• Մալդիվների ամենաթանկ հանգստավայրի ներսում

  Երբ Soneva Secret-ը բացվեց ապրիլի սկզբին, այն աշխարհի ամենաթանկ հյուրանոցային ուղղություններից մեկում՝ Մալդիվներում, անմիջապես դարձավ ամենաթանկ հանգստավայրը․․․

• Տոկիոյի հանրային զուգարանները եզակի զբոսաշրջային գրավչություն են ճանապարհորդների համար

  Բացի տաճարներ այցելելուց եւ կեռասի ծաղիկներով հիանալուց, Տոկիոյի այցելուներն այժմ կարող են ուսումնասիրել քաղաքի ավելի ժամանակակից հրաշքները՝ հասարակական զուգարանները, հայտնում է Reuters-ը․․․

• Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար

  Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար՝ ներխուժելով հյուրանոցային ոլորտ․․․

• Daily Express. Եթե ցանկանում եք բացահայտել Եվրոպայի ամենատպավորիչ գաղտնիքներից մեկը, գնացեք Հայաստան

  Շշմեցնող Հայաստանն այն ուղղություններից է, որտեղ ավելի քիչ զբոսաշրջիկների կտեսնեք, քան մայրցամաքի շատ այլ երկրներոիմ, բայց սա շուտով կարող է փոխվել, քանի որ այնտեղ զբոսաշրջիկների թիվը սկսում է աճել․․․

• Հինգ ամիս, 40 երկիր եւ շքեղ նավարկություն, որտեղ լյուքս համարներն արժեն մինչեւ 1,7 միլիոն դոլար

  Պիկասոյի ստեղծագործությունները, ռոյալներ եւ անձնական սպասավորներ. բարի գալուստ Regent Seven Seas-ի շքեղ նավարկությունների ապագա․․․

• Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին զբոսանավի գործարկումով  

  Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին Four Seasons զբոսանավի թողարկումով: Սուպեր զբոսանավը նախագծվել է շվեդական Tillberg Design ընկերության հետ համատեղ...

• Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին

  Աբու Դաբին գնում է Սաուդյան Արաբիայի հետքերով և նախատեսում է ստեղծել աշխարհում առաջին eSports կղզին, որն ընդգրկում է 500,000 քառակուսի մետր տարածք, որը խաղային դրախտ կլինի ամբողջ աշխարհի խաղացողների համար...

• Versace հյուրանոցը բացվել է Մակաոյում

  Versace հյուրանոցը բացվել է Մակաոյում։ Palazzo Versace Macau-ն՝ բրենդի առաջին հանգստավայրը Ասիայում, միավորում է բարոկկոյի և հին հունական ճարտարապետության դասական ազդեցությունները Դոնաթելլա Վերսաչեի ստեղծագործական ղեկավարության ներքո...

Զբոսաշրջիկի ամենամեծ խնդիրը, ով պատրաստվում է Փարիզ այցելել առաջին անգամ, ֆիզիկապես անհնարինությունն է՝ այցելելու ամեն տեղ, ուր ցանկանում ես, դիտելու տեսարժան վայրերը, որոնց մասին գիտի ամբողջ աշխարհը, նաեւ՝ հասցնելու պարզապես թափառել փողոցներով, սրճարանում նստելու, լուսանկարելու… Ինչպե՞ս ամեն ինչ հասցնել:

Փարիզն ուսումնասիրեք առաջին իսկ րոպեից: Գիտե՞ք ինչու: Որովհետեւ Շառլ դը Գոլի անվան օդանավակայանը ժամանակակից ճարտարապետության հրաշալի ստեղծագործություն է: Օդանավակայանը երկու հսկայական տերմինալ ունի, որոնցից յուրաքանչյուրը նման է փոքրիկ քաղաքի: Տերմինալներից մեկն ընդունում եւ ճանապարհում է միջազգային չվերթները, իսկ մյուսը՝ ներքին: Տերմինալների միջեւ երթեւեկում են «շաթլ»-ները՝ անվճար հարմարավետ ավտոբուսները, օդային կառամատույցներից ուղեւորներին դեպի ելք են տանում կիսաթափանցիկ, մետրո հիշեցնող վագոնները: Երբ դուրս գաք օդանավակայանից, ուշադիր դուրս նայեք պատուհանից. իսկապես արժե:

Եվ այսպես՝ մենք Փարիզում ենք: Այս քաղաքի «այցեքարտը» դարձած տեսարժան վայրերն են Էյֆելյան աշտարակը, Փարիզի Աստվածամոր տաճարը եւ Սաքրը-Սյոր եկեղեցին, Լուվրը, Ելիսեյան դաշտերը, Թյուիլըրի այգին եւ Հաղթական կամարը: Սա այն է, ինչ հայտնի է բոլորին եւ ինչը կարելի է անվանել Փարիզ այցելած յուրաքանչյուր զբոսաշրջիկի պարտադիր ծրագիրը:

Ազատ ծրագրի ցանկն ամբողջությամբ կախված է ձեզանից եւ ձեր ճաշակից ու նախասիրություններից: Խորհուրդ ենք տալիս անպայման այցելել Օրսե թանգարան. եթե գեղանկարչության երկրպագու եք եւ պաշտում եք իմպրեսիոնիստներին, հենց այս թանգարանում կգտնեք իմպրեսիոնիզմի գլուխգործոցների ամենից ամբողջական հավաքածուն: Եթե պատմության սիրահար եք, այցելեք Պեր Լաշեզ գերեզմանատուն, որտեղ գտնվում են բազմաթիվ մեծերի շիրիմներ, եւ Հաշմանդամների տուն՝ Նապոլեոնի հուշահամալիր (այնտեղ է գտնվում նաեւ նրա դամբարանը): Իսկ նրանց համար, ովքեր դեռեւս դուրս չեն եկել ուսանողական տարիքից, անպայման անհրաժեշտ է թափառել ուսանողական Լատինական թաղամասում, զվարճանալ Սորբոնի մուտքի առջեւ գտնվող հրապարակում. այնտեղ՝ շատրվանների մոտ հանգստանում, երգում, կարդում, սենդվիչ է ուտում Փարիզի բազմաձայն եւ բազմերանգ ուսանողությունը:

Դե, իսկ եթե դրամ եւ ժամանակ ունեք Փարիզի արվարձաններ այցելելու համար, ապա կարելի է ընտրություն կատարել Դիսնեյլենդի (այստեղ կարելի է հասնել մետրոյով), Վերսալի եւ Սենտ Ժնեվիեւ դե Բուա ռուսական գերեզմանատան միջեւ, որը գտնվում է Փարիզից 40 կմ հեռավորությամբ:

Էյֆելյան աշտարակ

Ցանկացած եղանակի Էյֆելյան աշտարակի ներքեւում գտնվող հրապարակում աշխուժություն է տիրում: Զբոսաշրջիկները շտապում են դրամարկղի մոտ հերթ կանգնել՝ տոմս գնելու եւ վերելակով վերեւ բարձրանալու համար, բազմության մեջ վազվզում են հուշանվերներ վաճառողները. սովորաբար դրանք ապրուստի համար դրամ վաստակող սեւամորթ ուսանողներ են: Այստեղ կարելի է հանդիպել նաեւ զբոսանքի եկած դպրոցականների խմբի:

Այստեղ նաեւ պարտադիր կարգով պարեկում են զինված ոստիկաններն ու ժանդարմները. ահաբեկչության դեմ Փարիզում ամենալուրջ միջոցառումներն են ձեռնարկվում: Կարելի է էքսկուրսիայի տոմս գնել եւ միանալ խմբին, կարելի է նաեւ աշտարակ բարձրանալ ինքնուրույն:

Էյֆելյան աշտարակի դիտահրապարակները երեք մակարդակի վրա են: Ամենից էժան տոմսը՝ առաջին, ամենից թանկը՝ վերջին մակարդակի՝ աշտարակի գագաթի համար է: Ի դեպ, եթե Փարիզ եք ուղեւորվել գարնանը, աշնանը կամ ձմռանը, աշտարակ գնալիս տաք հագնվեք. վերեւում սովորաբար սառը քամիներ են պտտվում:

Նրա համար, ով պարզապես ցանկանում է Փարիզը տեսնել թռչնի թռիչքի բարձրությունից եւ լուսանկարներ անել, խորհուրդ ենք տանել այցելել առաջին մակարդակ. այդ նպատակների համար այն միանգամայն բավարար է: Առաջին մակարդակը աշտարակի «մարմնի» շուրջ բավական լայն հրապարակ է. այստեղ կա սրճարան, որտեղ կարելի է մի գավաթ սուրճ կամ մի բաժակ հյութ խմել, սենդվիչ կամ կարկանդակ ուտել, զուգարան գնալ: Կարելի է անցնել հրապարակի ամբողջ երկայնքով, վճարովի հեռադիտակներով հիանալ քաղաքով, «Փարիզը թռչնի թռիչքի բարձրությունից» լուսանկարների շարք անել, այնուհետեւ նորից վերելակի օգնությամբ ներքեւ իջնել:

Երբ վերեւում լինեք, ուշադրություն դարձրեք Ֆրանսիայի մայրաքաղաքի առանձնահատկությանը. քաղաքի վրա ոչ մի լար չեք տեսնի: Շատ վաղուց Փարիզի քաղաքապետարանը որոշում է կայացրել. հաղորդակցության բոլոր մալուխները պետք է անցնեն գետնի տակով, որպեսզի պատմական Փարիզի հիասքանչ դեմքն ու երկինքը հաղորդալարերով չփչացնեն: Այս կանոնը մինչ օրս խստորեն պահպանվում է:

Անմիջապես Էյֆելյան աշտարակի հարեւանությամբ գտնվող Սենայի ափին կարող եք տոմս գնել եւ ջերմանավով զբոսնել:

Որտեղի՞ց կարելի է Էյֆելյան աշտարակի մի քանի գեղեցիկ լուսանկար անել: Սովորաբար ընտրում են երկու դիրք. Մարսի դաշտերի եւ Տրոկադերոյի կողմից: Ես գերադասում եմ լուսանկարել Տրոկադերոյի դիտահրապարակից. այնտեղից Փարիզի անկրկնելի տեսարան է բացվում, եւ աշտարակն էլ վեր է հառնում ամբողջ շուքով:

Տրոկադերոյի հրապարակ հասնելու համար անմիջապես աշտարակի կողքի կամրջով անցեք Սենան եւ անընդհատ ուղիղ գնացեք, բարձրացեք շատրվանների կողքի աստիճաններով եւ կհայտնվեք Տրոկադերոյի դիտահրապարակում: Այս լուսանկարում դուք տեսնում եք աշտարակից մինչեւ դիտահրապարակ ամբողջ ճանապարհը:

Իսկ եթե որոշել եք Էյֆելյան աշտարակի ամենագեղեցիկ լուսանկարներն անել, որոնց կնախանձեն ձեր բոլոր ծանոթները, սպասեք, մինչեւ մթնի՝ նստելով Տրոկադերոյի հրապարակի ցանկացած սրճարանում. մեկ գավաթ սուրճի համար 5-10 եվրոն մի ափսոսացեք: Էյֆելյան աշտարակի գիշերային լուսավորումը առանձնակի շքեղ է դիտվում հենց Տրոկադերոյից: Միաժամանակ նաեւ հիացեք գիշերային Փարիզով:

Գիշերային լուսավորության ներքո Փարիզի տեսքը բավականաչափ վայելելուց հետո կարելի է հենց այստեղ՝ Տրոկադերոյում իջնել մետրոյի կայարան եւ ուղեւորվել այնտեղ, ուր ցանկանում եք:

Շարունակությունը՝ հաջորդիվ…

Հետևեք NEWS.am STYLE-ին Facebook-ում, Twitter-ում և Instagram-ում