Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Լիի բլոգը. Գեղեցկության սրահ Երեւանում. առասպելներ եւ մոլորություններ եղունգների խնամքի ծառայության մասին

19:05, 11 մարտի

Ես Լին եմ, եւ այսօր զուտ կանացի գործով եմ զբաղվելու: Պաշտում եմ գեղեցկության սրահները, եւ որոշեցի պարզել, թե այս ոլորտում ինչ եւ ինչպես է տեղի ունենում Երեւանում:

Հայ աղջիկների ու կանանց գեղեցկությունը դարեր շարունակ ոչ միայն հայ տղամարդկանց, այլեւ այլ ազգերի ներկայացուցիչների զարմանքն ու հիացմունքն է առաջացրել:

Երբ Հայաստան եկա, հսկայական թվով գեղեցիկ եւ խնամված հայուհիների նկատեցի: Եվ ինձ հետաքրքրեց, թե որտեղ են նրանք գեղեցկանում եւ որտեղ կարող եմ նման վայր գտնել:) 

Այդ պատճառով առանց հապաղելու որոշեցի որոնել բարձրորակ մասնագետներով նորաձեւ, հարմարավետ գեղեցկության սրահ, որը գտնվում է քաղաքի կենտրոնում։ Լուրջ չափանիշներ են, այդպես չէ՞։

Ամբողջ ցանկից ես ընտրեցի այն, որն ինձ ամենաշատը դուր եկավ, ու որոշեցի պարզել, թե ի՞նչ արժեն ամենապահանջված պրոցեդուրաները Երևանում։

Նախ՝ պեդիկյուրի մասին: Այն ոչ պակաս կարեւոր է կանանց համար, որքան, ասենք, ճիշտ դիմահարդարումը, սանրվածքն ու մատնահարդարումը: Բայց մինչ մասնագետին դիմելը եկեք ցրենք պեդիկյուրի հետ կապված մի քանի առասպել:

1.«Ոտքերի եղունգները պետք է կարճ լինեն՝ ներաճից խուսափելու համար»

Սա թիվ մեկ մոլորությունն է: Ոտքերի եղունգների ներաճը երկու պատճառ ունի. եթե շատ կարճ եք կտրում եղունգները, կամ մշտապես հեռացնում եք եղունգների անկյունային հատվածը:

2.«Պեդիկյուր կարելի է անել միայն ամռանը»

Եթե նույնիսկ միայն ամռանն ենք մեր ոտքերն ի ցույց գնում, դա չի նշանակում, որ պեդիկյուրը սեզոնային պետք է լինի: Ձմռանը, աշնանն ու գարնանը մենք քայլում ենք նույնքան, որքան ամռանը: Այնպես որ՝ աղջիկներ, չենք մոռանում կանոնավորապես հետեւել ոտքերի խնամքին:

3.«Ածելին լավագույն միջոցն է ոտքերի կոշտուկների դեմ»

Սուր ածելիով կոշտուկները հեռացնելը մեծ վտանգներ է պարունակում: Փոխարենը բազմաթիվ անվնաս միջոցներ կան: Դրանցից մեկը խարտոցն է:

Իսկ հիմա սահուն կերպով անցում կատարենք շելլաքի ծածկույթով մատնահարդարմանը եւ ցրենք դրա հետ կապված ամենատարածված առասպելները:

«Շելլաքով եղունգները պատելը վնասակար է, քանի որ վնասում է եղունգների վերին շերտը»

Վնասակար է ոչ թե շելլաքը, այլ այն հանելու պրոցեսը, հատկապես, եթե դա անում ես տան պայմաններում: Չնայած... Նույնիսկ տանը կարելի է խնամքով, գեղեցիկ եւ առանց առողջությանը վնաս հասցնելու հանել շելլաքը: Միայն թե ցանկություն լինի:

«Որպեսզի շելլաքը հարթ լինի, հարկավոր է խարտել վերջին շերտը»

Ոչ մի դեպքում: Եթե եղունգները շելլաքով եք պատում, դրա կարիքը չկա: Հետեւաբար՝ եղունգները չեն բարակում, ինչպես արհեստական երկարացնելու դեպքում: Այդ պատճառով, եթե տեսնում եք, որ մատնահարդարման մասնագետը խարտոց է վերցնում եւ պատրաստվում է դա անել, համարձակ կերպով հեռացեք՝ ոչ մի բառ չասելով:

«Լամպերը, որոնց ներքո չորանում է ծածկույթը, կարող են պիգմենտներ առաջացնել»

Գոյություն ունի լամպերի երկու տեսակ՝ ուլրամանուշակագույն եւ լուսադիոդային: Առաջինը շելլաքը չորացնում է երկու րոպեում, երկրորդը՝ վայրկյանից մինչեւ մեկ րոպեի ընթացքում: Բայց դրանցից ոչ մեկը պիգմենտներ չի առաջացնում, քանի որ դրա համար հզորությունը բավարար չէ, ինչպես, օրինակ, սոլյարիում:

Աղջիկներ, եղեք գեղեցիկ եւ հիշեք, որ գեղեցկությունը ոչ մի դեպքում չպետք է վնասի ձեր առողջությանը:

 

Նկարահանումները՝ H2O beauty lounge-ում

Գաղափարի հեղինակներ՝ Լիանա Խուդոյան եւ Պարույր Սինյավսկին


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search