«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Աղանդերների պատերազմ. Երեւանյան «Կոտրված ծաղկաման» VS պետերբուրգյան «Մայրիկի սիրելի ծաղիկը»

12:04, 18 դեկտեմբերի

Երեւանյան գաստրոնոմիական «Yeremyan projects» ընկերության «Շերեփ» ռեստորանը չէր էլ հասցրել լայն ճանաչում ձեռք բերել, երբ հաստատության աղանդերներից մեկը՝ ծաղկամանի տեսքով, Instagram-ի հիթ դարձավ: Ռեստորանի այցելուները հիացած էր արտասովոր աղանդերով: Բայց եթե լինեիք Պետերբուրգում, կիմանայիք, որ «Мамин любимый цветок» («Մայրիկի սիրելի ծաղիկը») աղանդերն արդեն ավելի քան հինգ տարի «Ленинград» խմբի մեներգչի կնոջ՝ Մաթիլդա Շնուրովայի ռեստորանի կուռքային ուտեստն է: Որոշեցինք հանդիպել երեւանյան ռեստորանի ներկայացուցիչների հետ՝ հասկանալու համար, թե ինչպես է ծագել ուտելի ծաղկաման ստեղծելու գաղափարը եւ ինչպես պետք է այն ճիշտ ուտել:

«Ճաշացանկում «Կոտրված ծաղկաման» աղանդերը ներառելու գաղափարը մեր տնօրեն Դավիթ Երեմյանինն է, որը ճամփորդելու ընթացքում հաճախ է նոր եւ հետաքրքիր ուտեստներ համտեսում: Նա մեզ պատմեց իր նախասիրությունների մասին, որոնք մենք կյանքի կոչեցինք: Մեր ընկերությունը չի թաքցնում, որ աղանդերը փոխառել ենք այլ հաստատությունից, բայց մեր հրուշակագործներն այն լրամշակել են: Շատ երկար ենք աշխատել համի, կրեմի եւ բաղադրիչների ուղղությամբ: Ծաղկամանից թափված «հողը» բիսկվիթի փշրանք է՝ կակաոյով»,- պատմեց ռեստորանի գլխավոր հրուշակագործ Անահիտ Միքայելյանը:

Մաթիլդա Շնուրովան հարցազրույցներից մեկում ասել է, որ ռեստորանի շեֆ-խոհարար եւ աղմուկ հանած ծաղկի ու շատ այլ հանրահայտ ուտեստների հեղինակ Իգոր Գրիշեչկինը «պարբերաբար նյարդայնանում է, որ մարդիկ փոխառում են իր գաղափարները, բայց ժամանակն անցնում է, նա հանգստանում է եւ արդեն սկսում է խորհուրդներ տալ, թե պատճենողներն ինչպես կարող են ծաղիկ-աղանդերի համար հավասար ծաղկաման ստանալ»:

NEWS.am Style-ը կապվեց հեղինակավոր շեֆ-խոհարարի հետ եւ նրա կարծիքը հարցրեց հայկական «ծաղկամանի» մասին: Տեսնելով լուսանկարը՝ Գրիշեչկինն անմիջապես գուշակեց, որ այն տիրամիսու է, եւ նշեց, որ նման պատճեններ բազմիցս է տեսել. «Այս աղանդերը ստեղծել եմ մանկական հիշողությունների եւ տպավորությունների ազդեցությամբ... Մի անգամ կոտրեցի մորս սիրելի ծաղկամանը, նա շատ տխրեց: Ամենակարեւորը գաղափարն է, որը բացահայտում է մտածողությունն ու ասոցիացիաները»:

Քանի որ երկու քաղաքում էլ ապրել եմ, բախտ եմ ունեցել համտեսել աղանդերի երկու տարբերակն էլ:

Պետերբուրգյան աղանդերը մուգ շոկոլադից է, ներսում՝ թթվասերային մուս՝ հալվայի գերիշխող համով: Այն, հավանաբար, նախատեսված է հալվայի սիրահարների համար: Մուսը լեզվի վրա պղպեղային պաղպաղակի համ է թողնում՝ կարծես պատժելով կոտրված ծաղկամանի համար: Այս ծաղկանաի շուրջ թափված «հողը» շոկոլադե բրաունի է, ծաղիկը՝ անանուխային զանգակածաղիկ: Աղանդերը մատուցում են սալիկի վրա, ինչն ուժեղացնում է կոտրված ծաղկամանի հետ ասոցիացիան:

Աղանդերի երեւանյան տարբերակի համը տիրամիսուն է հիշեցնում. թեթեւ սերուցքային կրեմ, նուրբ բիսկվիթ, որն ինձ դուր եկավ՝ պարզ բաղադրակազմի շնորհիվ: Սակայն Գրիշեչկինի աղանդերի մատուցման տարբերակն ավելի մտածված է, իր մեջ հիշողություն եւ պատմություն է թաքցնում:

«Մենք հաճախ ենք նկատում, որ աղանդերը պատվիրող այցելուները չգիտեն եւ չեն հասկանում՝ ինչպես պետք է այն ուտել: Գլխավոր սխալն այն է, որ բոլորը հանում են ծաղկամանի միջուկը, իսկ շոկոլադը մնում է: Հարկավոր է կոտրել շոկոլադե ծաղկամանը, որպեսզի բոլոր բաղադրիչները խառնվեն եւ հնարավոր լինի վայելել համերի ամբողջ գունապնակը»,- մեկնաբանում է Անահիտ Միքայելյանը:

 

Մարգարիտա Ավագյան


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search