• Miu Miu-ն դարձել է մոլորակի ամենահայտնի ապրանքանիշը

  Miu Miu-ն 2024 թվականի առաջին եռամսյակում դարձել է մոլորակի ամենահայտնի ապրանքանիշը․․․

• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

Ուկրաինան հարուստ է տաղանդավոր հայերով, ինչն ապացուցեին անցյալ տարի Ուկրաինայում տարբեր շոուների հայ հաղթողները: NEWS.am STYLE-ը շարունակում է ուշադիր հետեւել Ուկրաինայում ապրող շատ տաղանդավոր հայ մոդելավորող Հայկ Ավանեսյանի ստեղծագործական գործունեությանը, որն անցյալ տարի ցնցեց Կիեւը իր նոր հավաքածուի ցուցադրությամբ:

Մեզ հետ զրույցում Հայկն ամփոփեց 2016-ի արդյունքները եւ պատմեց ապագայի պլանների մասին:

-Հա՛յկ, ասացե՛ք, հասե՞լ եք Դուք Ձեր նպատակներին, որոնք պլանավորել էիք 2016-ին։

- Կարծում եմ՝ այո։ Այն բոլոր մեծ պլանները, որոնք ես ունեի 2016-ի համար, ընդհանուր առմամբ, իրականացրել եմ։ 3 տարի ցուցադրություն չէի ունեցել։ Շատ երկար ժամանակ ուզում էի իմ աշխատանքների ցուցադրություն կազմակերպել, դա նույնպես արեցի։

Ցուցադրության օրը թանգարանում բացվեց ցուցահանդես, որը հետո մեկ շաբաթ մնաց թանգարանի ցուցասրահներում։

Պլաններումս նույնպես տարբեր նախագծեր եմ ունեցել, ֆոտոշարքեր՝ արտադրանքի հետաքրքրիր մատուցմամբ։

Առհասարակ հաճախ են ֆոտոշարքեր կազմակերպում, բայց ավելի շատ բան էի պլանավորել, քան արել եմ։ Մի խոսքով՝ պլաններիս մեծ մասը ես կատարել եմ։ 2016-ը կարելի է հաջողված անվանել։

- Ձեր սպասելիքներն արդարացա՞ն։ Գո՞հ եք հավաքածուի ցուցադրությունից։

- Որոշ ժամանակ հետո ես հասկացա, որ այո, որ ամեն բան լավ է անցել։ Երբ դու այդ ամենի մեջ ես, այդ ժամանակ այնքան էլ չես հասկանում, թե ինչպես է դա տեղի ունենում։ Բայց ժամանակի հետ դու արդեն ավելի հանգիստ ես նայում, իրականում գիտակցում ես, որ, այո՛, ես գոհ եմ ցուցադրությունից։ Որովհետեւ ես շատ լավ հյուրեր եմ ունեցել, եւ կարեւորն այն է, որ բոլորը գոհ են եղել։ Շատ դրական արձագանքներ լսեցի այն մարդկանցից, որոնք ներկա էին ցուցադրությանը, եւ այն մարդկանցից, որոնք ուղղակի հետեւում էին համացանցի եւ լրատվամիջոցների միջոցով։ Այո՛, արդյունքն արդարացրեց իրեն։

- Ձեր ցուցադրությունը բացում էր Միս Ուկրաինա 2016-ը։ Դուք դրանից հետո նրա հետ համագործակցու՞մ եք։

- Այո, ցուցադրությունը բացեց Սաշա Կուչերենկոն, որը մի քանի ամիս անց մեկնեց Միս Աշխարհ մրցույթում Ուկրաինան ներկայացնելու, եւ մենք այդ այցելության համար նրան մի քանի կերպար տրամադրեցինք։ Ընդհանուր առմամբ, մենք համագործակցել ենք Միս Ուկրաինայի հետ։ Մենք կերպարներ ենք պատրաստել Միս Ինտերնեշնլ, Միս Երկրագունդ եւ համապատասխանաբար Միս Աշխարհ մրցույթի ներկայացուցիչների համար։

–Հա՛յկ, ինչո՞վ էր տարբերում այս հավաքածուն նախորդներից:

- Ամենակարեւոր տարբերությունը տրամադրությունն է։ Նախկինում ես այլ կյանք, այլ տրամադրություն ունեի, այլ խնդիրներ, եւ այլ իմաստ էի դնում այդ կյանքում, երբ նկարում էի։ Մասամբ այն կյանքը, որը ես ապրել եմ վերջին մի քանի տարում, արդեն ավելի հասուն է, այդ պատճառով այս հավաքածուն մի փոքր ուրիշ է։

- Vogue ամսագիրը գրել էր, որ ձեր հավաքածուում եղել են երեկոյան զգեստներ, որոնք արժանի են ամենահայտնի կարմիր գորգերին:

- Ինձ համար շատ հաճելի է, որ Vogue-ը հենց դա է շեշտել: Քանի որ, որպես կանոն, մարդիկ մեզ մոտ են գալիս իրենց կյանքի կարեւոր միջոցառումների համար զգեստ կարելու: Դրանք տարբեր տոներ են, փառատոններ, ցուցադրություններ, կարմիր գորգեր:

- Յուրաքանչյուր դիզայներ ունի իրեն բնորոշ գիծը...

- Ես առանձնապես չեմ մտածել այն հարցի շուրջ, թե ինչը կարելի է հենց իմ նիշը համարել, քանի որ ես ընդհանուր առմամբ միշտ աշխատում եմ իմ ոճի վրա, զարգացնում եմ դրա որոշ դետալները: Սակայն իմ բոլոր հաճախորդներն ասում են, որ ոճը շատ ճանաչելի է, որ իրենք միշտ ճանաչում են իմ աշխատանքները: Հավանաբար իմ ոճը հենց ինձ բնորոշ նիշն է: Ահա, օրինակ, ես շատ եմ սիրում թավիշը: Հիմա դա տարածված գործվածք է, բայց ես շատ վաղուց եմ թավշից հագուստներ կարում:

Մենք մշտապես օգտագործում ենք թավիշ՝ կամ դրանից զարդարանքներ կամ ամբողջական զգեստներ: Կարելի է նաեւ բնորոշ գիծ համարել կանաչ զգեստները: Գրեթե ամեն հավաքածուում եղել են կանաչ մետաքսյա զգեստներ:

Հետո կան ցանցի վրա տարբեր երկրաչափական պատկերներով դետալներ: Ես սիրում եմ, երբ հիմքում ցանց է, եւ դրա վրա են կարվում պատկերները:

- Ի՞նչ եք կարծում, կարող է արդյոք Կիեւի նորաձեւությունը համաշխարհային նորաձեւության մեջ լիարժեք մրցակցություն ստեղծել:

Ես կարծում եմ, որ ժամանակի հետ կարող է, քանի որ, ինչպես ես եմ տեսնում, հիմա սկսում է ի հայտ գալ նորաձեւության մի ուղղություն, որը ես կանվանեի ԱՊՀ երկրների նորաձեւություն, հայտնվում է մեզ բնորոշ ինչ-որ ոճ: Դեռ մի փոքր ժամանակ է պետք: Երբ այստեղ մոդելավորողների հնարավորություններն ավելի լավը դառնան, ավելի շատ ճանապարհներ կբացվեն, այդ ժամանակ լիովին կարող ենք մրցակցել:

- Հա՛յկ, պատմե՛ք ապագայի պլանների մասին:

- Դրանք ինչպես միշտ շատ են: Բայց 2017-ը կսկսենք ֆոտոշարքով: Պլանավորում ենք մի քանի նկարահանում կատարել հետաքրքրիր թեմաներով:

- Ի՞նչ կմաղթեք մեր ընթերցողին Նոր տարուն:

- Ուզում եմ խաղաղություն մաղթել, մարդկանց միջեւ փոխըմբռնում, որ ամեն մեկը զբաղվի իր գործով, եւ որ լավ արդյունքն իրեն երկար սպասեցնել չտա:

Հետևեք NEWS.am STYLE-ին Facebook-ում, Twitter-ում և Instagram-ում