1. Կենտրոնացեք դրականի վրա հենց հիմա
Մեր հանրության մեջ բացասական մտածողությունը գերակայում է: Հրաժարվեք դրանից եւ սկսեք կենտրոնանալ միայն դրական մտքերի վրա: Դա անելը հեշտ է. ուշադրություն դարձրեք, ինչն է ձեզ երջանիկ դարձնում կամ ինչի համար եք դուք երախտապարտ: Քայլ առ քայլ կնկատեք, որ դրական մտքերը շատանում են: Սա, իհարկե, երկարատեւ պրոցես է, եւ ոչ մի դեպքում չի կարելի կանգ առնել:
Սա կօգնի ձեզ ավելի հանգիստ զգալ: Ժամանակի ընթացքում կդադարեք ինքներդ ձեզ տանջել, քանի որ այլեւս բացասականին այնքան շատ ժամանակ չեք հատկացի, ինչպես նախկինում:
2. Կրկնել դրական խոսքեր օրվա ընթացքում
Ուշադրություն դարձրեք ձեր ուղեղին հենց հիմա, ի՞նչ մտքեր են պտտվում այնտեղ: Կնկատեք, որ հիմնական մտքերը պտտվում են այն ամենի շուրջ, թե ինչ անել այսօր, եւ նրա շուրջ, ով ձեզ զայրացրել է: Հնարավոր է՝ նաեւ ձեր մտքերը ինքնաքննադատությամբ են զբաղված: Ոչ մի դեպքում չի կարելի թույլ տալ նման մտքեր: Թեեւ շրջապատում գերակայող բացասականի դեպքում դա այնքան էլ հեշտ չէ: Բացի այդ՝ կարող եք դիմակայել բացասական մտքերին ձեզ աշխուժացնող խոսքերով:
Ամեն անգամ, երբ տագնապ եք զգում, պատրաստեք հանգստացնող խոսքեր, օրինակ՝ «Հանգիստ: Ամեն ինչ կարգին է»: Բառերը մեծ նշանակություն եւ ուժ ունեն, ուստի օգտագործեք դրանք ի շահ ձեզ:
3. Մեդիտացիայով զբաղվեք
Երբ մեդիտացիայով եք զբաղվում, կասեցնում ենք ամեն վայրկյան ձեր գիտակցությունը ռմբակոծող մտքերի հոսքը եւ անցնում ենք մի տարածություն, որտեղ հանգստություն է տիրում: Մեդիտացիան թուլացնում է մարմինը եւ օգնում ավելի թեթեւ նայել առօրյա խնդիրներին:
Եթե ավելի շատ հանգստություն եք ուզում ձեր մտքում ու կյանքում, սկսեք մեդիտացիայով զբաղվել: Նստեք հանգիստ եւ կենտրոնացեք միայն ձեր շնչառության վրա: Այդպես արեք օրվա մեջ առնվազն 10 րոպե: Կնկատեք, որ դրական մտածողությունը իրականություն է դառնում:
4. Ապրեք հիմա եւ այստեղ
Մոռացեք հանձնարարությունների մասին, որոնք պետք է կատարեք վաղը կամ մյուս օրը, կամ հաշիվների մասին, որ պետք է վճարեք հաջորդ շաբաթ կամ ապագայի անորոշության մասին, որին դեռ չեք հասել:
Երբ թույլ եք տալիս, որ նման մտքերը տիրեն ձեր գլխում, դա կարող է տագնապ ու դեպրեսիա առաջացնել: Ավելի հաճախ անհանգստության պատճառն այն է, որ մենք, կարծես, ապրում ենք այլ ժամանակներում՝ մտածելով անցյալի սխալների եւ ապագայի դժվարությունների մասին:
Նման պահերին միշտ փորձեք վերադառնալ դեպի այս օրը՝ թույլ տալով ձեզ պարզապես սահել մի պահից մյուսը, ինչպես դա անում էիք մանկության տարիներին:
5. Եղեք բնության գրկում
Բնությունը լարված միտքը հանգստացնելու հրաշալի միջոց է: Դուք կարող եք հանգստյան օրերին քաղաքից դուրս գնալ կամ պարզապես ընդմիջմանը զբոսնել այգում: Եթե նման հնարավորություն չկա, ապա մտածեք արձակուրդի մասին:
Հիշեք, որ բնությունը կյանքի հետ չի պայքարում, եւ դուք էլ պարտադիր չէ, որ հոսանքին հակառակ գնաք: Մի տարվեք նյութական աշխարհի մանրուքներով, քանի որ երջանկություն նյութական բարիքների մեջ չեք գտնի:
Հանգստությունն ու հանդարտությունն արդեն ձեր սրտում են, եւ բնությունն օգնում է վերականգնել այդ վիճակը՝ շեղելով ժամանակակից կյանքի ռիթմից:
Աղբյուրը՝ Klubber.ua
Հետևեք NEWS.am STYLE-ին Facebook-ում, Twitter-ում և Instagram-ում
11:13, 30 ապրիլի
Քիմ Քարդաշյանին նորից կասկածել են Բյանկա Սենսորիի ոճը կրկնօրինաելու մեջ10:21, 30 ապրիլի
Բրիթնի Սփիրսի շրջապատը պնդում է, որ նա «ամբողջովին դիսֆունկցիոնալ է» և կործանման եզրին է09:00, 30 ապրիլի
ԱՊՐԻԼԻ 30-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:23, 29 ապրիլի
Lamborghini-ն ներկայացրել է առաջին հիբրիդային սուպեր SUV Urus SE-ն22:48, 29 ապրիլի
Հանուն սեքսի ճանապարհորդությունը 2024 թվականի թրենդն է21:24, 29 ապրիլի
Ջոան Աղաջանյան-Քուինը՝ Լոս Անջելեսի արտ-բեմի մուսա եւ հովանավոր20:35, 29 ապրիլի
Նիկոլ Քիդմանը Balenciaga-ի շքեղ ոսկեփայլ զգեստով19:31, 29 ապրիլի
«Եվրատեսիլ 2024»-ում Հայաստանը ներկայացնող «Լադանիվա»-ի առաջին փորձի առաջին կադրերը (ֆոտո)19:21, 29 ապրիլի
Ով կղեկավարի LVMH շքեղ կայսրությունը. Բեռնար Առնոն գնահատում է իր ժառանգներին16:34, 29 ապրիլի
Six Senses առողջարանային ցանցը Դուբայում կառուցում է աշխարհի ամենաբարձր բնակելի աշտարակը16:17, 29 ապրիլի
Հարգանքի տուրք Ազնավուրին․ բացվեց քանդակագործ Մկրտիչ Մազմանյանի ցուցահանդեսը15:16, 29 ապրիլի
Ժերար Դեպարդյեն կալանքի տակ է հայտնվել սեռական ոտնձգությունների մեղադրանքով