• Տոկիոյի հանրային զուգարանները եզակի զբոսաշրջային գրավչություն են ճանապարհորդների համար

  Բացի տաճարներ այցելելուց եւ կեռասի ծաղիկներով հիանալուց, Տոկիոյի այցելուներն այժմ կարող են ուսումնասիրել քաղաքի ավելի ժամանակակից հրաշքները՝ հասարակական զուգարանները, հայտնում է Reuters-ը․․․

• Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար

  Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար՝ ներխուժելով հյուրանոցային ոլորտ․․․

• Daily Express. Եթե ցանկանում եք բացահայտել Եվրոպայի ամենատպավորիչ գաղտնիքներից մեկը, գնացեք Հայաստան

  Շշմեցնող Հայաստանն այն ուղղություններից է, որտեղ ավելի քիչ զբոսաշրջիկների կտեսնեք, քան մայրցամաքի շատ այլ երկրներոիմ, բայց սա շուտով կարող է փոխվել, քանի որ այնտեղ զբոսաշրջիկների թիվը սկսում է աճել․․․

• Հինգ ամիս, 40 երկիր եւ շքեղ նավարկություն, որտեղ լյուքս համարներն արժեն մինչեւ 1,7 միլիոն դոլար

  Պիկասոյի ստեղծագործությունները, ռոյալներ եւ անձնական սպասավորներ. բարի գալուստ Regent Seven Seas-ի շքեղ նավարկությունների ապագա․․․

• Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին զբոսանավի գործարկումով  

  Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին Four Seasons զբոսանավի թողարկումով: Սուպեր զբոսանավը նախագծվել է շվեդական Tillberg Design ընկերության հետ համատեղ...

• Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին

  Աբու Դաբին գնում է Սաուդյան Արաբիայի հետքերով և նախատեսում է ստեղծել աշխարհում առաջին eSports կղզին, որն ընդգրկում է 500,000 քառակուսի մետր տարածք, որը խաղային դրախտ կլինի ամբողջ աշխարհի խաղացողների համար...

• Versace հյուրանոցը բացվել է Մակաոյում

  Versace հյուրանոցը բացվել է Մակաոյում։ Palazzo Versace Macau-ն՝ բրենդի առաջին հանգստավայրը Ասիայում, միավորում է բարոկկոյի և հին հունական ճարտարապետության դասական ազդեցությունները Դոնաթելլա Վերսաչեի ստեղծագործական ղեկավարության ներքո...

• Time Out-ը անվանել է աշխարհի «ամենաթույն փողոցը»

  Ի՞նչն է դարձնում փողոցը «թույն»: Շատ ռեստորաննե՞ր, բարե՞ր, սրճարաննե՞ր: Խանութնե՞ր, որոնք վաճառում են ապրանքներ, որոնք այլ տեղ չեք գտնի: Թե՞ դա ընդամենը ընդհանուր մթնոլորտ է, ջերմություն, որը դժվար է ֆիքսել, բայց դուք կհասկանաք, երբ դա զգաք...

Նման վերնագրով հոդվածների թիվը վերջին երկու տարիներին համացանցում ավելացել է: Պատճառը մեր երկիր զբոսաշրջիկների հոսքի ավելացումն է: Համացանցում նման եւս մեկ նյութ գտանք, որը մեզ շատ դուր եկավ, եւ շտապում ենք այն ներկայացնել ձեր ուշադրությանը: Եվ այսպես՝ Հայաստանի յոթ վայրեր՝ tuda-suda.net բլոգի ներկայացմամբ:

1. Հոգում հանգստություն գտնելու եւ երկրի հոգեւոր կենտրոն այցելելու համար

Հայաստանն առաջին երկիրն է, որը քրիստոնեությունը որպես պետական կրոն է ընդունել, եւ ամենուր կարող եք հնագույն եւ ժամանակակից տաճարներ տեսնել: Կրոնը հայերի կյանքում կարեւոր տեղ ունի, եւ յուրաքանչյուր երկրորդ մարդը խորհուրդ կտա այցելել հայ կաթողիկոսի նստավայր Էջմիածին, Տաթեւի վանք, Նորավանք, Գեղարդ եւ այլ: Ամեն անգամ որեւէ տաճար մտնելով՝ մենք այնտեղ հիմնականում տեղացիների էինք տեսնում, որոնք գալիս են հարսանիքի, մկրտության եւ այլ արարողությունների: Վանքերը ոչ այնքան զբոսաշրջության օբյեկտներ, որքան ժողովրդի առօրյա կյանքի մաս են:

2. Արարատը տեսնելու համար

Հայերի համար Արարատը ոչ միայն լեռ է, այլեւ երկրի խորհրդանիշը, նրա հոգին, որը ճակատագրի քմահաճույքով թուրքական տարածքում է հայտնվել: Հավանաբար գիտեք, որ այս լեռը բազմաթիվ գաղտնիքներ է պարունակում: Արարատը շատ լավ տեսանելի է Երեւանից, հատկապես՝ վաղ առավոտյան, Կասկադից: Այնտեղ բարձրանալով՝ կտեսնեք, թե ինչպես են արեւի ճառագայթները հպվում լեռան լանջերին եւ սկսում լուսավորել քաղաքը: Ավելի հրաշալի տեսարան է բացվում Խոր Վիրապի վանքից:

3. Աշխարհի ամենաերկար ճոպանուղին նստելու համար

«Տաթեւեր» ճոպանուղին Որոտանի կիրճի վրայով տանում է դեպի նույնուն վանքը: Նստեք խցիկում եւ պարզապես վայելեք ձեր շուրջը բացվող գեղեցկությունը: Ճոպանուղին շուրջ 300 մետր բարձրության վրա է, այնպես որ, եթե վախենում եք բարձրությունից, լուրջ փորձություն կլինի ձեր նյարդերի համար:

Վանք նույնպես արժե այցելել, ուր կարելի է հասնել նաեւ մեքենայով, ոլորապտույտ խճապատ ճանապարհով: Տաթեւ ուղեւորության համար գոնե երկու օր տրամադրեք, քանի որ հեռու է, իսկ ճանապարհին բազմաթիվ այլ վայրեր կարող եք այցելել:

4. Դուդուկի հայրենիքում այն լսելու համար

Դուդուկը հայկական ազգային երաժշտական գործիք է, որը պատրաստվում է ծիրանենու փայտից: Այն կախարդող փափուկ եւ փոքր-ինչ տխուր հնչողություն ունի, որը թափանցում է մինչեւ հոգու խորքը:

Ջիվան Գասպարյանն այս գործիքին համաշխարհային հռչակ բերեց, նա դուդուկ նվագելու անկրկնելի վարպետ է: Պարզապես լսեք այդ երաժշտությունը. այն հրաշալի փոխանցում է հայ ժողովրդի բնույթն ու հոգին:

5. Երեկոյան Երեւանով զբոսնելու համար

Մայիսից սեպտեմբերի Երեւանում ցերեկը շոգ եւ չոր եղանակ է, պարզապես անհնար է քայլել փողոցում: Այդ պատճառով բոլորը նստած են գրասենյակներում, տներում կամ որեւէ տեղ ստվերում:

Փոխարենը երեկոյան քաղաքը նոր ուժ է ստանում. մարդիկ դուրս են գալիս զբոսնելու, հանդիպում ընկերներին եւ ծանոթներին, վերջին լուրերն իմանում: Երեւանյան այդպիսի ավանդույթ է: Ամենաշատը մարդիկ զբոսնում են Օպերային թատրոնի մոտակայքում, Հանրապետության հրապարակի շատրվանների մոտ, Մաշտոցի պողոտայում:

Դուք նույնպես զբոսնեք երեկոյան եւ գիշերային Երեւանի փողոցներով, նստեք բացօթյա սրճարաններից մեկում կամ երգող շատրվանների մոտ:

6. Հայկական ծովում լողալու համար

Շատ հայեր Սեւանա լիճը ծով են ասում, եւ այն իսկապես հանգստավայր է, իսկական փրկություն Երեւանի եւ շրջակայքի ամռան տապից: Մաքուր եւ թափանցիկ ջուրը հարուստ է իշխանով եւ խեցգետնով, որոնք հենց տեղում՝ ափին վաճառում են ծիծաղելի գնով: Այցելեք Սեւանավանք, եւ եթե ժամանակ ունեք, նաեւ Հայրիվանք, Նորատուսի հնագույն գերեզմանատուն:

7. Հայկական «Սթոունհենջում» լինելու համար

Զորաց քարերը կամ Քարահունջը գտնվում է Սյունիքի մարզում, Սիսիան քաղաքի մոտ: Այն հնագույն համալիր է՝ մարդու հասակով բազմաթիվ քարերով: Ոչ ոք չի կարող նշել այս համալիրի հստակ տարիքը, ինչպես նաեւ այն, թե ինչի համար է այն նախատեսված եղել: Քարահունջը լավ վայր է՝ ինքդ քեզ հետ առանձնանալու համար:

Հետևեք NEWS.am STYLE-ին Facebook-ում, Twitter-ում և Instagram-ում