Ձեր արտաքինը նախեւառաջ ոճն է
Տղամարդիկ նայում են աչքերով՝ ինչ եք հագել, ինչ տեսք ունեն Ձեր մազերը, զգում են Ձեր բույրը, եւ, անկախ անձնական նախասիրություններից, գնահատում են Ձեր կազմվածքը:
Ջերմություն եւ անկեղծություն
Տեսողական կապն ու անկեղծ ժպիտը ֆլիրտի հզոր գործիքներ են, որոնք գրավում են տղամարդու ուշադրությունը: Հետազոտությունների համաձայն, որպեսզի տղամարդը որոշի մոտենալ, պետք է իր վրա զգա Ձեր 13 հայացք: Այդ պատճառով՝ ժամանակ առ ժամանակ նրա ուղղությամբ հայացք նետեք, սիրալիր ժպտալով հեռացրեք հայացքը, ձեռքով ուղղեք մազերը, կոկետություն արեք տարածության վրա:
Ինքներդ Ձեզ նման եղե՛ք
Տղամարդիկ իսկապես էմոցիոնալ մտերմություն են ուզում կանանց հետ: Կիսվե՛ք Ձեր մտքերով, լսեք՝ ինչ է նա ասում, մի՛ վախեցեք ցույց տալ Ձեր իրական կերպարը:
Եղե՛ք ինքնաբավ
Սիրե՛ք կյանքը, վայելե՛ք այն, զբաղվե՛ք կարիերայով եւ հետաքրքրություններով: Ժամանակ անցկացրեք ընտանիքի, ընկերների հետ, եղեք սոցիալապես ակտիվ: Ձեզ տղամարդ պետք չէ երջանիկ լինելու համար, բայց Դուք ուրախ կլինեք նրա հետ երջանկությունը կիսելու համար: Այդպիսի կանայք ձգում են մագնիսի պես:
Պահպանե՛ք դրական տրամադրվածությունը
Դա կարեւոր է առնվազն հարաբերությունների սկզբնական փուլի համար, երբ մարդն ուզում է ճանաչել Ձեզ, ոչ թե Ձեր խնդիրները: Իհարկե, պետք է կիսվել միմյանց հետ ամեն ինչով՝ ե՛ւ լավ, ե՛ւ վատ, բայց շեշտը մի՛ դրեք բացասականի վրա: Դուք պետք է լինեք մեկը, ով փնտրում է խնդիրների լուծում, այլ ոչ թե ողբում դրանց համար:
Պահպանե՛ք հանելուկը
Մի՛ պատմեք միանգամից Ձեր մասին ամեն ինչ, հատկապես՝ Ձեր նախկին հարաբերությունների մասին: Տղամարդը պետք է հետաքրքրված լինի, ցանկանա իմանալ ավելին: Միեւնույն ժամանակ, Ձեզ խուսափողական մի՛ պահեք, ինտրիգներ մի՛ ստեղծեք, հակառակ դեպքում՝ նա Ձեզ չի վստահի:
Մի՛ շտապեք մտերմության հարցում
Առաջին հանդիպումների ժամանակ ինտիմ մտերմությանը «ոչ» ասելը մանիպուլյացիա չի նշանակում, այլ այն, որ դուք հասկանում եք՝ տղամարդը մտածում է ոչ թե սրտով կամ ուղեղով, այլ ուրիշ տեղով: Տղամարդուն ժամանակ է պետք՝ կնոջ նկատմամբ զգացմունքներ եւ վստահություն ձեռք բերելու համար: Եթե չափազանց շուտ եք համաձայնում մերձեցմանը, եթե անգամ նա է դրդում դրան, տղամարդը կարող է կորցնել հետաքրքրությունը, հարգանքն ու մոտիվացիան՝ Ձեզ հասնելու համար:
Աղբյուրը՝ Woman.ru
Հետևեք NEWS.am STYLE-ին Facebook-ում, Twitter-ում և Instagram-ում
16:34, 3 մայիսի
Macallan-ը և Cirque Du Soleil-ը միավորվում են՝ վիսկիի համտեսի և մահաբեր հնարքների համար15:25, 3 մայիսի
Ֆարել Ուիլյամսը միանում է Tiffany & Co-ին Titan ոսկերչական հավաքածու ստեղծելու համար14:23, 3 մայիսի
Քրիստեն Ստյուարտը եւ Օսկար Այզեքը կնկարահանվեն 80-ականների վամպիրների մասին հեդոնիստական թրիլլերում13:55, 3 մայիսի
Դերասանուհի Անյա Թեյլոր-Ջոյը պրեմիերային ներկայացել էր այնպիսի զգեստով, որով անհնար էր նստել13:17, 3 մայիսի
Էմիլի Ռատակովսկին եւ Իրինա Շեյքը փայլել են The King's Trust 2024 Global Gala-ին12:23, 3 մայիսի
Սոֆյա Վերգարան մտադիր է ամեն կերպ պայքարել տարիքի հետ11:15, 3 մայիսի
Բրիթնի Սփիրսի շոկային լուսանկարները մտահոգություն են առաջացրել նրա հոգեկան առողջության վերաբերյալ10:52, 3 մայիսի
«Լադանիվա»-ից Ժակլինի եւ Հունաստանի ներկայացուցչի աշխույժ պարը՝ «Եվրատեսլ 2024»-ի ետնաբեմում (վիդեո)10:20, 3 մայիսի
Քիմ Քարդաշյանը կիսվել է իր վերջին ֆոտոշարքի «բեքսթեյջային» կադրերով09:00, 3 մայիսի
ՄԱՅԻՍԻ 3-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:02, 2 մայիսի
Ֆիլմերում սեքսը կտրուկ նվազել է, բայց դարձել է ավելի բացահայտ22:18, 2 մայիսի
Armflix ֆանտաստիկ որակի Էքսկլյուզիվ ֆիլմեր և սերիալներ՝ առանց սահմանափակումների և գովազդի