• Կաննում կայացել է Վաչե Թովմասյանի մասնակցությամբ «Անորա» ամերիկյան ֆիլմի ցուցադրությունը

  Կաննի կինոփառատոնի շրջանակում կայացել է Շոն Բեյքերի «Անորա» ֆիլմի պրեմիերան, որի դիտումից հետո հանդիսատեսը 7 ու կես րոպեանոց ծափահարությունների է արժանացրել ժապավենին…

• Անահիտ Սիմոնյանի համարձակ զգեստն ու Ադելի «Easy on me» երգի cover-ը՝ երգչուհու մեկնաբանությամբ (ֆոտո/վիդեո)

  Երգչուհի, դիզայներ Անահիտ Սիմոնյանը Instagram-ի իր հետեւորդներին ներկայացել է նոր cover կատարմամբ...

• «Սուպերաստղային հիվանդություն»․ Բրյունետը հայտնել է իր նոր երգի մասին

  Բրյունետը նորություն ունի, որով կիսվել է ինստագրամյան իր հետեւորդների հետ...

• «Ինձ համար ամենակարեւորը բարձր մակարդակով Հայաստանը ներկայացնելն է». Անահիտ Հակոբյանը պատրաստվում է «Նոր Ալիք 2024»-ին

  «Նոր Ալիքը» Անահիտ Հակոբյանի համար միշտ «պարտադիր մրցույթներից» է եղել, փոքրուց հետեւել է, բայց կարծում է, որ հենց հիմա է դրան մասնակցելու իր ճիշտ ժամանակը…

• Աննա Մանուչարյանի սլացիկ կազմվածքը՝ մինի տոպով ու կարճ կիսատաբատով

  Դերասանուհի Աննա Մանուչարյանն ու նրա դուստրը՝ Մալենան, այս շրջանում ԱՄՆ-ում են, որտեղից, պարբերաբար, ներկայանում են իրենց արեւոտ առօրյան ցուցադրող կադրերով…

• Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)

  Իվետա Մուկուչյանն Instagram-ում նոր հոլովակ է տեղադրել՝ ցուցադրելով իր ֆոտոշարքից բեքսթեյջային կադրեր ու հայտնելով առաջիկայում սպասվող նորության մասին...

• «Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում

  Ռեժիսորն Սարիկ Անդրեասյանն ու նրա կինը հանգստանում են Իտալիայում․․․

• «Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես

  Ի պատիվ հայ ականավոր կինոռեժիսոր Սերգեյ Փարաջանովի հարյուրամյակի՝ ավելի քան 40 հայ մոդելավորողներ կներկայացնեն եզակի գործեր՝ ոգեշնչված նրա հավերժական արվեստով…

Զարուհի Սուրմենյանը վերջերս է մուտք գործել հայկական բլոգոսֆերա: Նա այն քչերից է, ով նորաձեւության մասին բլոգ է վարում:  Zayalook կոչվող բլոգում Զարուհին կիսվում է իր ստեղծած նորաձեւ կերպարներով եւ ոճով: NEWS.am STYLE -ի հետ զրույցում երիտասարդ բլոգերը պատմեց բլոգ բացելու գաղափարի, իր ոճի, հայկական նորաձեւության եւ այլնի մասին:

Ինչպե՞ս ծնվեց նորաձեւության մասին բլոգ վարելու միտքը:

Նորաձեւությամբ միշտ եմ հետաքրքրվել եւ շատ վաղուց մտածել եմ բլոգ բացելու գաղափարի մասին: Շատ պատճառներով, որոնցից էին նաեւ սուղ ժամանակը եւ միջոցները, որոշեցի հրաժարվել այդ մտքից: Սակայն երբ մեկ տարի առաջ Instagram-ում սկսեցի տեղադրել նկարներ, որոնք գտան բավականին դրական արձագանք, բլոգ ունենալու գաղափարն ավելի իրական դարձավ: Ինձ շատ օգնեց իմ մոտ ընկերներից մեկը, ով նկարեց եւ մշակեց այն բոլոր նկարները, որոնք հիմա տեղադրվում են բլոգում:

Ի՞նչ է քեզ տալիս քո բլոգը եւ ի՞նչ է տալիս այն, ըստ քեզ, ընթերցողներին:

Ես երբեք չեմ ունեցել այսպես կոչված հոբբի: Բլոգը բացելուց հետո հասկացա, թե ինչ է դա նշանակում: Ինձ համար բլոգը միջոց է կիսելու իմ սերը եւ կիրքը դեպի հագուստը եւ նորաձեւությունը: Հուսով եմ՝ ընթերցողներին այն հնարավորություն է տալիս տեսնել, որ կարելի է լինել նորաձեւ եւ գեղեցիկ՝ կրելով համեմատաբար մատչելի եւ հասանելի հագուստ:

Ի՞նչ է պետք այսօր նորաձեւ լինելու համար:

Ինքս ինձ շատ հաճախ եմ տալիս այս հարցը: Սեփական փորձից կարող եմ ասել, որ միշտ լինելու են ավելի շատ կամ ավելի թանկարժեք հագուստ ունեցող մարդիկ: Շատ դժվար է ունենալ այն ամենը, ինչ ուզում ես: Ըստ իս, պետք չէ ընկնել նորաձեւության հետևից, պետք է կարողանալ ընտրել թրենդեր, որոնք համապատասխանում են սեփական կերպարին եւ մարմնի կառուցվածքին:

Ինչպե՞ս ես վերաբերում քո հասցեին հնչող քննադատություններին:

Կարծում եմ, որ անկախ տարիքից, սեռից, ազգությունից, զբաղմունքից, չկա այնպիսի մարդ, ում հասցեին չեն հնչում քննադատություններ: Լինում են անհեթեթ քննադատություններ, որոնք շատ դեպքերում չեմ կարդում մինչեւ վերջ եւ լինում են դեպքեր, երբ ինքս եմ համաձայնվում ասվածի հետ:

Որպես նորաձեւության բլոգեր, ի՞նչ կարծիք ունես հայաստանյան նորաձեւության մասին:

Նախ, կուզեի նշել, որ ես ինքս ինձ նորաձեւության բլոգեր դեռ չեմ համարում: Նորաձեւության բլոգեր դառնալու համար, կարծում եմ, որ շատ ավելի ժամանակ եւ միջոցներ պետք է տրամադրեմ: Հուսով եմ, որ շուտով կկարողանամ ինքս ինձ այդպես կոչել: Ինչ վերաբերվում է հայաստանյան նորաձեւությանը, նկատել եմ, որ վերջին ժամանակահատվածում այն զարգացում է ապրում: Բացվել են նոր, այսպես կոչված, low priced fast fashion բրենդեր, որոնք հասանելի են դարձնում նորաձեւության թրենդերը բոլորիս, իրագործվում են նորաձեւության ցուցադրություններ եւ այլն: Անկեղծ կասեմ, որ շատ բան չեմ կարող ասել, քանի որ լավ տեղեկացված չեմ:

Քո խորհուրդը նրանց, ովքեր դեռ չեն գտել իրենց ոճը:

 Խորհուրդ կտամ գտնել ոգեշնչում եւ հասկանալ սեփական մարմնի դրական եւ բացասական կողմերը:

Զրուցեց՝ Շուշան Շատիկյանը

Հետևեք NEWS.am STYLE-ին Facebook-ում, Twitter-ում և Instagram-ում