• X օգտատերերն ամբողջ աշխարհում հիացած են «Եվրատեսիլ 2024»-ում «Լադանիվայի» դինամիկ և աշխույժ ելույթով

  Գանձ, ապշեցուցիչ է, անհավանական է. այսպես են արձագանքել X-ի օգտատերերը «Եվրատեսիլ 2024»-ում Հայաստանը ներկայացնող «Լադանիվա» խմբի դինամիկ և աշխույժ ելույթին...

• Ինչու՞ է Նիդերլանդների ներկայացուցիչը որակազրկվել «Եվրատեսիլ 2024»-ից

  «Եվրատեսիլ 2024» երգի մրցույթում Նիդերլանդների ներկայացուցիչ Յոսթ Քլայնը որակազրկվել է կին օպերատորի նկատմամբ «սպառնալից շարժումներ» անելու համար․․․

• Do good. Բրյունետը ելույթ ունեցավ Եվրատեսիլ 2023 երգի մրցույթի կիսաեզրափակչում

  Երգչուհին դուրս եկավ բեմ եւ կատարեց իր «Future lover» երգը․․.

• «Ոճերի մենամարտ». Brunett vs Իրու Խեչանովայի

  Առաջին հայացքից «Եվրատեսիլ 2023»-ի երկու մասնակիցների ոճերն առանձնապես չեն տարբերվում․․․

• «Եվրատեսիլ 2023»-ին Հայաստանը կներկայացնի Brunette-ը

  Ես այնքան հպարտ եմ, որ մենք եւս մեկ անգամ կարող ենք աշխարհին ցուցադրել անհավատալի երիտասարդ տաղանդներ...

• Մեծ Բրիտանիայի յոթ քաղաքներ «կմրցեն» «Եվրատեսիլ»-ն ընդունելու իրավունքի համար

  2023 թվականին մրցույթը կանցկացվի Բրիտանիայում՝ անվտանգության նկատառումներից ելնելով․․․

• Պրիգոժինը «Եվրատեսիլի» անցկացման վայրի տեղափոխումն անվանել է «ծաղր ուկրաինացիների նկատմամբ»

  Եվրատեսիլն անվանել է անցյալի մասունք...

• Ռումինիան մտադիր է դատական հայց ներկայացնել «Եվրատեսիլի» կազմակերպիչների դեմ

  Երկիրը մրցույթի կազմակերպիչներին մեղադրել է հանուն Ուկրաինայի հաղթանակի գնահատականները նենգափոխելու համար․․․

«Եվրատեսիլ 2016» մրցույթում Հայաստանը ներկայացնող Իվետա Մուկուչյանը հարցազրույց է տվել eurovision.de գերմանական կայքին եւ խոսել իր մասնակցության, կարիերայի, ընտանիքի, Հայաստանում մրցույթի արդիականության եւ իր կանխատեսումների մասին։

-Անսպասելի՞ էր տեղեկանալ, որ հենց դու ես ներկայացնելու Հայաստանը Եվրատեսիլ մրցույթում։

-Ոչ, այնքան էլ չէի զարմացել, քանի որ նախորդ տարիներին ընտրող հանձնաժողովի կողմից իմ հանդեպ հետաքրքրություն կար։ Եվ ես  մեծ ուրախություն ապրեցի, երբ զանգեցին եւ հայտնեցին, որ հենց ես եմ ընտրվել։

Հարցին, թե որքանով է մրցույթն արդիական Հայաստանում, Իվետան նշել է, որ Եվրատեսիլն իսկապես մեծ նշանակություն ունի մեր երկրում եւ բոլոր հայերը՝ անգամ ԱՄՆ-ում բնակվող, դիտում են այն։

- Հայաստանը Եվրոպայում չէ, բայց Եվրատեսիլը հիանալի շանս է քո երկիրը Եվրոպայում ներկայացնելու եւ դեպի Եվրոպա նայելու համար։ Մրցույթը շատ մեծ կարեւորություն ունի Հայաստանում, եւ բոլորը՝ անգամ ԱՄՆ-ում բնակվող հայերը, դիտում են այն։ Մրցույթը նաեւ ցուցադրվում է քաղաքում առկա մեծ էկրանններին։

-Շա՞տ երգահաններ են առաջարկել երգ գրել քեզ համար։

-Բավականին շատ երգեր եմ ստացել՝ հիմնականում հենց Շվեդիայից, բայց դա ինձ չէր խանգարում ինքնուրույն երգեր գրել եւ համագործակցել պրոդյուսերների հետ։ Ի դեպ, նոյեմբերի 13-ին մենք միասին կկատարենք այդ պատասխանատու ընտությունը։

-Ինչպիսի՞ երգ ես պատրաստվում ներկայացնել։

-Երգը կլինի անգլալեզու, միջին տեպից անցումով ռիթմիկ տեմպի, այսինքն՝ բալլադ չեմ ներկայացնելու։ Ես կարծում եմ, որ մարդիկ դրական կատարում են ակնկալում ինձնից։ 

-Ճանաչու՞մ ես նախորդ տարիներին Եվրատեսիլում Հայաստանը ներկայացրած մասնակիցներին։

-Մենք բոլորս միմյանց ճանաչում ենք։ Ավելին, մենք նաեւ աշխատում ենք միասին։ Հայաստանը շատ փոքր է, եւ բոլորը միմյանց ճանաչում են։

-Դու երաժշտական ըտանիքի՞ց ես։

- Դժբախտաբար, ոչ։ Հայրս ինժեներ է, իսկ մայրս՝ թարգմանչուհի։  Ես իմ կարիերան սկսել եմ 12 տարեկանից, բայց երբեք չէի մտածի, որ երգչուհի կդառնամ։ Այդ պատճառով դպրոցն ավարտելուց հետո սկսեցի դիզայնով զբաղվել։ Բայց ծնողներս ամեն օր ասում էին. «Դու չես կարող նստել կարի մեքենայի դիմաց, երբ բեմը քեզ է սպասում»։ Նրանք ինձ համոզեցին տեղափոխվել Հայաստան եւ սովորել կոնսերվատորիայում։ Ես այդպես էլ արեցի։

- Ինչպե՞ս ճանաչում ձեռք բերեցիր Հայաստանում։

-Ես մասնակցեցի հեռուստատեսային շոուներից մեկին եւ գրավեցի 5-րդ տեղը։ Ես ճիշտ ժամանակին հայտնվեցի ճիշտ տեղում. եվրոպացի աղջնակ, որը հեռացել էր այնտեղից եւ հետ եկել հայրենիք։ Դրանից հետո ես օրեցօր սկսեցի ավելի ու ավելի աճել։ Սկզբում ռոք, հետո դաբստեպ էի երգում եւ ընդունվում ու սիրվում մարդկանց կողմից։ Փաստորեն, հայերը դարձան պատճառ, որ ես լավ երգչուհի դառնամ։

-Ո՞րն է քո նպատակը Ստոկհոլմում։

-Անմոռանալի ելույթ ունենալ եւ իմ ներաշխարհի մի մասնիկը տալ մարդկանց։ Սա ավելի կարեւոր է, քան հաղթանակը։

-Ըստ քեզ ո՞ր տեղը կզբաղեցնես։

-Ես կցանկանայի լինել լավագույն տասնյակում, սակայն հայերը միշտ ուզում են լինել լավագույն եռյակում։ Մինչեւ օրս Հայաստանի լավագույն արդյունքը եղել է 4 հորիզոնականը։ Փաստորեն, ես գոնե 3-րդ պետք է զբաղեցնեմ,- ծիծաղով նշել է Իվետան։

Պատրաստեց՝ Յանա

Հետևեք NEWS.am STYLE-ին Facebook-ում, Twitter-ում և Instagram-ում