• «Ոսկե ծիրան»-ը փակեց 23-րդ էջը․ ովքեր հաղթեցին և ինչով հիշվեց կինոյի գլխավոր տոնը

  «Ոսկե ծիրան» միջազգային կինոփառատոնը 23-րդ անգամ գրեց երևանյան կինոփառատոնային պատմության հերթական հիշարժան էջը...

• Չորս հայ կինոգործիչներ ընտրվել են Կաննի կինոփառատոնի «Քննադատների շաբաթ Next Step Studio» ծրագրի համար

  Հուլիսի 16-ին GAIFF Pro Industry մրցանակաբաշխության արարողության ժամանակ անվանվել են այն կինոգործիչները, որոնք կմասնակցեն Կաննի կինոփառատոնի «Քննադատների շաբաթ Next Step Studio» ծրագրին, որը կկենտրոնանա Հայաստանի վրա, գրում է Armenian Film Society-ն…

• GAIFF Pro հարթակը հայտարարել է այս տարվա մրցանակակիրներին

  «Ոսկե ծիրան» Երևանի միջազգային կինոփառատոնի համատեղ արտադրության, ֆինանսավորման և կրթական GAIFF Pro Industry հարթակը հուլիսի 16-ին Aratashen Winery-ումամփոփվեց մրցանակաբաշխությամբ, որի ընթացքում պարգևատրվեցին Արևմտյան Ասիայի լավագույն կինոնախագծերը…

• «Պետք է պատմենք, թե ինչպիսի ժողովուրդ ենք՝ հարուստ մեր պատմությունով ու պայքարով, գրականությամբ, արվեստագետներով, դերասաններով». Սիմոն Աբգարյան

  Երևանում երեկ՝ հուլիսի 13-ին, պաշտոնապես մեկնարկեց «Ոսկե ծիրան» 23-րդ կինոփառատոնը…

• Կարմիր գորգ, հայտնիներ ու հատուկ հյուրեր. Մեկնարկեց «Ոսկե ծիրան» Երևանի 23-րդ միջազգային կինոփառատոնը

  Հուլիսի 13-ին հանդիսավորությամբ բացվեց Երևանի «Ոսկե ծիրան» 23-րդ միջազգային կինոփառատոնը՝ մեկնարկ տալով կինոյի ամենասպասված մշակութային իրադարձություններից մեկին...

• «Ոսկե ծիրան»-ի համարտադրության հարթակը հայտարարել է նոր համագործակցության և իրականացվելիք ծրագրերի մասին

  «Ոսկե ծիրան»-ի համարտադրության և ֆինանսավորման հարթակը՝ GAIFF Pro-ն, տեղի կունենա հուլիսի 13–18-ը՝ կինոփառատոնի շրջանակում, ներկայացնելով համաշխարհային կինոարդյունաբերության առաջատար մասնագետներին, նորարարական տեխնոլոգիաներն ու միջազգային համագործակցության հնարավորությունները...

• Սև Օհանյանը «Ոսկե ծիրան» 23-րդ միջազգային կինոփառատոնի պատվավոր հյուրն է

  Հոլիվուդի ամենահեռանկարային պրոդյուսերներից մեկը՝ Սև Օհանյանը, որը դեռ այս տարվա մարտին առաջադրված էր Ամերիկյան կինոակադեմիայի «Օսկար» մրցանակի «Մեղսավորները» ֆիլմի համար, «Ոսկե ծիրան» 23-րդ միջազգային կինոփառատոնի պատվավոր հյուրն է...

• Սիմոն Աբգարյանը` «Ոսկե ծիրան» 23-րդ միջազգային կինոփառատոնի պատվավոր հյուր

  «Ոսկե ծիրան» 23-րդ միջազգային կինոփառատոնի պատվավոր հյուրն է անվանի ֆրանսահայ դերասան, դրամատուրգ և ռեժիսոր Սիմոն Աբգարյանը...

Հուլիսի 12-19-ը Երևանը կրկին կվերածվի կինոյի մայրաքաղաքի. մեկնարկում է «Ոսկե ծիրան» 23-րդ միջազգային կինոփառատոնը, որն այս տարի ևս խոստանում է ոչ միայն բարձրակարգ կինո, այլև համաշխարհային կինոաշխարհի հայտնի դեմքերի այցեր, բացառիկ հանդիպումներ և հիշարժան պրեմիերաներ։

Թեև փառատոնը պաշտոնապես կմեկնարկի հուլիսի 12-ին, հանդիսավոր բացման և կարմիր գորգի արարողությունը կկայանա հուլիսի 13-ին՝ Կարեն Դեմիրճյանի անվան մարզահամերգային համալիրում։ Բացման ֆիլմը կլինի «Արտոյի երկիրը», որի ռեժիսորը Թամարա Ստեփանյանն է։ Ֆիլմն արդեն հասցրել է ուշադրության կենտրոնում հայտնվել՝ դառնալով այս տարվա «Անահիտ» մրցանակաբաշխության ամենաշատ՝ չորս անվանակարգերում առաջադրված աշխատանքը։

Այս տարի «Ոսկե ծիրանը» կրկին Երևան կբերի աշխարհի հեղինակավոր կինոփառատոններում՝ Կաննի կինոփառատոնում, Բեռլինի միջազգային կինոփառատոնում և այլ միջազգային հարթակներում ներկայացված ֆիլմերը՝ հայ հանդիսատեսին հնարավորություն տալով դրանք դիտել մեծ էկրանին։

«Երբ հարցնում էին՝ ինչի՞ համար է պետք փառատոնը, եթե կինո չունենք, ես միշտ պատասխանում էի՝ փառատոնը պետք է, որպեսզի ունենանք կինո»,- ասուլիսի ժամանակ ասաց փառատոնի հիմնադիր նախագահ Հարություն Խաչատրյանը՝ ընդգծելով, որ ավելի քան երկու տասնամյակի ընթացքում «Ոսկե ծիրանը» դարձել է տարածաշրջանի կարևորագույն մշակութային իրադարձություններից մեկը։

Փառատոնը նաև նոր միջազգային համագործակցությունների մեկնարկ է տալիս։ Տնօրեն և գեղարվեստական ղեկավար Կարեն Ավետիսյանը հայտարարեց, որ մեկնարկել է համագործակցությունը Կաննի կինոփառատոնի «Քննադատների շաբաթ» ծրագրի և Next Step հարթակի հետ։ Ավելին՝ հաջորդ տարի Հայաստանը կլինի ծրագրի ֆոկուս երկիրը, ինչը նոր հնարավորություններ կբացի հայ կինոգործիչների համար։

Իսկ եթե սիրում եք հանդիպել կինոյի հայտնի դեմքերին, այս տարվա հյուրերի ցանկը հաստատ չի հիասթափեցնի։ Երևան կժամանեն ֆրանսահայ դերասան, դրամատուրգ և ռեժիսոր Սիմոն Աբգարյանը, ամերիկահայ պրոդյուսեր Սև Օհանյանը, որի մասնակցությամբ ստեղծված «Մեղսավորները» ֆիլմն արժանացել է չորս «Օսկարի», ինչպես նաև օպերատորական արվեստի լեգենդ, վեց անգամ «Օսկարի» առաջադրված Բրյունո Դելբոնելը։

Տարածաշրջանային մրցույթի ժյուրին կգլխավորի իրանցի օպերատոր Մահմուդ Քալարիը, իսկ միջազգային մրցույթի ժյուրիի նախագահը կլինի ավստրիացի ռեժիսոր Ջեսիկա Հաուսները։ Ժյուրիի կազմում ընդգրկված են նաև կինոպատմաբան Մարկ Քազընսը, արգենտինացի դերասան Նաուել Պերես Բիսկայարտը, կանադացի կինոհամադրող Մարկ Պերանսոնը և գերմանա-թուրքական թատերական գործիչ Շերմին Լանգհոֆը։

Մեկ շաբաթ շարունակ Երևանը կապրի կինոյի ռիթմով՝ պրեմիերաներ, վարպետության դասեր, քննարկումներ, միջազգային հյուրեր և, իհարկե, կարմիր գորգի ամենասպասված պահերը։ Կինոսերներն այս ամառ էլ հաստատ շոգին կդիմադրեն որակյալ կինոյոֆիտման օգնությամբ:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում