• Լիլիթ Մելիքյանի «Կինը» ցուցահանդեսը Գլենդելում․ գույնի, կտավի և նորաձևության երկխոսություն

  Օրեր առաջ Գլենդել քաղաքում տեղի ունեցավ «Տերյան մշակութային կենտրոն»ՀԿ հիմնադիր և գեղարվեստական ղեկավար, նկարիչ-դիզայներ Լիլիթ Մելիքյանի «Կինը» խորագրով անհատական ցուցահանդեսը...

• Պար, թատրոն և միջազգային համագործակցություն․ մեկնարկել է «ԹԷԱՏՐՈՆ» փառատոնը

  Սեպտեմբերի 14–28-ը Հայաստանում կանցկացվի «ԹԷԱՏՐՈՆ» կատարողական արվեստների միջազգային ֆրանկոֆոն փառատոնը…

• Մարդկության դեմքը. Սուրենյանցի «Լքյալը» և հումանիստական արվեստը

  Վարդգես Սուրենյանցի հրաշք կտավը՝«Լքյալը», առաջին անգամ ներկայացվեց Հայաստանում, Ղազախստանի Աբիլխան Կաստեևի անվան արվեստի ազգային թանգարանի բացառիկ փոխառությամբ...

• Քրիստոնեական սարսափ. Ամենամռայլ կրոնական տեսարանները

  Քրիստոնեությունը լույս է և Աստծո ողորմածություն, կամ այդպես է ընդունված համարել․․․

• Մոխիրը կրակմարիչի մեջ, ծնկի իջած Հիտլերը և սատկած աղավնիներ. Մաուրիցիո Կատելանը Բեռլինում բեմադրել է «Գիշեր» ներկայացումը

  Հրդեհամարիչը, թերևս, ամենաաննկատելի ցուցանմուշն է Մաուրիցիո Կատելանի նոր ցուցահանդեսում, որն անցկացվել է Բեռլինում

• iPhone-ը՝ 1937 թվականից. Գրեթե 90 տարեկան նկարը վայրի դավադրության առասպել է ծնել

  Գրեթե իննսունամյա նկարը բուռն առցանց բանավեճ է առաջացրել և տարօրինակ դավադրության տեսության տեղիք տվել․․․

• The Guardian. Բորիս Ջոնսոնի դեմքով տղաբ. ինչո՞ւ ընդհանրապես գողանալ Ռենուարը  

  Մինչ ֆրանսիացի արվեստասերները ցնցված են Պիեռ-Օգյուստ Ռենուարի երկու նկարների գողության լուրից Կանյե-սյուր-Մերի թանգարանից, որը կրում է նրա անունը, արվեստի աշխարհի մնացած մասը շփոթված է. Իսկապե՞ս։ Ռենուա՞ր։ Բայց նա... սարսափելի է։ Դա նման է նեղ ջինսերի դարաշրջանում բաճկոններ թալանելուն...

• Վահան Տերյանի և Հովհաննես Թումանյանի գրական երկխոսությունը՝ նոր բացահայտումների լույսի ներքո

  Հայ գրականության երկու մեծերի՝ Վահան Տերյանի և Հովհաննես Թումանյանի ստեղծագործական ու մարդկային կապերի մասին նոր փաստեր են ներկայացվել Սուսաննա Հովհաննիսյանի նոր ուսումնասիրությունում...

Ամերիկայում մեծ պահանջարկ ունեցող լուսանկարիչ Աարոն Սպագնոլոն մի քանի տարի է` լուսանկարում է հայկական հարսանիքներ: Բազում աստղերի եւ հանրային դեմքերի հետ աշխատած լուսանկարիչն ասում է, որ իր համար շատ հաճելի է ֆիքսել մարդկանց կյանքի ամենակարեւոր օրը, ինչի համար նրան միշտ շնորհակալ են լինում: Ինչո՞ւ Աարոնը սկսեց լուսանկարել հայկական հարսանիքներ: Թեմայի շուրջ NEWS.am STYLE-ը բացառիկ զրույց ունեցավ հայտնի լուսանկարչի հետ:

-Աարոն, աշխարհում շատ ազգություններ կան` հարսանեկան հետաքրքիր ավանդույթներով. ինչո՞ւ որոշեց հենց հայկական հարսանիքներ լուսաբանել:

-Կինս ազգությամբ հայ է: Ես եւ նա Բոսթոնի հայկական համայնքի ներկայացուցիչներ ենք: Հայ համայնքին հաճախ եմ աջակցում լուսանկարչական աշխատանքներով: Այս տարի լուսաբանել եմ Հայոց ցեղասպանութայն 100-ամյակի միջոցառումները Բոսթոնում:

Հուսով եմ` համայնքի ներկայացուցիչները գոհ են իմ կատարած աշխատանքից:

-Ըստ Ձեզ` հայկական հարսանեկան արարողության մեջ, հատկապես, ի՞նչն է ամենատպավորիչը:

-Առաջնահերթ շատ եմ սիրում հայկական եկեղեցու բույրը: Այնտեղից միշտ խունկի հոտ է գալիս: Շատ եմ սիրում լուսանկարել ազգությամբ ոչ հայ ներկաներին, որոնք այնքան զարմացած են հետեւում այդ ամբողջ արարողությանը:

Ի տարբերություն կաթոլիկ հարսանիքների` հայկական հարսանեկան արարողությունը եկեղեցում բավականին երկար է տեւում, ինչը թույլ է տալիս լուսանկարչին ավելի լավ լուսանկարներ ստանալ:

-Ի՞նչ հետաքրքիր միջադեպեր եք հիշում հայկական հարսանիքներից:

-Հիշում եմ` հայկական հարսանիքներից մեկի ժամանակ քավորն արտերկրից էր եւ նա պետք է խաչը պահեր նորապսակների գլխի վերեւում: Նրա ձեռքն արդեն դողում էր, իսկ դեմքին նայելիս հասկանում էիր, որ այդ մարդը մտածում է. «Տեսնես ե՞րբ է այս ամենը վերջանալու», միեւնույն ժամանակ հարսնացուն հազիվ էր զսպում ծիծաղը:

Հայերը չեն դադարում կրկնել, որ իրենք են առաջինը ընդունել Քրիտոնեությունը: Որպես լուսանկարիչ` ինձ համար մեծ պատիվ է աշխարհի հնագույն եկեղեցիներում աշխատելը:

-Բացի հայկական հարսանիքներից նաեւ հայտնի մարդկանց եք լուսանկարում: Օրինակ` լուսանկարել եք մեր սիրելի հայրենակից Սերժ Թանկյանին: Ամեն դեպքում, հարսանիքնե՞ր եք ավելի հաճույքով լուանկարում, թե՞ աստղերին:

-Հայտնիներին լուսանկարելն, իհարկե, հաճելի է, սակայն ավելի հաճելի է, երբ քեզ մոտենում եւ շնորհակալություն են հայտնում հարսանիքի ներկաներն ու ասում, որ ես իրենց անմոռանալի օրն ավելի հիշարժան եմ դարձրել:

Ինչ վերաբերում է Սերժին, ինձ համար հաճույք էր նրա հետ աշխատելը, քանի որ միշտ նրա երաժշտության երկրպագուն եմ եղել:

Մինչ կնոջս հանդիպելն, արդեն իսկ շատ բան գիտեի Հայաստանի մասին Սերժ Թանկյանի երաժշտության շնորհիվ: Լուսանկարել եմ նաեւ հայ համայնքի այլ հայտնի մարդկանց: Ասեմ ավելին, մի անգամ` Վրաստանի սահմանակից գյուղերից մեկում լուսանկարել եմ նախագահ Սերժ Սարգսյանին, նկարել եմ նաեւ Արամ Ա. Կաթողիկոսին:

-Աարոն, մեր նախնական զրույցում ասացիք, որ վերջերս եղել եք Հայաստանում: Կկիսվե՞ք Ձեր տպավորություններով:

-Երբ 2011 թ-ին ամուսնացանք, կինս անընդհատ պլանավորում էր գալ Հայաստան: Այսպիսով` միասին այցելեցինք Հայաստան եւ այդտեղ մնացինք երեք շաբաթ:

Եղանք նաեւ Արցախում եւ Ջավախքում: Ինձ համար, հատկապես, անմոռանալի էր Արցախ կատարած այցս: Մարդիկ շատ ջերմ եւ հպարտ էին: Հաճելի էր նաեւ Խնձորեսկ մեր այցելությունը, իսկ Արենիում գինի ենք փորձել: 

Բազում հին եկեղեցիներ ենք այցելել, գնացել ենք նաեւ Ծիծեռնակաբերդ եւ հարգել անմեղ զոհերի հիշտակը: Ինձ դուր եկավ Հայաստանը: Ամեն վայրն իր գեղեցկությունն ուներ:

Սյունե Առաքելյան

Լուսանկարները տրամադրել է Աարոն Սպագնոլոն

Հետևեք NEWS.am STYLE-ին Facebook-ում, Twitter-ում և Instagram-ում