• Արձակուրդն ավարտվում է, իսկ անհանգստությունը սկսվում է․ ինչո՞ւ չենք ուզում վերադառնալ աշխատանքի

  Արդյո՞ք մենք պարզապես հոգնել ենք աշխատանքից, թե՞ երբեմն աշխատանքի վերադառնալու մեր ուժեղ ցանկությունը թաքցնում է շատ ավելի խորը խնդիր...

• «ChatGPT-ն համոզել էր ինձ, որ ես Հիսուսն եմ». ամերիկացին դատի է տվել OpenAI-ին՝ ինքնասպանության փորձի համար

  Գաղտնիք չէ, որ իրենց համեմատաբար կարճ պատմության ընթացքում արհեստական ​​բանականության չաթբոտները, այդ թվում՝ ChatGPT-ն, բազմիցս հայտնվել են պատմությունների կենտրոնում այն ​​մասին, թե ինչպես են նրանք համոզել օգտատերերին ծայրահեղ համոզմունքների մեջ․․․

• Կատարյալ մանիպուլյատորներ. ինչու է հասարակությունն անպաշտպան թաքնված հոգեպաթների առջև

  Երկար ժամանակ հոգեպաթիայի մասին ավանդական պատկերացումները հիմնված էին բացառապես բանտային հետազոտությունների վրա։ Սակայն այսօր գիտնականներն ուշադրություն են դարձնում բարձր ֆունկցիոնալությամբ օժտված հոգեպաթներին․ սրանք կայուն գիշատչի գծերով (Persistent Predatory Personalities) մարդիկ են, որոնք հիանալի հարմարված են հասարակության մեջ, հաջող կարիերա ունեն կորպորացիաներում, քաղաքականությունում ու այլ ոլորտներում՝ միևնույն ժամանակ մնալով անպատիժ, գրում է Guardian-ը...

• Մերժվածության վախը մարդկանց վերածում է կարգավիճակի և հարստության որսորդների

  Հինգ երկրներում անցկացված միջազգային ուսումնասիրությունը պարզել է, որ հարաբերությունների անապահովությունը կարող է անմիջականորեն ազդել մարդու՝ հարստության, հեղինակավոր ունեցվածքի և սոցիալական կարգավիճակի ձգտման վրա․․․

• 13 ամենատարածված երազները և դրանց իրական նշանակությունը

  Հոգեբանը բացահայտել է ամենատարածված 13 երազների իմաստը՝ հանրության մեջ մերկ հայտնվելուց մինչև դավաճանություն և շարժվելու անկարողության զգացում․․․

• Երբ մայրն է թելադրում կանոնները. ամուսնու՝ 11 ցավոտ սովորություններ, որոնք կփչացնեն ձեր հարաբերությունները

  Մեր առաջին հարաբերությունները ձևավորվում են տանը։ Եթե մանկության տարիներին ծնողների հետ առողջ հուզական կապ է եղել, մեծահասակը կարող է ներդաշնակ կապեր կառուցել․․․

• «Էներգետիկ վամպիրների» ազդեցությունը. Ինչպես են թունավոր մարդիկ արագացնում ծերացումը

  Քրոնիկ սթրեսը կարող է արագացնել կենսաբանական ծերացումը՝ լինի դա ֆինանսական խնդիրներ, գերծանրաբեռնվածություն, թե անընդհատ անհանգստացնող ազգական․․․

• Շուրթերն ավելին են ասում, քան խոսքերը. հոգեբաններն ու գիտնականները բացահայտում են համբույրի կախարդանքը

  Մեկ համբույրը կարող է երկարատև տպավորություն թողնել՝ թե՛ իրական կյանքում, թե՛ մեծ էկրանին։ Բայց ի՞նչն է այն դարձնում այդքան նշանակալից․․․

1․Եղիր այստեղ և հիմա։

Պետք չէ շտապել, սակայն պետք է լինել այնտեղ, որտեղ քեզ լավ ես զգում։ Եթե կարծում ես, որ դու քո տեղում չես, ապա վեր կաց և գնա , ուր ներքին ձայնդ է կանչում։ Սակայն հիշիր՝ գտնելու համար պարտադիր չէ գնալ ինչ-որ տեղ․ սա շատ նուրբ սահմանում է՝ իմաստը հենց շարունակական ներկայության մեջ է։ 

2․Թույլ տուր, որ ամեն բան պատահի։

Մի ձգտիր վերահսկել մարդկանց և իրադարձությունները։ Մի պլանավորի, մի սպասի, սակայն ցանկացիր։ Համբերատար ընդունիր  այն դադարը, որի ընթացքում ոչինչ չի պատահում։ Անընդմեջ ինքդ մի փնտրիր, այլ  թույլ տուր մարդկանց գալ քեզ մոտ, իսկ իրադարձություններին՝ իրականանալ․ իրենք հենց այնպես չեն պատահում։

3․Ազատություն տուր։

Ազատություն տուր քեզ  և ուրիշներին լինել այն , ինչ դուք կաք։ Հիշիր, որ ամեն ոք իր ճանապարհն ու դասերն ունի։ Եթե ձեր ճանապարհները խաչվում են՝ հիանալի է։ Եթե ոչ՝ դա էլ վատ չէ։ Որովհետև միշտ ամեն բան ի օգուտ է՝ և քեզ, և նրան, և իրենց, և բոլորին։

4․ Մի վախեցիր։

Ոչինչից։ Երբեք։ Անսովոր քայլեր արա դեպի աջ, իսկ դեպի ձախ՝ փոխիր, շեղվիր։ Եթե զգում ես, որ ինչ-որ բան պիտի ասես կամ անես՝ արա, և թող  ոչ մի պայմանականություններ քեզ հետ չպահեն։ Մի անհանգստացիր քո մարմնի մասին։ Հիշիր՝ դու միշտ Մայր-տիեզերքի ընկերքում ես։ Մի՞թե նա հոգ չի տանի քո մասին։ Ընտրիր վախերից ազատվելու ճանապարհը։

5․ Ավելի կամ պակաս։

Մի ձգտիր ունենալ ամեն բան միանգամից։ Նույնիսկ երբ թվում է, թե ոչինչ չկա, միևնույն է ՝ ինչ-որ բան կա։ Իսկ այն, ինչը որ պակասում է, սիրով կմատուցի քրոջ, եղբոր, ընկերոջ, ոչ պատահական անցորդի ձեռքը։ Չափավոր եղիր ամեն ինչում։

6․Մի կառչիր մարդկանցից, այլապես չես ստանա քեզ անհրաժեշտ փորձը։

Դու այսպես  թե այնպես միայնակ չես մնա, որովհետև ուր էլ գնաս, միշտ ճանապարհիդ կհանդիպեն մարդիկ՝ քեզ հարազատ, որոնք քեզ կոգևորեն, կսովորեցնեն, կարտացոլեն, կլրացնեն։ Եվ հիշիր՝ եթե ձեր ճանապարհները չեն համընկնում, անիմաստ է վազել, կանչել՝ միևնույն է միասին ճանապարհ չեք ընկնի։ Իսկ քո մարդիկ չեն կորչի և չեն անհետանա, նույնիսկ եթե  փախչես, կամ թաքնվես իրենցից։

7․Բաց թող։

Միշտ բաց թող, և միշտ ժպիտով, սիրով։ Բաց թող բոլորին և ամեն ինչ։ Սակայն երբեք հրաժեշտ մի տուր, որովհետև ոչին երբեք չի ավարտվում։ Ասա «շնորհակալ եմ, մինչ նոր հանդիպում»։

Ինչ չունես՝ չես կորցնի, ինչ էլ ունես՝ չես պահպանի։

8․Եղիր ջրի նման։

Հիշիր ալիքի սկզբունքի մասին՝ ալիքը մոտենում է և հեռանում։ Սա վերաբերվում է ամենին՝ փողին, մարդկանց, իրերին։ Կան առհոսումներ և անդրհոսումներ և ոչինչ ստատիկ չէ։ Մենք ապրում ենք ընթացքի և շարժումների աշխարհում։ Մի սուզվիր այս կամ այն իրավիճակի մեջ՝ այն շատ արագ կարող է փոխվել։ Ոչինչ պահել հնարավոր չէ, այնպես որ մի էլ փորձեք։ Ավելի լավ է շնորհակալ եղիր այն պահին, երբ նա, կամ նրանք կան։

9․ Լսիր քո ներքին ձայնը։

Լսիր ուրիշների կարծիքներն ու խորհուրդները, սակայն արա այնպես, իչպես ներքին ձայնդ է հուշում։ Եթե այս շրջագայության ընթացքում ես լսեի ուրիշներին, ապա այն երբեք կարող էր և չլինել, և չէր իրականանա կյանքի այս ճամփորդությունը, և ես չէի մեկնի Վարանասի, չէի անցնի Գանգայի մյուս՝ «մեռած» ափը, և տուն կվերադառնայի, երբ դեռ ժամանակը չէր․․․Ես չէի գտնի երազանքներիս քաղաքը և մինչև հիմա կշարունակեի ապրել վախերի  և ուրիշների գծած սահմանների  մեջ ։ Միշտ լսիր ինքդ ձեզ։

10․ Վստահիր մարդկանց, տիեզերքին, Աստծուն՝ անվանիր դա ինչպես ուզում ես։

Վստահիր և հավատա, որ քո կյանքում ամեն բան լավագույնս է դասավորվում, նույնիսկ երբ թվում է, որ ավելի վատ լինել չի կարող։ Կարող է։ 

Աղբյուրը՝ Creu

Հետևեք NEWS.am STYLE-ին Facebook-ում, Twitter-ում և Instagram-ում