• «Холостяк»-ի հաղթող Կատյա Սաֆարովան լուսանկարվել է մերկ

  Ոչ բոլորին է դուր եկել այդ անկեղծությունը․․․

• Սիմոն Պորտ Ժակմյուսի շունը նկարահանվել է ֆրանսիական «Elle»-ի շապիկի համար

  Դիզայները շատ է սիրում շների…

• Դուա Լիպան եւ Անվար Հադիդը բաժանվել են

  Զույգը վաղուց էր մտածում բաժանվելու մասին…

• Fendi նորաձեւության տունը վերաթողարկել է «Սեքսը մեծ քաղաքում» սերիալից հայտնի դարձած պայուսակը

  Արժեքը 4300 դոլար է․․․

• Ինչպիսի պայուսակներ համադրել փքաբաճկոնների հետ․ ոճային տարբերակներ (ֆոտո)

  Իդեալական ընտրություն կլինի հարթ կամ ասեղնագործված պայուսակը․․․

• Միատոն զգեստը՝ կանանց համար Ամանորի թրենդ

  Միատոն հանդերձանքը Նոր տարվա նախաշեմին կանանց շրջանում թրենդ է դարձել․․․

• «Միսս Տիեզերք» մրցույթի հերթական փուլը․ Նանե Ավետիսյանը՝ Արարատյան թագավորության աստվածուհի Արուբանիին ներկայացնող տարազով (վիդեո)

  Նոր հրապարակում․․․

• Քրիստինե Գրիգորյանի նորաձեւության երեկոն եւ հայտնի հյուրերը (ֆոտո)

  Պպոդիումում ոչ միայն պրոֆեսիոնալ մոդելներ էին, այլեւ հայտնի մարդիկ․․․

Կյանքը հարթակի վրա, ցավոք, կարճ է, եւ անվանի մոդելներին վաղ թե ուշ փոխարինում են երիտասարդները։ Ովքե՞ր են նրանք, այդ պատանի, չափազանց տպավորիչ, հուսադրող մոդելները, ովքեր, ըստ ՌԲԿ-ի, շուտով արդեն կարող են մրցակցել այնպիսի լեգենդար մոդելների հետ, ինչպիսիք են Կլաուդիա Շիֆերը, Սինդի Քրոուֆորդը, Լինդա Եվանգելիստան ու Նաոմի Քեմփբելը։

Դրի Հեմինգուեյ

Հանրահայտ ամերիկացի լրագրող ու գրող Էռնեստ Հեմինգուեյի 25-ամյա թոռնուհին՝ Դրի Հեմինգուեյը, նորաձեւության բիզնեսում մեծ հույսեր է ներշնչում։ Նա, ըստ style.com կայքի, ամենահայտնիների թոփ տասնյակում երրորդ տեղն է զբաղեցնում՝ զիջելով միայն Էբի Լի Քերշոուին ու Ան Ռուբիկին։ Նա արդեն դարձել է ոճի նոր իկոնա՝ հասցնելով լինել Jean Paul Gaultier-ի, Valentino-ի ու Gianfranco Ferre-ի գովազդային արշավների դեմք։ Գեղեցկուհին նաեւ նկարահանվել է խոշոր ամսագրերի մի քանի ֆոտոսեսիայում։ Սակայն Դրիին իսկական հաջողություն է բերել Givenchy-ի եւ Calvin Klein-ի 2009-ին կայացած ցուցադրության մեջ մասնակցությունը։

Սոֆի Ֆլեմինգ

Հոլանդացի մոդել Սոֆի Ֆլեմինգը համագործակցում է այնպիսի բրենդների հետ, ինչպիսիք են Jonathan Saunders-ը, Aquascutum-ը, Sportmax-ը, Cynthia Steffe-ն, Just Cavalli-ին, Lacoste-ը, Kenzo-ն, Matthew Williamson-ը, DKNY-ին, Yohji Yamamoto-ն, Givenchy-ին։ Նա իսկական սուպերմոդել դառնալու բոլոր տվյալներն ունի. այս կերպարը միանգամայն տարածված է նորաձեւության աշխարհում։

Քարլի Քլոս

Քարլի Քլոսը միանգամայն պահանջված է, նա մասնակցել է Gucci-ի, Chanel-ի, Calvin Klein-ի, Marc Jacobs-ի, Zac Posen-ի, Valentinoէj, Versace-ի, Givenchy-ի, Carolina Herrera-ի ցուցադրություններին, եղել է նորաձեւության մասին հարգի ամսագրերի շապիկներին։ 19-ամյա Քարլին 2011 թվականին models.com կայքի տարբերակով զբաղեցրել է ամենապահանջված մոդելների ցուցակի երրորդ տողը։ 2012 թվականի վերջում նա առաջին անգամ մասնակցել է Victoria’s Secret Fashion Show -ի ներքնազգեստի ցուցադրությանը։

Ֆրիդա Գուստավսոն

Շվեդուհի Ֆրիդա Գուստավսոնն իր 19 տարեկանում դարձել է Marc Jacobs-ի մուսան։ Նրան կոչում են շվեդական սենսացիա եւ նոր Քեյթ Մոս։

Էբի Լի Քերշոու

Նիհարիկ Էբին երբեք չի երազել մոդել դառնալու մասին, սակայն ընդունել է այդ արդյունաբերության մեջ իրեն փորձելու առաջարկը։ Մոդելի կարիերայից հետո Էբին մտադիր է իրեն նվիրել նկարելուն։ Իսկ առայժմ, միայն 2012 թվականի ընթացքում 25-ամյա մոդելն անցել է նորեկից մինչեւ Vogue ամսագրի շապիկի դեմք դառնալու ճանապարհը եւ միացել Victoria's Secret-ի «հրեշտակների» բանակին։ Համացանցում Քերշոուին խելահեղ զգեստների համար աստվածուհի են անվանում։

Նատաշա Պոլի

Ռուս մոդել Նատալիա Պոլեւշչիկովան Արեւմուտքում ավելի հայտնի է որպես Նատաշա Պոլի։ 27-ամյա աղջիկը նորաձեության բիզնեսում վետերան է համարվում։ Սակայն 2012 թվականի վերջում Նատաշա Պոլին պայմանագիր է ստորագրել L'Oreal-ի հետ, ինչը խոսում է նրա կարիերայում նոր շրջապտույտի մասին։

Կոնստանս Յաբլոնսկի

Ֆրանսիացի թոփ-մոդելը երիտասարդ տարիքում պատրաստվում էր պրոֆեսիոնալ թենիսիստուհի դառնալ։ Սակայն դարձավ Estée Lauder ընկերության դեմքը։ 22-ամյա Յաբլոնսկին նաեւ մասնակցել է Burberry-ի, Gucci-ի ուDior-ի ցուցադրություններին։

Բարբարա Փալվին

Հունգրացաի Բարբարա Փալվին մոդելային կարիերան սկսել է 13 տարեկանում՝ նկարահանվոելով Jalouse ամսագրի ապրիլ ամսվա թողարկման համար, մասնակցալով Vogue ամսագրի իտալական համարի ֆոտոսեսիայում, հայտնվելով ֆրանսիական L'Officiel ամսագրի շապիկին։
Սակայն երիտասարդ մոդելի կարիերայի թռիչքը եղավ 2010 թվականի փետրվարին Միլանում Prada-ի աշուն-ձմեռ 2010/2011 շոուի ժամանակ։ Հետեւեցին Nina Ricci-ի, Giles-ի, Miu Miu-ի, Louis Vuitton-ի, Vivienne Westwood-ի ու Chanel-ի ցուցադրություններին մասնակցելու առաջարկները։ 19-ամյա Փալվինին հաճախ համեմատում են երիտասարդ Բրուք Շիլդսի հետ։ Նույնիսկ կարծիք կա, որ հենց նրա պատճառով է կանադացի երգիչ Ջասթին Բիբիերը լուրջ հակասություն ունեցել Սելենա Գոմեսի հետ։

Քենդալ Ջեներ

Քիմ Քարդաշյանի 17-ամյա քույրն ակտիվորեն առաջ է գնում։ Նա հայտնվել է Miss Vogue-ի ավստրալիական համարի շապիկին, մասնակցել է ռեալիթի շոուին, իսկ բոլորովին վերջերս նրան հաստատել են Seventeen-ի բրենդ-դեսպանի դերում։

Հետևեք NEWS.am STYLE-ին Facebook-ում, Twitter-ում և Instagram-ում