Երևանում պաշտոնապես բացվեց Armflix-ի գրասենյակը

Էսօր քշել չկա, էսօր գինու փառատոն ա

Տոտալ դրամա Երեւանում

«Ազգային երգիչ 2»-ի մեծ համերգը, Սամվելի նոր երգը, ու մասնակիցներն՝ իրենց նոր բենդի մասին (VIDEO)

Stylish Faces. Աստղիկ Սաֆարյան. «Ասել եմ՝ չեմ սիրում, ու հեռացել եմ սիրելով»

Տիհանա Vibes. Dasein-ը սիրո եւ տարբերվող մարդկանց մասին է

«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Yerevan Gastronomic Days. Հայաստանը՝ համաշխարհային մակարդակի գաստրոնոմիական հարթակ

12:10, 21 մայիսի

Հունիսի 7-9-ը Երեւանում կանցկացվի գաստրոնոմիական առաջին խոշոր փառատոնը՝ Yerevan Gastronomic Days-ը։ Ասուլիսի ընթացքում բանախոսները՝ ի դեմս «EventToura»-ի համահիմնադիրներ Մերի Բադալյանի, Նունե Մանուկյանի, «Yerevan Gastronomic Days»-ի կազմակերպիչների, ինչպես նաեւ Հայաստանի խոհարարների ասոցիացիայի հիմնադիր-նախագահ Արբի Ղարախանիի, մանրամասն խոսեցին նախապատրաստական ​​աշխատանքների ընթացքի մասին։

Անցյալ տարի Երեւանի գինու օրերի շրջանակներում անցկացվեց փոքրիկ գաստրոնոմիական փառատոն։ Չնայած սահմանափակ ռեսուրսներին, միջոցառումը մեծ հետաքրքրություն առաջացրեց հասարակության շրջանում, ինչը կազմակերպիչներին դրդեց այս տարի ընդլայնել ձեւաչափը: 2024 թվականին փառատոնը կներառի չորս բաժին՝ ռեստորանային օրեր՝ շուրջ 70 ռեստորանների մասնակցությամբ՝ կենտրոնանալով շեֆ-խոհարարների վրա, վարպետության դասեր եւ գաստրոնոմիական շոուներ։

«Այս ողջ միջոցառման մեկ այլ կարեւոր մաս է երիտասարդ խոհարարների մրցույթը Համաշխարհային խոհարարների ասոցիացիայի հետ համագործակցությամբ, որը թույլ կտա մեզ հասկանալ, թե ինչպիսի հարաբերությունների մեջ պետք է մտնենք միջազգային խոհարարների հետ, ինչպես նաեւ հնարավորություն կտա Հայաստանի երիտասարդ խոհարարներին մասնակցել եզակի նախագծի՝ հինգ երկրներից հրավիրված ժյուրիի անդամների գլխավորությամբ»,-նշեց Մերի Բադալյանը։

Այս փորձը թույլ կտա Հայաստանին ապագայում հանդես գալ միջազգային գաստրոնոմիական ասպարեզում՝ որպես ուժեղ խաղացող, իսկ անմիջական նպատակը 2025 թվականին Հնդկաստանում Երիտասարդ խոհարարների միջազգային օլիմպիադան է։ Եվ չնայած ոչ ոք չի երաշխավորում պատվավոր 1-ին տեղը, պետք է առաջին քայլն անել այն նվաճելու համար:

Հրավիրված նշանակալից հյուրերից կլինի հայազգի ֆրանսիացի խոհարար Ալեն Ալեքսանյանը։ «Մենք շեֆ Ալեքսանյանին հոնորար չենք հատկացրել նախագծին մասնակցելու դիմաց, նա ասաց, որ բարեգործական ծրագրերը, որոնց նա մասնակցում է, պետք է գնան ի շահ Հայաստանի»։ Ալեքսանյանը երիտասարդ խոհարարների մրցույթի մասնակիցներից մեկին կընտրի, որպես իր ուսանող:

Կազմակերպիչները նշում են, որ համագործակցում են տարբեր ընկերությունների հետ, որոնք խոհարարներին կտրամադրեն անհրաժեշտ ամեն ինչ։

«Հրավիրված խոհարարներն իրենց ազգային ուտեստները կպատրաստեն հայկական արտադրանքից։ Սա եզակի փորձ կարող է լինել ինչպես խոհարարների, այնպես էլ բոլոր հյուրերի համար, ովքեր կկարողանան փորձել միջազգային ճաշատեսակները նոր տարբերակով»,- հավելեց Նունե Մանուկյանը։

«Երեւանի գաստրոնոմիական օրեր» փառատոնը կարեւոր դեր ունի նաեւ Հայաստանի տնտեսության եւ սպասարկման ոլորտի զարգացման գործում։ Բանախոսներն ընդգծեցին, որ փառատոնը կօգնի բարելավել բիզնես հմտությունները եւ հաճախորդների սպասարկման որակը։ Սա կարեւոր քայլ է զբոսաշրջիկների եւ ներդրողների ներգրավման համար։

Արբի Ղարախանին ընդգծում է փառատոնի շրջանակներում բնապահպանական իրազեկման կարեւորությունը՝ հաշվի առնելով այն հանգամանքը, որ այսօր գլոբալ խնդիրներից մեկը, որը, ցավոք, Հայաստանում բավականին ակնհայտ է, կապված է սննդի թափոնների հեռացման հետ. «Այս ասպեկտը ներառված է նաեւ խոհարարների մրցույթում, որտեղ նրանք, ովքեր ուշադիր կհետեւեն թափոնների վերամշակման գործընթացին, լրացուցիչ միավոր կստանան»։

Բացի հիմնական գաստրոնոմիական մասից, Երեւանի գաստրոնոմիական օրեր փառատոնում ուշադրություն է դարձվելու նաեւ հետեւյալ թեմաներին՝ ֆուդ-բլոգեր, ֆուրշետի «մաստեր կլաս»՝ ռուսաստանցի հայտնի ծաղկավաճառ Արայիկ Գալստյանի կողմից, օրգանական գինի, առողջ եւ վեգան սնունդ։

Կազմակերպիչները վստա են, որ Երեւանի գաստրոնոմիական օրերը կարեւոր քայլ կլինեն հայկական գաստրոնոմիական մշակույթի միջազգային ճանաչման ճանապարհին։ Փառատոնը նոր հնարավորություններ կբացի տեղի խոհարարների եւ ռեստորանի տերերի համար՝ օտարերկրյա գործընկերների հետ փորձի փոխանակման հարթակ տրամադրելով: Այն նաեւ կփոխի մարդկանց վերաբերմունքը Հայաստանի եւ հայկական խոհանոցի նկատմամբ:

Լիանա Աղաջանյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել