Տագնապի դրսեւորումներ ունեցող մարդիկ հաճախ են իրենց օտար եւ չհասկացված զգում: Եթե ձեր զուգընկերը տառապում է անհանգիստ վիճակից, հարկավոր է իմանալ հետեւյալ փաստերը՝ նրան աջակցելու համար:
5 բան, որոնք պետք է իմանալ, եթե ձեր զուգընկերը տագնապ է զգում.
1. Անհանգստությունից նրանք տառապում են հոգեպես, ֆիզիկապես եւ զգայական առումով
Անհանգստությունը ոչ միայն բացասաբար է ազդում ուղեղի, այլեւ մարդու ֆիզիկական առողջության վրա: Տագնապի զգացողությունն առաջանում է գենետիկ առանձնահատկությունների, շրջակա միջավայրով պայմանավորված գործոնների, քիմիական դիսբալանսի եւ այլ գործընթացների արդյունքում: Սրանք կարող են հանգեցնել գլխացավերի, մաշկի կարմրածության, սառը քրտինքի, քնի խանգարումների եւ այլն:
Հոգեբանական տեսակետից անհանգստությունը կարող է առաջանալ լարվածությունից եւ սթրեսից, ինչպես նաեւ վախի չհաղթահարված զգացողությունից: Համոզվեք, որ պատրաստ եք ունենալ այն զգացողությունները, ինչ ձեր զուգընկերը: Դա անհրաժեշտ է նրա խնդիրները հասկանալու եւ օգնություն առաջարկելու համար:
2. Նրանք տառապում են դեպրեսիայից
Տագնապի եւ դեպրեսիայի ամերիկյան ասոցիացիայի տվյալներով՝ մարդկության գրեթե կեսը տառապում է դեպրեսիայից եւ տագնապի զգացողությունից: Երկուսի նշանները մարդկանց կարծես տարբեր կողմեր են քաշում: Տագնապի նշանները մարդկանց հրահրում են վեր կենալ, գնալ, մինչդեռ դեպրեսիան ստիպում է նրան մնալ տեղում: Կառավարելով այդ խանգարումները՝ հնարավոր է որոշ ժամանակ ճնշել դրանց ի հայտ գալը: Ըստ գիտնականների՝ տագնապի նշանը մեծ մասամբ առաջանում է դեպրեսիայի հետեւանքով:
3. Ձեր զուգընկերոջը ժամանակ է պետք՝ մենակ մնալու
Տագնապի զգացողությամբ մարդկանց համար դժվար է գտնվել այլ մարդկանց շրջապատում: Ձեր զուգընկերը կարող է հրաժարվել հանգստյան օրերը միասին անցկացնելու հրավերից, եւ դուք պարտավոր եք հարգել նրան: Խնդիրն այն է, որ անհանգստությունն առանց այդ էլ սպառում է նրան էներգիան, իսկ շփումը ճնշում է առանց այդ էլ հյուծված օրգանիզմը: Այս դեպքում պարզապես նրան պետք է հնարավորություն տալ միայնակ մնալու՝ ուժերը վերականգնելու համար:
4. Անհանգստությունը ձեր զուգընկերոջը թույլ եւ անկարող չի դարձնի
Շատերը կարծում են, որ հոգեբանական խնդիրներով մարդիկ ունակ չեն սիրելու կամ պահպանելու հարաբերությունները: Այդպիսի խնդիրներով մարդիկ բավական երկար ժամանակ են գտնվել այդ վիճակում, ինչի արդյունքում կարող է տագնապի եւ դեպրեսիայի զգացողություն առաջանալ:
Անհանգստությունը ձեր զուգընկերոջը կարող է մի փոքր հեռացնել որոշ ժամանակով, բայց նա գիտակցության մեջ ամենօրյա պայքար է մղում: Դա շատ ժամանակ եւ էներգիա է խլում, բայց դա ամենեւին չի նշանակում, որ նա չի սիրում ձեզ կամ ձեր մասին հոգ չի տանում:
5. Ձեր զուգընկերն ուշադրություն չի ցանկանում
Շատերն այն կարծիքին են, թե հոգեկան խնդիրներով մարդիկ ուշադրություն են պահանջում: Սակայն այդ կարծիքը կարող է հեռու լինել իրականությունից: Եթե ձեր զուգընկերը նման խնդիրներ ունի, նա առաջին հերթին կարիք ունի սիրո եւ կարեկցանքի, ինչպես բոլորը, բայց ո՛չ ուշադրության: Նա չի ուզում, որ իրեն խղճան, ուզում է, որ իրեն լսեն եւ հասկանան:
Պարզապես հարկավոր է օգնել զուգընկերոջը՝ իր վրա աշխատելու եւ իրեն ավելի լավ զգալու հարցում: Մի՛ փորձեք նրան քննադատել: Կարեկցանքը կլինի այն ճանապարհը, որը կօգնի ձեր զուգընկերոջը հաղթահարել տագնապը:
Աղբյուրը՝ Liza.ua
Հետևեք NEWS.am STYLE-ին Facebook-ում, Twitter-ում և Instagram-ում
14:05, 19 մայիսի
Աննա Մանուչարյանի սլացիկ կազմվածքը՝ մինի տոպով ու կարճ կիսատաբատով12:08, 19 մայիսի
Սելենա Գոմեսը եւ Զոի Սալդանան Կաննում մասնակցել են «Էմիլիա Պերես» մյուզիքլի դիտմանը10:25, 19 մայիսի
Բենի Բլանկոն պատմել է Սելենա Գոմեսից երեխաներ ունենալու ծրագրերի մասին09:00, 19 մայիսի
ՄԱՅԻՍԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ10:23, 18 մայիսի
Բեն Աֆլեքն ու Ջենիֆեր Լոպեսը վերամիավորվել են ամուսնալուծության մասին լուրերի ֆոնին09:00, 18 մայիսի
ՄԱՅԻՍԻ 18-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:21, 17 մայիսի
Նոր սիրավե՞պ․ Անջելինա Ջոլին Բեռլինում ընթրել է «Վարպետը եւ Մարգարիտան» ֆիլմի աստղի հետ