Թինա Կանդելակին վրացիների ու հայերի, Instagram-ի հայկական մաֆիայի, Քիմ Քարդաշյանի եւ այլնի մասին

Վեցամյա հայ աղջնակը կրկնօրինակում է ռեփեր Cardi B-ին

Հոլիվուդյան սեքս սկանդալներն ու հայկական շոու բիզնեսը. NEWS.am STYLE-ի հարցումը

Քիմ Քարդաշյանը եւ Քանյե Ուեսթը երրորդ անգամ ծնողներ են դարձել

Լավ կլինի՝ ավելի շատ հայեր անգլերեն խոսեն. NEWS.am STYLE-ի հարցումը՝ զբոսաշրջիկների հետ

Արքայախնձորով աղցան. Ամանորից հետո առողջ սննդակարգին վերադառնալու լավ տարբերակ

Սեւակ Խանաղյանը, Նունե Եսայանը, Սոֆի Մխեյանը, Արսեն Սաֆարյանն ու այլք շնորհավորեցին Հին Նոր տարին

Հայկ Ավանեսյանի հեղինակած շքեղ զգեստով Վերա Բրեժնեւան՝ «Россия» հեռուստաալիքի ամանորյա թողարկմանը

Ռուս ու գերմանացի աղջիկները, թանկարժեք զարդերը Գրիգորի Լեպսից ու էրոտիկ լուսանկարչուհին՝ նոր Comedy club-ում

Ռնգեղջյուրի պարը. Գոհար Ավետիսյանը լողազգեստով պար է ցուցադրել

Critics' Choice Awards – 2018

«Ոսկե Գլոբուս 2018». ինչո՞ւ էին աստղերը զանգվածաբար սեւ զգեստ հագել

Ինչպես արագ եւ արդյունավետ նիհարել Ամանորից հետո

Տոնական համերգ Ազատության հրապարակում, հնդկացիները եւ ազգային զբոսահանդեսը Երեւանում

Shine&Food. Ձուկ. այս անգամ`իմ սեփական բաղադրատոմսով

Shine&Food. Ի՞նչ խոզի բուդ, եթե սեղանին այս աղցանը կա

Ինչպես հայը սովորեցրեց վրացուն աշխատել եւ ինչպես Գարիկ Մարտիրոսյանին գետը նետեցին նոր Comedy Club-ում

Աշխարհի ամենասեքսուալ մոդելներից մեկը՝ Ջոան Սմոլսը, ներկայացել է Love էրոտիկ օրացույցում

«Եթե դա քո հագուստը չէ, անկախ նրանից, նորաձեւ է, թե՝ ոչ, մի ընտրիր այն». բլոգեր Գայանե Շահինյան

11:46, 17 փետրվարի

Գայանե Շահինյանը նորաձեւության մասին բլոգ է վարում արդեն երկու տարի: Այս ընթացքում Գայանեն հասցրել է տարբեր համագործակցություններ ունենալ, ինչպես նաեւ բացել իր օնլայն խանութը` Shaga Shop-ը: NEWS.am STYLE-ի հետ զրույցում նա պատմում է իր բլոգի ստեղծման, հայաստանյան նորաձեւության վիճակի եւ ոճային լինելու գաղտնիքների մասին:

Ինչպե՞ս ծնվեց նորաձեւության մասին բլոգ վարելու միտքը:

Օրվա ընթացքում մարդու ուղեղում ծնվում են տարբեր մտքեր, հետաքրքիր գաղափարներ, որոնք ինչ-որ պահի անգամ ոգեւորում են նրան: Բայց հետո նա մոռանում է դրանց մասին, քայլեր չի ձեռնարկում: Ինձ մոտ եղավ հակառակը. գաղափարը ծնվեց, մտածեցի, որ կարելի է անել ու արեցի: Հստակ պատասխանել, թե ինչպես որոշեցի բացել բլոգը հարցին, չեմ կարող: Կարեւորը հասկանաս, թե ինչի համար է քեզ բլոգը պետք, ուր է քեզ տանում, ինչ-որ կոնկրետ նպատակ ունենաս: Ոչ մի վայրկյան չծախսես այնպիսի բաների վրա, որոնք քեզ չեն հետաքրքրում եւ անսահման սիրես այն, ինչ անում ես:

Ի՞նչ է քեզ տալիս բլոգը եւ, ըստ քեզ, ի՞նչ է տալիս այն ընթերցողներին:

Որքան ինձ հիշում եմ՝ իմ գործունեությունն ինչ-որ առումով միշտ կապված է եղել նորաձեւության հետ. եթե աշխատում էի ամսագրերում, ապա գրում էի հիմնականում նորաձեւության մասին, եթե խաղում էի թատրոնում կամ հեռուստատեսությամբ հաղորդում էի վարում, ապա անպայման ինչ-որ մասնակցություն էի ունենում հագուստիս ընտրության, դիմահարդարման եւ սանրվածքի հարցերում: Բլոգը հնարավորություն է տալիս ինձ հետաքրքրող մասնագիտությունները համատեղել մեկ վայրում: Եղավ մի պահ, որ հասկացա, որ կարիք ունեմ ստեղծել մի բան, որը կլինի իմը, որը ինձ կոգեշնչի, ինձ ստեղծագործելու հնարավորություն կտա: Բլոգի շնորհիվ ես տարբեր համագործակցություններ ունեցա, բացեցի իմ օնլայն խանութը` Shaga Shop-ը: Ինձ դուր է գալիս այն, ինչ անում եմ, եթե դա հետաքրքիր է նաեւ այլ մարդկանց, եթե նրանց էլ դուր է գալիս կամ կարդում են, ինձ այդ միայն հաճելի է:

Ի՞նչ ես փորձում հասցնել ընթերցողներիդ:

Ես ուզում եմ, որ մարդիկ կարողանան նկատել լավը, գեղեցիկը, ուզում եմ լավատես լինեն, սիրեն կյանքը: Ուզում եմ, որ չվախենան տարբերվել, չվախենան իրենց երազանքներից: Սիրեն իրենց, ինքնավստահ լինեն, չփորձեն դուր գալ բոլորին, ապրեն իրենց համար, չդավաճանեն իրենց, ուրախանան փոքր բաներից: Ես չգիտեմ՝ այս ամենն ինձ մոտ ի՞նչ չափով է ստացվում փոխանցել մարդկանց, բայց կցանկանայի, որ իմ բլոգն այս առումով ոգեշնչի մարդկանց, լավատեսություն փոխանցի:

Ի՞նչ է պետք այսօր նորաձեւ լինելու համար:

Բոլորովին պարտադիր չէ լինել նորաձեւ: Կարեւորը լինես բանական, ներդաշնակ: Նորաձեւությունը շատ անհատական հարց է: Մեկը կարող է աչքերը փակ հետեւել նորաձեւությանը եւ դառնալ նորաձեւության զոհ, մյուսը կարող է նորաձեւության օգնությամբ ընտրել իրեն ամենից շատ համապատասխանող ոճն ու անընդհատ կատարելագործել այն: Ես շատ եմ ուզում, որ մարդիկ չդավաճանեն իրենք իրենց, թեկուզ հենց նորաձեւության հարցում. եթե դա քո հագուստը չէ, անկախ նրանից՝ նորաձեւ է, թե՝ ոչ, մի ընտրիր այն:

Ինչպե՞ս ես վերաբերում քո հասցեին հնչող քննադատություններին:

Ոչ միայն որպես բլոգեր, ընդհանրապես իմ կյանքում հասկացել եմ, որ պարտավոր չեմ բոլորին դուր գալ: Միշտ էլ կլինեն մարդիկ, ում ինչ-որ բան դուր չի գա: Մեծ հաշվով ինձ համար միեւնույն է:

Իսկ ի՞նչ կարծիք ունես հայաստանյան նորաձեւության մասին:

Հիշում եմ՝ մի քանի տարի առաջ, երբ ինքս որպես լրագրող հարցազրույց էի վերցնում հայ դիզայներներից, նրանք նշում էին, որ չնայած այդ պահին ամեն ինչ վատ է, բայց հետագայում շատ բան է փոխվելու եւ, փաստորեն, նրանք չէին սխալվում: Հիմա դրական շատ փոփոխություններ ենք տեսնում: Հաճախ կարելի է տեսնել նորաձեւ, ոճային մարդկանց մեր փողոցներում: Իսկ ամենակարեւորն այն է, որ մեր փողոցներում շատացել են ժպտացող մարդիկ: Այո, սա նորաձեւության հետ այնքան էլ կապ չունի, բայց հրաշալի փաստ է:

Քո խորհուրդը նրանց, ովքեր դեռ չեն գտել իրենց ոճը:

Խորհուրդ եմ տալիս սիրահարվել: Սիրահարված լինելը մոտիվացնում է: Սա Սիրո տոների հետ կապված հիշեցի: Իսկ, ընդհանրապես, ես խորհուրդ տալ չեմ սիրում, միակ բանը, որ կարող եմ ասել` սիրեք ձեզ, լսեք ձեր ներքին ձայնին: Եթե այն, ինչ հագնում եք, ձեզ դուր է գալիս, դա արդեն գործի կեսն է: Իսկ մյուս կեսի համար իմ բլոգին հետեւեք:


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Ինչ երաժշտություն եք նախընտրում
Ռեփ
Ջազ
Դասական
Ռոք
Էթնո