«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

«Սիրո գերին» հեռուստասերիալի ժամանակ ինձ, հիմնականում, չէին սիրում. Հայկո Հովհաննիսյան

12:12, 4 փետրվարի

«Սիրո գերին» հեռուստասերիալում նա մարմնավորում էր բացասական կերպարի` Միկային, որն ամեն գնով փորձում էր նվաճել գլխավոր հերոսուհու սիրտը` իր ճանապարհին ոչնչացնելով բոլոր խանգարողներին: Այժմ Հայկո Հովհաննիսյանը նկարահանվում է «Ուրիշի հոգին» հեռուստասերիալում, որտեղ մարմնավորում է Գագիկին: Չնայած այս անգամ նրա կերպարը դրական է` դերասանին, կարծես թե, մինչ օրս ասոցացնում են Միկայի հետ: Իսկ ինչպիսի՞ կերպարներ է նախընտրում մարմնավորել ինքը` դերասանը:

NEWS.am STYLE-ն այս անգամ զրուցել է երիտասարդ, բայց խոստումնալից դերասան Հայկո Հովհաննիսյանի հետ.

-Հայկո, ինչպե՞ս սկսեցիք նկարահանվել հեռուստասերիալներում:

-Ավարտել եմ Աբել Աբելյանի անվան դերասանական ստուդիան: Առաջին անգամ նկարահանվել եմ «Անցյալի ստվերները» հեռուստասերիալում` Գոռի կերպարում: Ընտրվել եմ քասթինգով: Հենց այդ սերիալից էլ սկսվեցին նաեւ մյուս հրավերները:

-«Սիրո գերին» հեռուստասերիալում մարմնավորում էիք Միկային, որն իր էությամբ բացասական կերպար էր: Ինչպիսի՞ արձագանքներ էիք ստանում հեռուստադիտողի կողմից:

-«Սիրո գերին» հեռուստասերիալի ժամանակ կարծիքները տաբեր էին, բայց հիմնականում ինձ չէին սիրում: Նույնիսկ շատ չէին սիրում…

-Հետաքրքիր պատմություններ եղե՞լ են դրա հետ կապված:

-Մի անգամ պետավտոտեսուչը խախտման ակտը կազմելուց երկար նայեց վրաս ու ասաց, որ դեմքս ծանոթ է: Ես էլ ասացի, որ հեռուտասերիալի չար եւ վատ տղան եմ: Ու չգիտես ինչու` իմ ակտը 5000-ի փոխարեն դարձավ 10 000 դրամ ու երբ հարցրեցի, թե ինչու այդպես ստացվեց, նա պատասխանեց. «Մաման քեզ չի սիրում»:)

-Արդեն փորձ ունեցել եք մարմնավորելու եւ դրական, եւ բացասական կերպարների: Ո՞ր դերերն եք ավելի հաճույքով մարմնավորում:

-ինձ ավելի հոգեհարազատ են բացասական կերպարները: Իմ կարծիքով բացասական կերպարների մեջ խաղային ավելի մեծ դաշտ կա:

-Նկարահանվել եք նաեւ «Պապարացի» գեղարվեստական ֆիլմում: Ո՞ր ոլորտն եք նախընտրում` գեղարվեստական ֆի՞լմ, թե՞ հեռուտասերիալ:

-Անկեղծ ասած` ինձ համար կարեւոր է առողջ մթնոլորտում աշխատելը` լինի գեղարվեստական ֆիլմում, թե հեռուստասերիալում: Եթե լավ ու առողջ մթնոլորտում չաշխատես, ցանկալի արդյունքին չես հասնի:

-Իսկ նոր գեղարվեստական ֆիլմում նկարահանվելու առաջարկներ կա՞ն արդեն:

-Դեռեւս առաջարկներ չկան… Հետագայում լինելու դեպքում առաջինը կտեղեկացնեմ ձեզ:)

Սյունե Առաքելյան

Լուսանկարները տրամադրել է Հայկո Հովհաննիսյանը


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search