քրիս Նոտի մասնակցությամբ տեսարանը հեռացնելը

  Միստեր Բիգը պետք է հայտնվեր եզրափակչում․․․

• Ամերիկուհին, որն արքայազն Էնդրյուին մեղադրել է բռնաբարության մեջ, 2009-ին 500 հազար դոլար է ստացել լռության դիմաց

  Գումարը փոխանցել է Ջեֆրի Էպշտեյնը․․․

• Hollywood Reporter. եւս երկու կին դերասան Քրիս Նոտին մեղադրել է բռնության մեջ

  Առաջին դեպքը տեղի է ունեցել 2002-ին․․․

Ցավոք, կանայք հաճախ են բախվում իրադրությանը, երբ տղամարդն հրաժարվում է պաշտպանվել: Լավ է, եթե նա սեռական հարաբերություն է ունենում միայն մեկ կնոջ հետ, ինչը քիչ հավանական է:  Իսկ ի՞նչ ասել այն դեպքում, երբ տղամարդը պատահական կապերի կողմնակից է: Այդ տղամարդիկ չեն մտահոգվում անթիվ վտանգների, հիվանդությունների ու վարակների մասին: Հաճախ նրանք պատճառ ունեն դրա համար: Հենց դրանց մասին էլ NEWS.am STYLE – ի թղթակցին պատմել է  բժիշկ-սեքսոպաթոլոգ, դոցենտ, ԵՊԲՀ սեքսոպաթոլոգիայի ամբիոնի վարիչ, Համալսարանական կլինիկայի սեքսոպաթոլոգիայի ծառայության ղեկավար Սեւադա Հակոբյանը.

«Պահպանակը սեռական ճանապարհով փոխանցվող վարակների ու անցանկալի հղիության դեմ պաշտպանվելու դեռեւս ամենաանվտանգ մեթոդներից մեկն է: Այն ճիշտ օգտագործելու դեպքում պաշտպանվածության արդյունքը բավականին բարձր է (գիտությունը դեռեւս ավելի անվտանգ միջոց չի ստեղծել):  Տարբեր տեսակի պահպանակները նաեւ բուժման միջոց են:  Օրինակ, վաղ սերմնահոսության ժամանակ տղամարդկանց խորհուրդ է տրվում անդամի գլխիկի զգայնությունը նվազեցնող պահպանակ օգտագործել, որը նաեւ երկարաձգում է սեռական ակտը:

Սեքսոլոգիայի պրակտիկայում հաճախ հանդիպում են դեպքերի, երբ տղամարդը կտրականպես  հրաժարվում է պահպանակից: Զարմանալի է, բայց ոմանք այն ընկալում են որպես սրբապղծություն, անհարգալից կամ վիրավորական քայլ իրենց երկրորդ կեսի հանդեպ: Հաճախ պահպանակ չօգտագործելը տղամարդիկ մեկնաբանում են սեռական ակտի ժամանակ զգացողութունների թույլ արտահայտվածությամբ: Համաձայն չեմ, քանի որ գոյություն ունեն սիլիկոնային քսուքով լատեքսային պահպանակներ, որոնք ամբողջությամբ փոխանցում են բնական զգացողությունները: Տղամարդիկ նշում են նաեւ, որ երբեմն պահպանակ չեն օգտագործում՝ իրավիճակից դրդված:

Պետք է նշել, որ պահպանակ չօգտագործելը կամ այն օգտագործելու տեխնիկան չիմանալը պայմանավորված չէ մասնագիտությամբ, մտածելակերպով կամ անձի ինտելեկտի մակարդակով: Բացի այդ, շատ հաճախ պահպանակ չօգտագործելու պատճառով անցանկալի հղիության եւ վարակի դեպքեր գրանցվում են հենց բարձրագույն կրթությամբ մարդկանց մոտ: Ըստ իս` պատճառն այն է, որ նրանք հիմնականում հարաբեություն են ունենում իրենց կարծիքով վստահելի եւ լուրջ կնոջ հետ, եւ պահպանակն ավելորդ են համարում (իսկ թեթեւաբարո կանանց հետ կենակցելիս նրանք անպայման կպաշտպանվեին):

Պետք է հիշել, որ, թեկուզեւ սեռական ճանապարհով փոխանցվող վարակներն այսօր բուժվում են, բայց հիվանդությունները խորանալու միտում ունեն: Այդ պատճառով պետք չէ վտանգի ենթարկել առողջությունը: Այն շատ դժվար է վերականգնել»։

Գրի առավ Լաուրա Բալայանը

Հետևեք NEWS.am STYLE-ին Facebook-ում, Twitter-ում և Instagram-ում