• «Դուբայը` երեք օրում. արևածագի փայլից մինչև Մարինայի կինեմատոգրաֆիկ մայրամուտները»

  Դուբայում անցկացրած երեք օրը դեկորացիաների կինեմատոգրաֆիկ փոփոխություն է...

• Եգիպտոսն առանց զբոսաշրջիկների. Ինչպիսի տեսք ունի փարավոնների նավով շքեղ զբոսանքը Նեղոսի վրա  

  Նեղոսի վրա զբոսանավով զբոսանքի մասին միայն հիշատակելն է հիշեցնում Ագաթա Քրիստիի «Մահը Նեղոսի վրա» ստեղծագործությունը՝ հագնված զբոսաշրջիկներ, թեյ և աղանդեր, և շքեղ, թեև որոշ չափով հնաոճ լայներ։ Սակայն այսօր դուք կարող եք Եգիպտոսը զգալ բոլորովին այլ կերպ՝ ճամփորդելով դահաբիայով՝ փարավոնների նավերը հիշեցնող ավանդական առագաստանավով, գրում է NYP-ն...

• Աթենքը մարտահրավեր է նետում Դուբային. Ինչպես է հին մայրաքաղաքը վերածվում հարուստ արտագաղթողների համար նոր դրախտի

  Այնտեղ, որտեղ մի ժամանակ գտնվում էր Աթենքի հին օդանավակայանը, արագորեն ի հայտ է գալիս ապագայի քաղաքը․․․

• Գեղեցիկ վայրեր՝ սառը ընդունելություն. 6 ուղղություն, որտեղ զբոսաշրջիկները բախվում են կոպտության

  Էյֆելյան աշտարակը, իտալական փողոցները և կապույտ Ադրիատիկ ծովը՝ միլիոնավոր զբոսաշրջիկներ երազում են տեսնել այս վայրերը…

• Դուբայը՝ ինչպիսին դուք այն երբեք չեք տեսել. քաղաքի նոր սեզոնի ուղեցույց

  Դուբայը քաղաք է, որին երբեք լիովին չես սովորում. այն ամեն այցելության հետ նորովի է բացվում․․․

• Մեկ ամբողջ տարի շքեղ նավի վրա. 56,000 ֆունտ ստեռլինգ արժողությամբ կռուիզը, որը կընդգրկի ամբողջ աշխարհը՝ Ալյասկայից մինչև Զանզիբար

  Երկշաբաթյա կռուիզը կարող է շքեղության գագաթնակետ թվալ։ Բայց ի՞նչ կլիներ, եթե դուք կարողանայիք ամբողջ տարին անցկացնել ծովում՝ ամեն օր արթնանալով մոլորակի մի նոր անկյունում․․․

• Ֆանտաստիկ ճանապարհորդություն. սուպեր զբոսանավերը և շքեղ լայներները գերհարուստ արկածախնդիրներին տանում են աշխարհի ծայրը  

  Սեզոնային ճանապարհորդները, որոնք ունեն բավարար ֆինանսական միջոցներ, դիմում են փորձարարական արշավային կրուիզների դեպի մոլորակի ամենահեռավոր անկյունները...

• «Հարստությունը վերածվել է կենդանաբանական այգու». Ինչու է էլիտար տուրիզմը սկսում ապստամբել «Սպիտակ լոտոսի» դեմ

  Քիչ հեռուստասերիալներ են այնպիսի խորը ազդեցություն ունեցել շքեղ ճանապարհորդությունների ոլորտի վրա, որքան «Սպիտակ լոտոսը»․․․

«Բնությունը շռայլ է գտնվել Հայաստանի հանդեպ՝ նրան շնորհելով գեղեցիկ եւ կուսական բնություն։ Տեղացիների խոսքով՝ Աստված դրախտից հենց այստեղ է իջել»։ Ահա այս գեղեցիկ խոսքերով է սկսում Հայաստանի ու նրա անկրկնելի բնության նկարագրությունը քենիական Standard media պարբերականի լրագրողը, որը ներկայացրել է Հայաստանի այցեքարտը դարձած տեսարժան վայրերից մի քանիսը։

«Լեռնային երկիր Հայաստանը գտնվում է Հարավային Կովկասում, որը սահմանակից է թե Եվրոպային, թե Ասիային։ Հայերը հպարտանում են իրենց պատմությամբ, որն ավելի հին է, քան եվրոպական մյուս երկրներինը՝ չնայած Հայաստանը անկախ է հռչակվել 1991-ից՝ Խորհրդային միության փլուզումից հետո։ Այն ներկայացնում է քրիստոնեական հնագույն քաղաքակրթություններից մեկը եւ այստեղ դարավոր պատմություն ունեցող եկեղեցիներ ու կոթողներ կան։

Հայաստանում ծով, օվկիանոս չկա, բայց դրանց բացը լրացնում են լեռներն ու հովիտները։ Արարատ լեռը, որը ձյունապատ թագի նման վեր է խոյանում փափուկ ամպերից, համարվում է երկրի ազգային խորհրդանիշը»։

Երեւանի մասին  պատմելիս լրագրողը նշում է, որ այստեղ առաջին հերթին պետք է տեսնել Հանրապետության հրապարակը։

«92-ամյա շքեղ հրապարակն, ասես, Ուոլթ Դիսնեյի պատմվածքներից դուրս եկած լինի, որին հատուկ հմայք են փոխանցում երգող շատրվանները։ Զբոսնելու եւ գիշերային լույսերի ներքո անմոռանալի ակնթարթներ վայելելու հիանալի տեղ՝ հենց քաղաքի սրտում։

Հրապարակը մոտ է Պատմության թանգարանին եւ Ազգային պատկերասրահին, որտեղ կարելի է մոտ 20000 հայկական, ռուսական եւ եվրոպական եզակի նկարների ցուցահանդեսներ տեսնել։ Իսկ Պատմության թանգարանում 400000 հազար հնագույն նմուշներ կան»։

Լրագրողը հայ ճարտարապետների մտքի եւ նրանց աշխատանքների մասին խոսելիս նշել է Կասկադը, որտեղ կարելի է նստել, մեդիտացիա անել՝ վայելելով հոսող ջրերի կարկաչը։  

««Հսկա սանդուղք» Կասկադը, որը Կենտրոնը կապում է Մոնումենտին, համարվում է Երեւանի խորհրդանիշներից մեկը։ Այն ունի նաեւ թանգարան, սրճարան եւ ռեստորաններ։ Իսկ Երեւանի եւ Արարատ լեռան շքեղ տեսարանով զմայլվելու համար ստիպված եք 570 աստիճան բարձրանալ. իսկ եթե չեք ցանկանում՝ կարող եք օգտվել շարժասանդուղքից»։

Պարբերականը չի անտեսել նաեւ Վերնիսաժը, որտեղ կարելի է գտնել հայկական կարպետներ, ձեռագործ աշխատանքներ, արծաթյա զարդեր, նկարներ, հուշանվերներ։

Երաժշտասերներին լրագրողը խորհուրդ է տալիս գնալ Ա. Սպենդիարյանի անվան օպերայի և բալետի ազգային ակադեմիական թատրոն եւ բարձրակարգ բեմադրություններ դիտել։ Իսկ նրանք, ովքեր կգնահատեն լավ խմիչքը, թող փորձեն հայկական կոնյակը։

Քենիական պարբերականի լրագրողի աչքերով՝ Հայաստանի տեսարժան վայրերի թվում են նաեւ Ջերմուկը (հատկապես հանքային ջուրը), Գառնին, Գորիսը, Տաթեւը, ինչպես նաեւ կապուտաչյա Սեւանը.

«Սեւանն իր լողափերով եւ շրջապատող լեռներով անմոռանալի տպավորություն կթողնի։ Համարվելով Հայաստանի մարգարիտը՝ Սեւանն իր եզակի գեղեցկությամբ աշխարհի ամենամեծ լեռնային լճերից մեկն է»։

Լրագրողը վստահ է, որ առաջիկայում ինչպես Երեւանը, այնպես էլ Հայաստանի մյուս քաղաքները զբոսաշրջային ակտիվ կենտրոններ կլինեն եւ իրենց գիրկը կկանչեն աշխարհի տարբեր անկյուններից եկող ճանապարհորդներին։

Պատրաստեց՝ Յանա

Լուսանկարները՝ Արսեն Սարգսյանի 

Հետևեք NEWS.am STYLE-ին Facebook-ում, Twitter-ում և Instagram-ում