• «Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես

  Ի պատիվ հայ ականավոր կինոռեժիսոր Սերգեյ Փարաջանովի հարյուրամյակի՝ ավելի քան 40 հայ մոդելավորողներ կներկայացնեն եզակի գործեր՝ ոգեշնչված նրա հավերժական արվեստով…

• Victoria Beckham x Mango. շքեղ, ազատ եւ գեղեցիկ

  Վիկտորյա Բեքհեմի՝ Mango-ի համար ստեղծած հավաքածուն դարձավ վիրուսային, երբ դրա մասին հայտարարվեց ապրիլի սկզբին․․․

• Ամենաթանկարժեք զգեստները, որոնք աճուրդի են հանվել ռեկորդային գումարներով

  Արվեստի աշխարհում հազվագյուտ նկարներն ու քանդակները, ինչպես հայտնի է, աճուրդում միլիոններ են ձեռք բերում, եւ թվում է, թե նորաձեւության սիրահարները նույնքան լրջորեն են տրամադրված աշխարհի ամենաթանկարժեք զգեստները ձեռք բերելուն...

• Miu Miu-ն դարձել է մոլորակի ամենահայտնի ապրանքանիշը

  Miu Miu-ն 2024 թվականի առաջին եռամսյակում դարձել է մոլորակի ամենահայտնի ապրանքանիշը․․․

• Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար

  Louis Vuitton-ը բարձրացրել է իր նորագույն հավաքածուի նշաձողը՝ VIA Varsity Jacket-ի միջոցով․․․

• Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»

  Ռիհաննայից բացի ուրիշ ո՞վ կարող էր մարտահրավեր նետել «հանգիստ շքեղության» նորաձեւ միտումին․․․

• Playboy x FAE հավաքածուն սեքսուալ իմաստով դրական նոտա է հաղորդում լողազգեստներին

  Playboy-ը եւ լողազգեստների FAE ապրանքանիշը թողարկել են նոր հավաքածու, որը սեքսուալ առումով դրական նոտա է հաղորդում լողազգեստներին․․․

• Dior-ն իր սպասքի հավաքածուում անդրադառնում է միջազգային շքեղությանը

  Dior-ն իր սպասքի հավաքածուում հարգանքի տուրք է մատուցում միջազգային շքեղությանը․․․

Մարիաննա Քաբաբյանը հայաստանյան բլոգոսֆերայի եզակի բլոգերներից է, ով գրում է նորաձեւության մասին: Մարիաննան իր բլոգը հիմնել է երկու տարի առաջ, երբ վերադարձել է նորաձեւության մայրաքաղաք Փարիզից: NEWS.am STYLE-ի հետ զրույցում նա պատմեց իր բլոգի ստեղծման, հայաստանյան նորաձեւության եւ ոճի կարեւորության մասին:

Ինչպե՞ս ծնվեց նորաձեւության մասին բլոգ վարելու միտքը:

Նորաձեւությամբ «հիվանդացա», երբ առաջին անգամ մեկնեցի հենց նորաձեւության մայրաքաղաք Փարիզ: Վերադառնալուն պես ընդունվեցի աշխատանքի հասարակական-քաղաքական ամսագրում եւ մեկ տարի լրագրող աշխատելուց հետո միտք ծագեց վարել իմ սեփական բլոգը, որը նվիրված կլինի միայն նորաձեւությանը, քանի որ, կարծում եմ, Հայաստանում նորաձեւության դաշտն այդքան էլ լուսաբանված չէ, իսկ մարդիկ ցանկանում են տեղեկացված լինել՝ այցելելով ընդամենը մեկ կայք, որտեղ կներկայացվեն թե’ հայկական, թե՛ համաշխարհային նորաձեւությանը վերաբերող նորություններ:

Ի՞նչ է քեզ տալիս քո բլոգը եւ ի՞նչ է տալիս այն, ըստ քեզ, ընթերցողներին:

Բլոգն ինձ համար ինքնարտահայտման ձեւ է, ինչպես եւ նորաձեւությունը: Էությամբ ես ոգեշնչում փնտրող անձնավորություն եմ եւ սիրով կիսվում եմ ընթերցողներիս հետ այն ամենով, ինչն ինձ է ոգեշնչում: Բլոգ վարելն ինձ համար ստեղծագործական բնույթ է կրում: Կարծում եմ՝ ընթերցողներիս իմ բլոգը հնարավորություն է տալիս ավելի մոտ լինել նորաձեւությանը, դրան նայել մի հայ աղջկա աչքերով, ով համակարգչի էկրանից այս կողմ միշտ պատրաստ է օգնել ցանկացած խորհրդով, կիսվել տպավորություններով այս կամ այն ֆեշն-իրադարձության շուրջ: Ուրախ եմ, որ այսօր կարողացել եմ ստեղծել մի միջավայր, ուր հայ աղջիկները կիսվում են կարծիքներով, իրենց հուզող հարցերով, քննարկում են նորաձեւության աշխարհին վերաբերող այս կամ այն նորությունը եւ այս ամենի շնորհիվ ավելի են մոտենում գեղեցիկին:

Ի՞նչ է պետք նորաձեւ լինելու համար:

Նորաձեւ լինելը վաղուց արդեն նորաձեւ չէ: Ամբողջ աշխարհում ավելի կարեւոր է դարձել ունենալ սեփական ոճը, ճիշտ ընդգծել սեփական «ես»-ը, ինքնարտահայտվել՝ օգտագործելով նորաձեւությունը որպես գործիք, եւ ոչ թե նպատակ դնել անպայման լինել նորաձեւ: Այդ պատճառով, առաջին հերթին, կարծում եմ, յուրաքանչյուր անհատ պետք է աշխատի սեփական ներաշխարհի վրա, փորձի մոտ լինի մշակույթին, արվեստին, ինչն էլ կօգնի հետագայում ձեւավորել բարձր ճաշակ եւ ոճի զգացում:

Ինչպե՞ս ես վերաբերում քո հասցեին հնչող քննադատություններին, չէ՞ որ ճաշակին ընկեր չկա:

Այսօր համացանցի հայ օգտատերերի մոտ շատ տգեղ սովորույթ է ձեւավորվել, քննադատել դիմացինին՝ վիրավորելով նրան: Կցանկանայի քննադատելուց առաջ մարդիկ նշեին, որ այդ իրենց կարծիքն է, եւ ոչ թե արտահայտվեին գեղեցիկի եւ տգեղի մասին, որպես դոգմա: Չէ՞ որ յուրաքանչյուր երեւույթի ընկալում սուբյեկտիվ է եւ չի կարող դոգմա լինել: Ես քաջ գիտակցում եմ, որ անհնար է բոլորին դուր գալ, այդ պատճառով նորմալ եմ վերաբերվում քննադատություններին, եթե դրա մեջ վիրավորանք չեմ տեսնում: Բայց պիտի նշեմ, որ ինձ համար առավել կարեւոր է այն մարդկանց կարծիքը եւ քննադատությունը, ում ճաշակով եմ համարում, ում աշխարհայացքը փոքրիշատե համընկնում է իմ աշխարհայացքի հետ:

Որպես նորաձեւության բլոգեր, ի՞նչ կարծիք ունես հայաստանյան նորաձեւության մասին:

Վերջին տարիներին Հայաստանում նորաձեւության ոլորտի նկատմամբ հետաքրքրության մեծ ալիք է բարձրացել: Այդ, իհարկե, շատ գովելի է: Այսօր մեզ մոտ ավելի հաճախ են տեղի ունենում նորաձեւության ցուցադրություններ, բացվում են հայ դիզայներներին պատկանող խանութներ, ինչն ինքնին շատ ուրախալի է: Իհարկե, դեռեւս հեռու ենք միջազգային շուկային հատուկ չափանիշներից, բայց միտումներ են նկատվում, որ հայկական նորաձեւությանը պայծառ ապագա է սպասվում:

Քո խորհուրդը նրանց, ովքեր դեռ չեն գտել իրենց ոճը:

Արդեն նշեցի, որ ինձ համար շատ կարեւոր է տեսնել մարդու ներքինի արտահայտումն իր արտաքինում: Կան մարդիկ, ում հատուկ է ունենալ սեփական ոճը փոքրուց, այդ ներքին հատկություն է, բայց կան նաեւ մարդիկ, ովքեր տարիքի, գիտելիքների, աշխարհայացքի ձեւավորման ընթացքում են գտնում այն ոճը, որն իրենցն է, եւ այդ ճանապարհի ընթացքում կարեւոր է հնարավորս շատ առնչվել գեղեցիկի՝ տարբեր արվեստների, գրականության, ժամանակակից միտումների հետ:

Զրուցեց` Շ.Շ. 

Հետևեք NEWS.am STYLE-ին Facebook-ում, Twitter-ում և Instagram-ում