Վաղուց անցել են ժամանակները, երբ համարվում էր, որ իսկական տղամարդը պետք է կապիկից միայն մի քիչ գեղեցիկ լինի: Այսօր տղամարդն իր արտաքինին պակաս ուշադրություն չի դարձնում, քան մարդկության գեղեցիկ կեսը: Մեր օրերի հայ մաչոն, այո՛, չի նողկում ձեռքերի եւ ոտքերի մատնահարդարումից: Մենք որոշեցինք տղամարդկանց սրահի մատնահարդարման վարպետ Լիանա Սամսոնյանի հետ զրույցում պարզել, թե ինչ է ներկայացնում տղամարդու մատնահարդարումը, որքան արժե նման միջամտությունը:
Հայ մաչոներին չի՞ շփոթեցնում «մատնահարդարում» բառը:
Մեր տղամարդիկ շատ են սիրում իրենց խնամել, սա հեղինակության հարց է: Վերջապես նրանք հասկացել են, որ մատնահարդարումը նույնպիսի պարտադիր միջամտություն է, ինչպիսին մազերի եւ մորուքի խնամքն է: «Մատնահարդարում» բառը նրանց սկզբում վախեցնում է, նրանք այն շփոթում են լաքի հետ: Այսինքն՝ նրանց պատկերացմամբ մատնահարդարումը եղունգներին գունավոր լաք քսելն է: Սակայն նրանք հասկացել են, որ այս միջամտությունը ներառում է միայն եղունգների մաքրումն ու ողորկումը: Երբեմն կարելի է եղունգները մշակել անգույն լաքով փայլի համար, սակայն մեր տղամարդիկ դա չեն անում:
Համաձա՞յն եք, որ միջին վիճակագրական հայը, այնուամենայնիվ, մատնահարդարման չի հաճախի:
Այո, իհարկե: Ամեն հայ տղամարդ չի համաձայնվի եղունգները խնամել մատնահարդարի մոտ: Շատերի համար սա խայտառակություն եւ ամոթալի է: Սակայն ամեն ինչ զարգանում է ու առաջ ընթանում, եւ աստիճանաբար մեծանում է այն տղամարդկանց թիվը, ովքեր հասկանում են, որ այս միջամտության մեջ դատապարտելի ոչինչ չկա:
Նրանց չի՞ շփոթեցնում այն փաստը, որ կին է մանիկյուր եւ պեդիկյուր անում:
Բացարձակ: Նրանց դուր է գալիս, որ իրենց կին է խնամում: Դրանից բացի, Երեւանում չեք գտնի տղամարդ վարպետի: Մատնահարդարման ծառայությամբ զբաղվում են բացառապես կանայք:
Տղամարդու ձեռքերի եւ ոտքերի մատնահարդարումը կանացիից տարբերվո՞ւմ է:
Ո՛չ, ոչ մի տարբերություն չկա: Ամեն ինչ ճիշտ նույն կերպ է կատարվում, ինչպես կանանց եղունգները մաքրելու դեպքում: Մշակման սկզբունքը նույնն է, նույն կերպ կտրում ենք կուտիկուլը, ձեւը խարտում եւ ողորկում: Ի դեպ, անհրաժեշտ է նշել, որ տղամարդկանց եղունգներին կուտիկուլը շատ բարակ է: Գործիքները եւս նույնն են՝ մատնահարդարման ստանդարտ հավաքածու: Հաճախորդներից շատերը գալիս են իրենց հարմարանքներով: Որքան էլ տարօրինակ է, տղամարդիկ ստերիլության հարցում ավելի բծախնդիր են: Նրանք մշտապես ստուգում են՝ արդյոք գործիքները մշակվել են, հասցրել են աշխատանքային տեղն ախտահանել նախորդ հաճախորդից հետո, արդյոք շուրջբոլորը մաքուր է... Հայ տղամարդիկ այս հարցերում շատ ուշադիր ու բծախնդիր են:
Նրանք պատրա՞ստ են իրենց ընկերներին հրապարակավ հայտարարել, որ մատնահարդարման են հաճախում, թե՞ այս փաստը թաքցնում են:
Ես նկատել եմ, որ իմ հաճախորդներից ոմանք թաքցնում են, որ մատնահարդարման են հաճախում: Հեռախոսով շփվելիս նրանք մշտապես իրենց գտնվելու վայրի մասին չեն հայտնում: Հավանաբար, պատճառն, այնուամենայնիվ, բարդույթներն են, որոնք մենք դեռեւս չենք հաղթահարել: Սակայն կան նաեւ այնպիսի տղամարդիկ, որոնք հանգիստ պատասխանում են, որ նստած են մատնահարդարի կաբինետում:
Իսկ տղամարդկանց սրահում որքա՞ն արժեն այս միջամտությունները:
Տղամարդու ձեռքերի մատնահարդարումն արժե 6 հազար դրամ, իսկ ոտքերինը՝ 12 հազար դրամ:
Մարգարիտա Ավագյան
Հետևեք NEWS.am STYLE-ին Facebook-ում, Twitter-ում և Instagram-ում
18:33, 5 մայիսի
Տարօրինակ կանոններ, որոնց պետք է հետեւեն Met Gala-ի մասնակիցները16:18, 5 մայիսի
Լորեն Սանչեսին Met Gala-ի համար հանդերձանք ընտրելիս կօգնի հենց ինքը՝ Աննա Վինտուրը14:02, 5 մայիսի
Ջենիֆեր Լոպեսն իրեն «չհասկացված» է զգում՝ ինստագրամհան ատելության պատճառով12:15, 5 մայիսի
Շերոն Սթոունի որդին գնում է մոր՝ դերասանական հետքերով11:39, 5 մայիսի
«ԴԴՏ» կուլտային խմբի մեծ համերգը՝ Երեւանում10:30, 5 մայիսի
Մադոննան կրքոտ համբուրել է պարուհուն՝ Բրազիլիայում իր Celebration շրջագայության փորձի ժամանակ09:00, 5 մայիսի
ՄԱՅԻՍԻ 5-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:20, 4 մայիսի
Գուրգեն Դաբաղյանի 3-ամյա դուստրը եւս միացել է TikTok-ում ամենատարածված հնդկական թրենդին (VIDEO)19:30, 4 մայիսի
Հարաբերությունների խորհրդատուն բացահայտել է երկու բան, որոնք կանայք երբեք չպետք է անեն17:23, 4 մայիսի
Հյու Ջեքմանը եւ Ջոդի Քոմերը կնկարահանվեն «Ռոբին Հուդի մահը» ֆիլմի գլխավոր դերերում15:06, 4 մայիսի
Դերասանուհի Թիֆանի Հադիշը ցանկանում էր սեքսով զբաղվել Հենրի Քավիլի հետ, սակայն նրա հետ հանդիպելուց հետո մտափոխվել է13:29, 4 մայիսի
Քեւին Սփեյսի. նոր վավերագրական ֆիլմում 10 տղամարդ «անհոգի հրեշին» մեղադրում են սեռական ոտնձգության մեջ