• Օբաման, Բատլերը և Մոմոան՝ «ոսկե ցուցակում». գիտնականները անվանել են տղամարդու ամենասեքսուալ ձայնը

  Ավելի սեքսուալ հնչողություն ունեցող տղամարդիկ կարող են խուսափել իրենց ձայնը արհեստականորեն խորացնելուց․․․

• Տեխնոլոգիական միլիոնատերերը Ուրուգվայում կառուցում են ապագայի քաղաք. ԱԲ, նեոգոթական ճարտարապետություն և մեկ միլիարդ դոլար նոր ուտոպիայի համար  

  Նյու Յորքում գործող Praxis-ը Ուրուգվայն ընտրել է իր «բնական գեղեցկության, քաղաքական և տնտեսական կայունության» համար։ Նախագծի հիմնադիր և գործադիր տնօրեն Դրայդեն Բրաունը նաև պնդում է, որ միլիարդատեր Պիտեր Թիլի կողմից հիմնադրված հիմնադրամը, ըստ New York Times-ի, ներդրողների թվում է...

• Դոլֆ Լունդգրենը խոստովանել է, որ քաղցկեղի բուժման ընթացքում մտածել է ինքնասպանության մասին  

  Դոլֆ Լունդգրենը, որը հայտնի է «Ռոքի IV» և «Քրիդ II» ֆիլմերում բռնցքամարտիկ Իվան Դրագոյի դերով, անկեղծորեն խոսել է քաղցկեղի դեմ պայքարի ամենադժվար պահերի մասին: Իր նոր հուշագրությունում դերասանը խոստովանել է, որ բուժման ընթացքում լրջորեն մտածել է ինքնասպանության մասին...

• Իրինա Շեյքը Արինա Սաբալենկային Միլանում պոդիումում ելույթների վարպետության դաս է տվել  

  Իրինա Շեյքը և Արինա Սաբալենկան հանդիպել են Միլանում՝ Vogue World 2026-ի նախօրեին, որտեղ նրանք երկուսն էլ մասնակցել են խոշոր նորաձևության ցուցադրությանը։ Սակայն, ցուցադրական ելույթից առաջ ռուս սուպերմոդելը որոշել է անձամբ նախապատրաստել բելառուս թենիսիստուհուն և ցույց է տվել, թե ինչպես պետք է ճիշտ քայլել պադիումում...

• Աստղերը գրավել են Միլանը. Քարդի Բին, Ջենիֆեր Լոպեսը և Ալիշա Քիզը դուրս են եկել պոդիում Vogue World-ի ժամանակ  

  Աստղերը ոչ միայն զբաղեցրել են առաջին շարքերը, այլև ցուցադրությունը վերածել մեծ թատերական ներկայացման...

• Քրիստինա Ագիլերան կրքոտ շոու է ցուցադրել զբոսանավի վրա. նրա փեսացուն պտտեցնում էր նրան Պորտոֆինոյում  

  Քրիստինա Ագիլերան և նրա փեսացուն Մեթյու Ռատլերը վայելում են իրենց իտալական արձակուրդը, և ակնհայտ է, որ դա միայն արևի և ծովի մասին չէ...

• «Մենք հոտ ենք հանում. դա բնական է». Բենի Բլանկոն ցնցել է ընտանեկան կյանքի մասին բացահայտումներով  

  Սելենա Գոմեսի ամուսինը կարծում է, որ ժամանակն է դադարեցնել ձևացնել, թե հարաբերություններում որոշ բնական բաներ գոյություն չունեն...

• Քեյթ Միդլթոնը քայլել է կարմիր գորգի վրայով՝ կրելով թագուհի մոր վզնոցը և արքայադուստր Դիանայի ականջօղերը  

  Այնուամենայնիվ, նրա կերպարի գլխավոր շեշտադրումը զգեստը կամ սանրվածքը չէին, այլ զարդերը, որոնք ունեն իրենց յուրահատուկ թագավորական պատմություն...

«Հայաստանում շատ լավ է: Տարօրինակ է, որ նախկինում չէի եղել այստեղ, որովհետեւ ձեր հարեւան շատ երկրներում եմ եղել»,-ասում է շվեդ հայտնի երգիչ Բոսսոնը, որն օրերս ժամանել է Երեւան: One in a Million հայտնի հիթի հեղինակ-կատարողն այստեղ է մոսկվաբնակ հայ երգիչ Էդգարի հետ համագործակցության նպատակով: Երեկ Բոսսոնը ներկա էր երգչի ձայնասկավառակի շնորհանդեսին, իսկ վաղն արդեն նկարահանելու են տեսահոլովակ համատեղ զուգերգի հիման վրա: Չնայած խիտ գրաֆիկին՝ շվեդ երգիչը սիրով ժամանակ գտավ եւ պատասխանեց NEWS.am STYLE-ի հարցերին: Նա նաեւ խոսեց հայերեն եւ իր հայտնի հիթը նվիրեց հայուհիներին :)

«Շատ եմ լսել Հայաստանի մասին: Գիտեմ, որ One in a Million երգն այստեղ էլ է ժամանակին հիթ եղել: Հայ ընկերներ ունեմ թե՛ Լոս Անջելեսում, թե՛ Շվեդիայում: Ինչ վերաբերում է Հայաստանից ստացած տպավորություններիս, կարծում եմ՝ այստեղ շատ հանգիստ է, շատ հեշտ հարմարվեցի ամեն ինչին: Գիտեի, որ Հայաստանը գեղեցիկ երկիր է, քանի որ Շվեդիայում մի հարեւան ունեմ Իրանից: Երբ նա իմացավ, որ պետք է գամ Հայաստան, պատմեց, թե որքան գեղեցիկ է այստեղ: Ճիշտ է՝ Երեւանից դուրս դեռ չեմ եղել, բայց քաղաքն արդեն շատ գեղեցիկ է, ինչպես նաեւ շատ եմ հավանել այստեղի սնունդը: Հատկապես շատ եմ հավանել լավաշն ու այստեղի մսեղենը: Բանջարեղենն էլ շատ թարմ ու համեղ է»,-ասում է երգիչը՝ խոսելով նաեւ իր եւ Էդգարի համագործակցության մասին.

«Հայաստան ինձ բերել է Էդգարի հետ դուետը: Ռուսաստանում մի հաղորդաշարից հետո ենք հանդիպել եւ մտածել համագործակցելու մասին: Ռեստորանում նստած քննարկեցինք տարբեր ծրագրեր, եւ նրանք հարցրեցին՝ արդյոք պատրա՞ստ եմ համագործակցել: Հաջորդ հանդիպման ժամանակ նա ինձ համար նվագեց իր նոր երգը, եւ ես այն շատ հավանեցի: Մի փոքր փոփոխությունների ենթարկեցինք եւ որոշեցինք այն միասին կատարել: Էդգարը ռուսերեն է երգում, իսկ ես իմ հատվածը գրեցի անգլերենով, հետո ձայնագրվեցի Շվեդիայում եւ ուղարկեցի նրան: Այս շաբաթվա վերջ պատրաստվում ենք տեսահոլովակ նկարահանել այս երգի հիման վրա: Հայաստանում մասնակցելու եմ  նաեւ մի քանի հեռուստածրագրերի, որոնցից մեկը «ֆուլ Հաուս»-ն է»:

Բոսսոնը հաճախ է համերգներով հանդես գալիս Ռուսաստանում, ինչի արդյունքում արդեն որոշ ռուսերեն բառեր սովորել է, ասում է՝ հայերեն դեռ չի հասցրել սովորել, բայց ամենակարեւոր նախադասությունն, այնուամենայնիվ, հեշտությամբ սովորեց.

«Բարեւ, ես քեզ սիրում եմ: Հրաշալի է հնչում, պետք է անպայման հիշեմ»,-ասում է երգիչը, որն, ի դեպ, հիացած է նաեւ հայ աղջիկների գեղեցկությամբ.

«Իմ ճանաչած հայ աղջիկները բոլորն էլ գեղեցիկ են: Գիտեք՝ Շվեդիայում աղջիկների մեծամասնությունը շիկահեր է, իսկ ինձ համար սեւահեր եւ մուգ աչքերով աղջիկները էկզոտիկ են, ինձ դուր են գալիս նման արտաքինով կանայք»:

Մինչ այստեղ գալը երգիչը որոշ բաներ գիտեր Հայաստանի մասին, իսկ երբ հաստատվեց նրա այնցն այստեղ, ավելի շատ բաներ սկսեց սովորել.

«Գիտեմ, որ հրաշալի ըմբշամարտիկներ ունեք, աշխարհում շատ տաղանդավոր հայեր կան: Բայց երկրի մասին այդքան շատ բան չգիտեի, մինչեւ այստեղ գալս եմ շատ բաներ կարդացել: Ինձ նաեւ դուր են գալիս ձեր եվրատեսիլյան երգերը: Եթե չեմ սխալվում, հաճախ շվեդների հետ եք համագործակցում: Երեւանը Սթոքհոլմին եմ նմանեցնում»,-նշեց նա, իսկ վերջում իր հայտնի՝ One in a Million երգը նվիրեց հայուհիներին:)

Սյունե Առաքելյան

Օպերատոր՝ Արթուր Ղահրամանյան

Լուսանարիչ՝ Արսեն Սարգսյան

Հետևեք NEWS.am STYLE-ին Facebook-ում, Twitter-ում և Instagram-ում