• Տոկիոյի հանրային զուգարանները եզակի զբոսաշրջային գրավչություն են ճանապարհորդների համար

  Բացի տաճարներ այցելելուց եւ կեռասի ծաղիկներով հիանալուց, Տոկիոյի այցելուներն այժմ կարող են ուսումնասիրել քաղաքի ավելի ժամանակակից հրաշքները՝ հասարակական զուգարանները, հայտնում է Reuters-ը․․․

• Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար

  Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար՝ ներխուժելով հյուրանոցային ոլորտ․․․

• Daily Express. Եթե ցանկանում եք բացահայտել Եվրոպայի ամենատպավորիչ գաղտնիքներից մեկը, գնացեք Հայաստան

  Շշմեցնող Հայաստանն այն ուղղություններից է, որտեղ ավելի քիչ զբոսաշրջիկների կտեսնեք, քան մայրցամաքի շատ այլ երկրներոիմ, բայց սա շուտով կարող է փոխվել, քանի որ այնտեղ զբոսաշրջիկների թիվը սկսում է աճել․․․

• Հինգ ամիս, 40 երկիր եւ շքեղ նավարկություն, որտեղ լյուքս համարներն արժեն մինչեւ 1,7 միլիոն դոլար

  Պիկասոյի ստեղծագործությունները, ռոյալներ եւ անձնական սպասավորներ. բարի գալուստ Regent Seven Seas-ի շքեղ նավարկությունների ապագա․․․

• Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին զբոսանավի գործարկումով  

  Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին Four Seasons զբոսանավի թողարկումով: Սուպեր զբոսանավը նախագծվել է շվեդական Tillberg Design ընկերության հետ համատեղ...

• Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին

  Աբու Դաբին գնում է Սաուդյան Արաբիայի հետքերով և նախատեսում է ստեղծել աշխարհում առաջին eSports կղզին, որն ընդգրկում է 500,000 քառակուսի մետր տարածք, որը խաղային դրախտ կլինի ամբողջ աշխարհի խաղացողների համար...

• Versace հյուրանոցը բացվել է Մակաոյում

  Versace հյուրանոցը բացվել է Մակաոյում։ Palazzo Versace Macau-ն՝ բրենդի առաջին հանգստավայրը Ասիայում, միավորում է բարոկկոյի և հին հունական ճարտարապետության դասական ազդեցությունները Դոնաթելլա Վերսաչեի ստեղծագործական ղեկավարության ներքո...

• Time Out-ը անվանել է աշխարհի «ամենաթույն փողոցը»

  Ի՞նչն է դարձնում փողոցը «թույն»: Շատ ռեստորաննե՞ր, բարե՞ր, սրճարաննե՞ր: Խանութնե՞ր, որոնք վաճառում են ապրանքներ, որոնք այլ տեղ չեք գտնի: Թե՞ դա ընդամենը ընդհանուր մթնոլորտ է, ջերմություն, որը դժվար է ֆիքսել, բայց դուք կհասկանաք, երբ դա զգաք...

Ամբողջությամբ հարթ եւ սարսափելիության աստիճան հարմարավետ կյանքում փոքրիկ ուրախություն էին ցնցոտիավոր փողոցային երաժիշտները՝ շատ նման մեր երաժիշտներին, բայց որոնք երգում էին հին անգլիական երգեր՝ Beatles եւ այլն:

Լոնդոնյան գետնուղիներում շատ անցումներ կան, եւ գրեթե ամենուր որեւէ գործիքի վրա ամենատարբեր մարդիկ են նվագում՝ ծերունիներ, միջին տարիքի կանայք, երիտասարդներ… Լոնդոնի համար բնորոշ տեսարան. միջին տարիքի տղամարդը ջութակ է նվագում, ավարտում է մեղեդին եւ սկսում հավաքվել: Նրան է մոտենում օտարերկյա զբոսաշրջիկը, դրամ մեկնում եւ խնդրում նորից նվագել: Տղամարդը, գումարը չվերցնելով, շարունակում է հավաքվել եւ սեփական արժանապատվության անհաղթահարելի զգացումով պատասխանում. «Ներեցեք, ես արդեն ավարտեցի աշխատանքս եւ տուն եմ գնում»:

Եթե պատրաստվում եք Անգլիա մեկնել, հատկապես՝ Լոնդոն, ձեր նախապատրաստության հիմնական միտքը պետք է լինի այն, որ այնտեղ ամեն ինչ թանկ է: Թանկ է նույնիսկ Մոսկվայի համեմատ: Օրինակ, ամենապարզ հոսթելը կամ, այսպես կոչված, «էքսպրես շարքի» հյուրանոցը, որտեղ մատուցվող ծառայությունները սահմանափակ են, սենյակը մեկ գիշերվա համար արժե 150 դոլար: Չեմ կարող ասել լոնդոնյան բոլոր հյուրանոցների մասին, բայց բոլոր էժանագին հյուրանոցներում, որտեղ եղել եմ, ամենուր անձնակազմը շատ հարգանքով է՝ անկախ ազգությունից:

Canary Warf. առեւտրային եւ գործարար կենտրոն համանուն մետրոյի կայարանում: Այստեղ բազմաթիվ խանութներ, գարեջրատներ եւ ռեստորաններ կան: Այս վայրը ձեզ պետք կգա, եթե ապրում եք Իսթ-Էնդում:

Հանրահայտ Oxford Street: Այստեղ կենտրոնացած են մեծ ունիվերսալ խանութներ (անպայման մտեք Selfriges եւ Debenhams) եւ բոլոր հանրահայտ ապրանքանիշերի փոքրիկ բուտիկներ: Այստեղ կարելի է գնել բացարձակապես ամեն ինչ, իսկ եթե Լոնդոնում մնալու եք գոնե մի քանի օր, ապա կարող եք զեղչերի ժամանակ հրաշալի իրեր գտնել միանգամայն հաճելի գնով: Իհարկե, առաջին հերթին այստեղ պետք է գնել ամեն բրիտանականը՝ Clark's-ից կոշիկ, Թեդի փափուկ արջուկներ եւ հանրահայտ անգլիական ճենապակի:

Ինչպես զբոսանքի, այնպես էլ գնումների համար հետաքրքիր վայր է չինական China Town-ի մոտ գտնվող Սոհոն: Այստեղ կարելի է գտնել հազվագյուտ գրքեր եւ լավ երաժշտություն:

Իսկ King՛s Road փողոցը նորաձեւության բոլոր սիրահարների երազանքների գագաթնակետն է: Կանացի հիասքանչ գլխիկներում պտտվող ամենահամարձակ պատկերներն անգամ այստեղ իրականության թույլ նմանակումը կլինեն: Հատուկ ուշադրություն դարձրեք կոշիկներին եւ, թվում է թե, հագուստի ամենապրոզայիկ մանրուքի՝ գուլպաների տարբեր մոդելներին եւ երանգներին:

Հարկավոր է հաշվի առնել, որ առեւտրային բոլոր խոշոր կենտրոնները հիմնականում փակվում են ժամը 20:00-ին, իսկ փոքրերը՝ 18:00-ին, այդ պատճառով երեկոյան գնումներ մի նախատեսեք: Իսկ կիրակի օրերին ընդհանրապես ամեն ինչ աշխատում է 17:00-ից ոչ ուշ: Բրիտանացիները խնայում են իրենց առողջությունը եւ չեն աշխատում ավելի, քան անհրաժեշտ է: Ռեստորանները նույնպես աշխատում են մինչեւ կեսգիշեր, եւ դրանցից շատերը հանգստյան օրերին չեն գործում:

Լեգենդար Թաուերյան կամուրջը, որ ռուսական երիտասարդությանը հայտնի է Զեմֆիրայի երգից, փոքր-ինչ մռայլ տպավորություն գործեց: Մեղավորը նոյեմբերին բնորոշ սարսափելի սառը քամին էր: Ամեն դեպքում, այս վայրն ուշադրության արժանի է: Բացի այդ, այնտեղից Թեմզայի եւ դրա շրջակայքի գեղեցիկ լուսանկարներ են ստացվում:

London Eye. հսկայական դիտանիվ՝ հարմար փակ խցիկներով, որը կանգնած է Վեսթմինսթերի դիմաց, անմիջապես գետափին: Եթե եղանակի հարցում ձեր բախտը բերի, ապա Լոնդոնի կենտրոնից հիշատակի հրաշալի լուսանկարներ կմնան:

Իսկ անիվի կողքին՝ ծառուղում, այլ զվարճանք կա. կենդանի քանդակներ: Թագավորի եւ թագուհու, Հարրի Փոթերի եւ Ալիսան հրաշքների աշխարհումի հերոսների հագուստներ հագած մարդիկ ամբողջ օրը կանգնած են պահակակետում՝ ինչպես քարացած արձաններ: Բայց հարկ է միայն մետաղադրամ նետել, եւ նրանք սկսում են շարժվել, զվարճալի ձայներ արձակել, երբեմն կարող են նույնիսկ բռնել ամենից հետաքրքրասեր փոքրիկներին եւ թողնել միայն երկրորդ մետաղադրամը ստանալու դեպքում:

Դիտանիվի անմիջապես կողքին տեղակայված է Սալվադոր Դալիի փոքրիկ թանգարանը: Դրա առջեւ լուրջ տեսքով հետ ու առաջ է քայլում Դալիի կոստյումով մի մարդ՝ նկարչին բնորոշ բեղերով, եւ անվրդով խոսում է… ո՛չ բջջայինով: Հսկայական օմարով, որի բեղիկները դեպի երկինք են ուղղված:

Իսկ կամուրջն անցնելու դեպքում կհայտնվեք Վեսթմինսթերում, եւ անմիջապես ձեր առջեւ վեր կհառնի ճանաչված Բիգ Բենը՝ ժամացույցով եւ հսկայական զանգակով բարձր աշտարակը. զանգակի ձայնը լսելի է 6.5 կմ շառավղով: Վեսթմինսթերը Լոնդոնի գեղեցիկ պատմական շրջանն է, որտեղ մինչ օրս տեղակայված է Պառլամենտը, եւ որտեղ՝ Վեսթմինսթերյան աբբայությունում, իրենց վերջին հանգրվանն են գտնում բրիտանական թագավորները:

Շերլոք Հոլմսի թանգարանը Բեյքեր-սթրիթում: Եթե դուք սովետական մարդ եք, ապա, ամենայն հավանականությամբ, ճանապարհին ինքներդ ձեզ կբռնեք այն մտքի վրա, որ ուղեւորվում եք դեպի Լիվանովի թանգարան:

Հոլմսի թանգարանը հիասքանչ վայր է: Լիվանովի լուսանկարն իսկապես կախված է մեծ ցուցատախտակի կենտրոնում՝ տարբեր Հոլմսերի լուսանկարների հետ, եւ անձամբ թագուհին խոստովանել է, որ նա լավագույնն է:

Իսկ տունն ամենեւին այն չէ, ինչ «մեր» ֆիլմում: Նեղ ճռճռացող սանդուղքը ոլորվում է մինչեւ չորրորդ հարկ: Ամենավերեւում՝ տանիքի տակ, հուզիչ սենյակ է՝ 20-րդ դարասկզբի սանտեխնիկայով, փոքր-ինչ ներքեւ՝ Վաթսոնի, կողքին՝ միսիս Հադսոնի սենյակը:

Վաթսոնի սենյակում փայտե արկղ է՝ կերամիկական ձագարով՝ ինչպես բիոզուգարան, պարզապես առանց բիոյի: Տարօրինակ է, բայց չգիտես ինչու միայն Վաթսոնի սենյակում կա:

Մի քանի սենյակներ նվիրված են տարբեր սյուժեների. այնտեղ կանգնած, պառկած, նստած եւ ձեղնահարկի պատուհաններից կախված են Կոնան-Դոյլի պատմվածքների մոմե արձանները:

Երկրորդ հարկում Հոլմսի սենյակն է՝ հարմարավետ, փոքրիկ, տարատեսակ տարրաներով: Իսկ մեծ ընդհանուր հյուրասրահի բուխարիում կենդանի կրակ է վառվում եւ թվում է, որ Հոլմսը Վաթսոնի հետ 5 րոպե առաջ դուրս է եկել Ռիջենթ այգում զբոսնելու, որ փողոցի մյուս կողմում է… Փոքրիկ սեղանիկին ծխամորճ է, կողքի աթոռին՝ ջութակ, ամեն ինչ գեղարվեստական թափթփվածությամբ եւ այնքան կենդանի…

Շատ հաճելի է, որ կարելի է ամենուր քայլել եւ ամեն ինչ ձեռք տալ, խիստ հսկիչներ չկան, ովքեր ձեր ձեռքերին կխփեն եւ կբղավեն, որ թանգարանային արժեքներին չդիպչեք: Հակառակը, հյուրասենյակում միսիս Հադսոնի հագուստով շատ հաճելի աղջիկ է նստած եւ ցանկացողներին իրենց խցիկներով լուսանկարում է:

Առաջին հարկում հուշանվերների խանութ է, որտեղ կարելի է թողնել ամբողջ կանխիկ գումարը եւ հեռանալ յուրօրինակ մագնիսների, գդալների, կախազարդերի եւ այլ անպետքությունների մի ամբողջ պայուսակով:

Բերքեր-սթրիթի այս անկյունն ընդհանրապես գեղեցիկ է. Հոլմսի թանգարանից մեկ դուռ այն կողմ Էլվիս Փրեսլիի խանութն է, իսկ դրանից անմիջապես հետո փոքրիկ խանութում ապրում են Բիթլները: Ավելի ճիշտ՝ այն, ինչ նրանցից մնացել է:

Շարունակությունը՝ հաջորդիվ…

Հետևեք NEWS.am STYLE-ին Facebook-ում, Twitter-ում և Instagram-ում