• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

«Նեմրա» խումբը նշում է ստեղծագործական գործունեության 6-ամյակը: Այդ առիթով խումբն իր երկրպագուներին ապրիլի 6-ին կներկայանա մենահամերգով, որը տեղի կունենա Հ. Թումանյանի անվան պետական տիկնիկային թատրոնում: Հաշված օրերի ընթացքում համերգի տոմսերն արդեն սպառվել են: NEWS.am STYLE-ը թեմայի շուրջ զրուցել է խմբի կիթառահար եւ վոկալիստ Վան Եղիազարյանի հետ, որը մեզ նոր մանրամասներ է հաղորդել առաջիկա համերգի եւ հատուկ հյուրերի մասին:

«Սպասվում է մոտ երկու ժամանոց համերգային ծրագիր, նվագելու ենք մոտ 22 երգ՝ թե առաջին ալբոմից, թե երկրորդ՝ գալիք ալբոմից: Նոր երգեր չենք ներկայացնելու, քանի որ այս ընթացքում ինչ համերգ չենք ունեցել, արդեն երկու-երեք նոր երգ ենք ներկայացրել հանդիսատեսին ձայնագրության տարբերակով, որոնք առաջին անգամ կհնչեն ամբողջական կենդանի կատարմամբ»,-ասում է Վանը՝ հավելելով, որ նման մենահամերգով ներկայանալու միտք վաղուց է եղել.

«Արդեն մեկ տարի է՝ թե՛ մենք, թե՛ մեր երկրպագուները բավարարվում էինք տարբեր միջոցառումներում մինի համերգներով, բայց միշտ ցանկանում էինք մենահամերգ ունենալ, որ մեր բոլոր երգերը ներկայացնենք, սպասում էինք հովանավորներ գտնելուն, նրանք այդպես էլ չհայտնվեցին, մենք էլ որոշեցինք ռիսկի դիմել և ամեն ինչ ինքնուրույն անել»:

«Նեմրա»-ի համերգի ընթացքոմ կլինեն մի շարք անակնկալներ, որոնց թվում է նաեւ հայտնի հյուրերի ներկայությունը: Մեզ հետ զրույցում Վանը բացահայտեց, թե ովքեր են ելույթ ունենալու մենահամերգի ընթացքում:

«Համերգին հյուր կլինեն «Դեպի Եվրատեսիլ» նախագծից Լուսինե Մարդանյանը, ինչպես նաեւ հանրահայտ «Դորիանս» խմբի մենակատար Գոռ Սուջյանը»:

Ստեղծագործական 6 տարիներն, իհարկե, չէին կարող անմասն մնալ թե դժվարություններից, թե ձեռքբերումներից, որոնք քիչ չեն եղել, սակայն տարիների գլխավոր ձեռքբերումը Վանը համարում է իրենց երգերն ու երկրպագուներին: Երաժիշտը նշում է՝ սպասում էր, որ մինչեւ համերգը տոմսերը կսպառվեն, սակայն երեք օրում դրանց սպառվելը ֆանտաստիկ է համարում.

«Շատ բողոքներ կան հիմա, որ շատերը չեն հասցրել տոմս գնել, այդ պատճառով նախատեսում ենք համերգից մոտ երկու-երեք շաբաթ անց նույն համերգը կրկնել»:

Չշրջանցեցինք նաեւ «Դեպի Եվրատեսիլ»-ի թեման: Մրցույթից հետո «Նեմրա» անունն ավելի հաճախ սկսեց շրջանառվել մամուլում եւ հեռուստաեթերում:

«Մրցույթը տվեց հենց այդ ձեռքբերումը, որ մեր անունը սկսեց ավելի շատ շրջանառվել, ինչի համար շատ ուրախ ենք»,-ասում է Վանը՝ բացահայտելով նաեւ խմբի առաջիկա անակնկալները.

«Դե, ինչպես նշեցի, այս համերգից հետո հավանաբար կլինի մյուս համերգը, իսկ մնացած նորությունները՝ ժամանակի ընթացքում: Նոր ձայնագրություններ, տեսահոլովակներ, հուսով եմ, կլինեն, պրոցեսը դանդաղում է հայտնի պատճառներով, քանի որ երգերը քեֆային թեմայով չեն եւ արագ չի հավաքվում ամբողջ ծախսը, որը պետք է տրամադրել ձայնագրությունների եւ տեսահոլովակների համար, բայց չենք բողոքում, քանի որ երգեր ենք գրում ակտիվ, ունենք մուսա, ստեղծագործում ենք ու գնահատված ենք մեր երկրպագուների կողմից: Ամենակարեւորն այդ երկուսն են, մնացածը ժամանակի հարց է»:

Սյունե Առաքելյան

Լուսանկարները՝ «Նեմրա»-ի Facebook-ի էջից

Հետևեք NEWS.am STYLE-ին Facebook-ում, Twitter-ում և Instagram-ում