NEWS.am STYLE-ը շարունակում է իր խորհուրդներով հետաքրքրացնել ձեր երեկոյան ժամանցը: Այն ֆիլմը, որն այսօր առաջարկում ենք ձեր ուշադրությանը, համոզված ենք՝ առաջնահերթ կգրավի աստղային դերասանական կազմով. Նիկոլ Քիդման, Քոլին Ֆարել, Քրիստեն Դանսթ, Էլ Ֆանինգ։ էլ չասեմ, որ Սոֆիա Կոպոլայի «Գայթակղությունն» այս տարի Կաննի կինոփառատոնում արժանացավ մրցանակի՝ լավագույն ռեժիսորական աշխատանքի համար։
Դե ինչ, հետաքրքրե՞ց, ուրեմն անցնենք սցենարին:
«Գայթակղություն»/The Beguiled ֆիլմի իրադարձությունները տեղի են ունենում Ամերիկայի քաղաքացիական պատերազմի ժամանակաշրջանում:
Վիրջինայի ոչ մարդաշատ մի վայրում աղջիկների համար նախատեսված հատուկ դպրոց կար, որը ղեկավարում էր Մարտա Ֆարմսվոթը (Նիկոլ Քիդման): Նա եւ դպրոցի միակ ուսուցչուհին՝ Էդվին Մորոն (Քրիստեն Դանսթ), զբաղվում էին 5 աշակերտուհիների դաստիարակությամբ եւ կրթությամբ: Դպրոցում բոլորը համեստ էին, կանացի եւ զգուշորեն հետեւում էին Մարտայի կանոններին, սակայն ինչպես լինում է սովորաբար՝ տղամարդու ներկայությունը կտրուկ փոխում է դպրոցի մթնոլորտը:
Աշակերտուհիներից մեկը՝ Էմին, մի գեղեցիկ օր սունկ հավաքելիս անտառում վիրավոր զինվորականի է գտնում: Տղամարդը (Քոլին Ֆարել) չէր կարողանում շարժվել՝ ոտքի վնասվածքի պատճառով: Փոքրիկ աղջիկը որոշում է օգնել զինվորականին եւ նրան տանում է իրենց դպրոց, որտեց նրա վերքը փորձում է մշակել տնօրենը՝ Մարտան:
Սկզբնական շրջանում ոչ Մարտան, ոչ էլ Էդվինը մտադիր չէին օտար տղամարդուն պահել իրենց դպրոցում, սակայն փոքրիկ Էմին հորդորում է նրանց խղճալ զինվորականին եւ բուժել, մինչ զինված ուժերին հանձնելը: Ուսուցչուհիները որոշում են հավատարիմ մնալ քրիստոնեական սկզբունքներին եւ օգնել իրենց կարիքն ունեցող վիրավոր տղամարդուն: Մի քանի օր դպրոցում բնակվելով՝ Ջոն անունով զինվորականը մտերմանում է աղջիկներից շատերի հետ: Նրան սկսում են համակրել թե Մարտան, թե Էդվինը, թե աշակերտուհիներից Ալիսիան (Էլ Ֆանինգ): Ջոնն էլ, օգտվելով իր հմայքից, սիրախաղ է սկսում միանգամից 3 կնոջ հետ:
Աստիճանաբար երբեմնի խաղաղ դպրոցի մթնոլորտը վերածվում է մարտի դաշտի, որտեղ արտաքուստ համերաշխ թվացող կանայք իրականում պայքար են մղում Ջոնի համար: Նրանք չէին էլ կարող պատկերացնել, թե ինչ վտանգավոր հանգուցալուծում կարող է ստանալ անմեղ թվացող այդ սիրախաղը: Թե ինչ է հետո լինում Ջոնի հետ, նախընտրում ենք չբացահայտել՝ պահպանելով ֆիլմի հետաքրքրությունը: Եթե ձեզ դուր է գալիս վերը նշված դերասանների խաղն, ապա համոզված ենք՝ մեծ հետաքրքրությամբ կհետեւեք ֆիլմի իրադարձություններին եւ անսպասելի վերջաբանին:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը