• Տոկիոյի հանրային զուգարանները եզակի զբոսաշրջային գրավչություն են ճանապարհորդների համար

  Բացի տաճարներ այցելելուց եւ կեռասի ծաղիկներով հիանալուց, Տոկիոյի այցելուներն այժմ կարող են ուսումնասիրել քաղաքի ավելի ժամանակակից հրաշքները՝ հասարակական զուգարանները, հայտնում է Reuters-ը․․․

• Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար

  Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար՝ ներխուժելով հյուրանոցային ոլորտ․․․

• Daily Express. Եթե ցանկանում եք բացահայտել Եվրոպայի ամենատպավորիչ գաղտնիքներից մեկը, գնացեք Հայաստան

  Շշմեցնող Հայաստանն այն ուղղություններից է, որտեղ ավելի քիչ զբոսաշրջիկների կտեսնեք, քան մայրցամաքի շատ այլ երկրներոիմ, բայց սա շուտով կարող է փոխվել, քանի որ այնտեղ զբոսաշրջիկների թիվը սկսում է աճել․․․

• Հինգ ամիս, 40 երկիր եւ շքեղ նավարկություն, որտեղ լյուքս համարներն արժեն մինչեւ 1,7 միլիոն դոլար

  Պիկասոյի ստեղծագործությունները, ռոյալներ եւ անձնական սպասավորներ. բարի գալուստ Regent Seven Seas-ի շքեղ նավարկությունների ապագա․․․

• Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին զբոսանավի գործարկումով  

  Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին Four Seasons զբոսանավի թողարկումով: Սուպեր զբոսանավը նախագծվել է շվեդական Tillberg Design ընկերության հետ համատեղ...

• Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին

  Աբու Դաբին գնում է Սաուդյան Արաբիայի հետքերով և նախատեսում է ստեղծել աշխարհում առաջին eSports կղզին, որն ընդգրկում է 500,000 քառակուսի մետր տարածք, որը խաղային դրախտ կլինի ամբողջ աշխարհի խաղացողների համար...

• Versace հյուրանոցը բացվել է Մակաոյում

  Versace հյուրանոցը բացվել է Մակաոյում։ Palazzo Versace Macau-ն՝ բրենդի առաջին հանգստավայրը Ասիայում, միավորում է բարոկկոյի և հին հունական ճարտարապետության դասական ազդեցությունները Դոնաթելլա Վերսաչեի ստեղծագործական ղեկավարության ներքո...

• Time Out-ը անվանել է աշխարհի «ամենաթույն փողոցը»

  Ի՞նչն է դարձնում փողոցը «թույն»: Շատ ռեստորաննե՞ր, բարե՞ր, սրճարաննե՞ր: Խանութնե՞ր, որոնք վաճառում են ապրանքներ, որոնք այլ տեղ չեք գտնի: Թե՞ դա ընդամենը ընդհանուր մթնոլորտ է, ջերմություն, որը դժվար է ֆիքսել, բայց դուք կհասկանաք, երբ դա զգաք...

Ստոքհոլմի կղզիների մեջ կա մեկը, որն իրավամբ կարելի է թանգարանային կոչել: Դա Յուրգորդեն կղզին է, որ փոքր-ինչ հեռու է Գամլա Սթանից եւ մետրոյի կայարաններից:

Մետրոյի կենտրոնական կայարաններից («Т-ցենտրալեն», «Կունգստրեգոտան») կարելի է այստեղ հասնել Ստոքհոլմի միակ տրամվայի երթուղով կամ ավտոբուսով: Իսկ լավ եղանակին նույնիսկ ոտքով, բայց հինավուրց տրամվայներն արժանի են ուշադրության: Յուրգորդեն հասնելու եւս մեկ միջոց է շոգենավը, բայց ամեն ինչի մասին՝ հերթականությամբ:

Խորտակված Վազա նավի թանգարանը

Ստոքհոլմի ամենահայտնի, Շվեդիայում ամենաշատ այցելու ունեցող եւ աշխարհի ամենից յուրօրինակ թանգարաններից է խորտակված Վազա նավի թանգարանը:

XVII դարում կառուցված առագաստանավը Ստոքհոլմի ծոցում խորտակվել է ծով դուրս գալու հենց առաջին օրը, 1628 թվականի օգոստոսի 10-ին: Ծովի հատակին այն մնացել է ոչ ավել, ոչ պակաս՝ 333 տարի: Անցյալ դարի կեսերին այն վեր բարձրացրեցին, եւ՝ հրաշք. պարզվեց, որ քիչ աղի ջրում Վազան հրաշալիորեն պահպանվել է: Ներկայում այն աշխարհում պահպանված միակ միջնադարյան առագաստանավն է: Վազան տեղակայված է հսկայական տարածքում՝ զարդարված երեք կայմերով, եւ տեսանելի է գրեթե ամեն կողմից:

Բայց եթե թանգարանի դրսից կարելի է պատկերացում կազմել միջնադարյան նավի չափերի մասին, ապա ներսում (մուտքի տոմսն արժե շուրջ 50 կրոն) դուք հսկայական տպավորություններ կստանաք: Թանգարանը «բազմատախտակամած» է, եւ յուրաքանչյուր տախտակամածին Վազան այցելուներին ներկայանում է նոր լույսի ներքո: Այստեղ ներկայացված են նավի վրա պահպանված գտածոները, այն ամենը, ինչ մնացել է ուղեւորներից, եւ, թերեւս՝ ամենացնցողը. այն դժբախտների վերականգնված դեմքերը, ում կմախքը հայտնաբերվել է Վազայի նավախցիկներում: Այդպիսով, դիտելով միջնադարյան շվեդների դեմքերը եւ Շվեդիայի պատմությունը ներկայացնող ցուցանմուշները, դուք յուրօրինակ ճանապարհորդություն կկատարեք ժամանակի մեջ:

Վազան ինձ վրա ապշեցուցիչ տպավորություն թողեց: Այնչափ հսկայական է, որ այն ամբողջությամբ տեսնել թանգարանի մի անկյունից անհնար է:

Հյուսիսային թանգարան

Եթե նախորդ թանգարանի անսովորությունը ձեզ հասցրեց ձանձրացնել, եւ պատմության, Շվեդիայի ու Սկանդինավիայի այլ ժողովուրդների ավանդույթների վերաբերյալ ավանդական հայացք եք ցանկանում, ապա պետք է այցելեք Հյուսիսային թանգարան:

Ցուցադրությունն այստեղ ներառում է կենցաղի առարկաներ՝ սպասքից մինչեւ կոշիկ. դրա ցուցանմուշները նվիրված են շվեդական ազգային տարազների պատմությանը, առօրյա կյանքի ու տոների տեսարաններին:

Տարբեր դարաշրջանների հարուստ հավաքածուները կարող են ձեզ լրջորեն հետաքրքրել սկանդինավյան ժողովուրդների ավանդույթների մասին պատմություններով, իսկ թանգարանը բավական մեծ է, այդ պատճառով արժե այնտեղ գնալ, եթե 2-3 ժամ ազատ ժամանակ ունեք: Այս թանգարան այցելությունը ձեզ 80 կրոն կարժենա:

Հյուսիսային թանգարանը կարող է մշակութային ցնցում առաջացնել: Այստեղ ուշադիր հսկիչներ չկան, իսկ ցուցափեղկերի կառուցվածքն այնքան յուրահատուկ եւ լավ է մտացված, որ շունչդ կանգ է առնում թեթեւ նախանձից, թե ինչպես են շվեդները հպարտանում իրենց պատմությամբ, եւ ինչպես են կարողանում հմտորեն ներկայացնել այն:

Սկանսեն

Վազայից եւ Հյուսիսային թանգարանից քիչ հեռու գտնվում է Ստոքհոլմի ոչ պակաս տեսարժան եւս մեկ վայր: Սկանսենը թանգարան է բաց երկնքի տակ, որտեղ հավաքում են հին եւ ոչ այնքան գյուղական տներ: Դրա պատմությունը սկսվում է XIX դարավերջից, երբ այստեղ առաջին ցուցանմուշները հայտնվեցին:

Ժամանակի ընթացքում Սկանսենի տարածքում հայտնվել են ամենատարբեր տներ եւ տնակներ Սկանդինավիայի տարբեր շրջաններից, ինչպես նաեւ կահույքի եւ ապակու գործարաններ: Դրանք գործում են, եւ յուրաքանչյուր այցելու կարող է հետեւել հարմարավետ շվեդական տանն անհրաժեշտ առարկաների արտադրության ամբողջական գործընթացին: Սկանսենի ապակու ֆաբրիկայում պատրաստված հուշանվերներն իսկական գլուծգործոց են:

Սկանսենում նաեւ փոքրիկ կենդանաբանական այգի կա, որտեղ բնակվում են արջեր, ձիեր, վարազներ եւ Շվեդիայի խորհրդանիշ եղջերուների ամբողջական ընտանիքներ: Եղջերուները ամբողջ Սկանսենից գրեթե ամենաշատը հիացրեցին ինձ, իսկ երբ պարզվեց, որ կարելի է նրանց նաեւ շոյել, ինչից մեծ հաճույքով օգտվում են երեխաները, ես նույնպես չկարողացա դիմանալ: Ի դեպ, երեխաները Սկանսենի հիմնական այցելուներն են, քանի որ այս վայրն իսկական դրախտ է խաղաղ զբոսանքների եւ քաղաքաբնակների համար անսովոր զվարճությունների համար:

Սկանսեն մուտքի տոմսն արժե 140 կրոն:

Յունիբակեն

Հանրահայտ գրող Աստրիդ Լինդգրենը՝ տարիքին ապրող Կառլսոնի եւ Պեպի Երկար գուլպայի գրական մայրը, ապրել է Ստոքհոլմում, որտեղ երբեմն կարելի է հանդիպել «Այստեղ սիրում էր զբոսնել Աստրիդ Լինդգրենը» ցուցանակը: Յունիբակեն թանգարանի կողքին նման ցուցանակ չկա: Բայց որ Աստրիդը սիրել է նրա հերոսներին, կասկածից վեր է:

Հսկայական Վազայի կողքին տեղակայված փոքրիկ Յունիբակենն ուշադրություն է գրավում միայն տարիքի վրա գտնվող հայտնի տնակով եւ ձեռքով անող Կառլսոնով: Իսկ ներսում այցելուներին սպասում է հեքիաթային ճանապարհորդություն Աստրիդ Լինդգրենի հեքիաթներով. փոքրիկ գնացքը ձեզ կտանի նրա գրքերի էջերով: Դրանից հետո դուք կարող եք հյուրընկալվել Կառլսոնին եւ Պեպիին:

Սանդհամն

Չնայած Ստոքհոլմում ժամանցը բացառապես հաճելի է եւ բազմազան, քաղաքի շրջակայքում կան բազմաթիվ հետաքրքիր վայրեր, ուր այցելությունը հաճույք կպատճառի եւ հնարավորություն կտա առավել ամբողջական պատկերացում կազմել Շվեդիայի մասին:

Շվեդիայի գյուղական միջավայրը զարմացնում է իր չափավորությամբ եւ հանդարտությամբ: Սանդհամն գյուղն իսկական օրինակ է: Սա ոչ մեծ գյուղակ է՝ տեղակայված համանուն կղզում:

Դուք հաճույք կստանաք փշատերեւ անտառում զբոսանքից եւ կարող եք Բալթիկ ծովի սառը ջրերը մխրճվելու գաղափարն իրականություն դարձնել հենց այստեղ, կղզու լողափերից մեկում: Սանդհամնում շնչելը դյուրին է, քանի որ այստեղ ոչ մի մեքենա չկա: Այստեղ աչք են շոյում զբոսանավերով լցված նավամատույցները՝ ոտքով զբոսանքին զուգահեռ նաեւ ծովային զբոսանքի կանչելով:

Ստոքհոլմից այստեղ ճանապարհը կարճ չէ. շուրջ 1 ժամ ավտոբուսով կամ 40 րոպե մոտորանավով: Վերջինով երկու ուղղությամբ երթեւեկությունն արժե 200 կրոն: Ուշադրություն դարձրեք մոտորանավերի շարժվելու ժամանակացույցին, որպեսզի, ինչպես ես, ստիպված չլինեք վազքով կտրել-անցնել ամբողջ անտառը:

Բիրկա

Պատմության սիրահարներին եւ մասնագետներին անպայման դուր կգա Մելարեն լճում գտնվող այս կղզի ճամփորդությունը, որը եղել է վիկինգների հզոր պետության կենտրոնը:

Բիրկան տեսարժանությամբ չի փայլում: Այն ամենից, որ հիշեցնում է վիկինգներին, այստեղ պահպանվել են միայն նրանց շիրիմները, որոնք սկիֆյան բլուրներ են հիշեցնում: Բայց Բիրկայի թանգարանում բազմաթիվ հետաքրքիր գտածոներ կան, եւ ուղեկցորդի հետ զբոսանքը, ով կարողանում է խոսքերով վերականգնել վաղուց անցած օրերի ամբողջական պատկերը, բավական ճանաչողական է:

Այս կղզում աշխատող հնագետներն ու պատմաբանները փնտրում են հարցի պատասխանը, թե ինչո՞ւ վիկինգները մեկ ժամվա ընթացքում լքեցին իրենց մայրաքաղաքը: Ո՞վ գիտե, գուցե, շուտով մենք նրանցից կստանանք պատասխանը: Իմ կարծիքով, Բիրկայում ոչ մի տեսարժան վայր չկա, միայն մթնոլորտը:

Ստոքհոլմից մինչեւ Բիրկա ճանապարհը կարճ չէ. շուրջ 2 ժամ Մելարենի վրայով:

Շվեդական մայրաքաղաքի բազմակողմանիությունն եւ դրա գեղեցկությունների բազմազանությունը հնարավորություն չեն տալիս «Ինչպե՞ս լավագույնս անցկացնել Ստոքհոլմում ժամանակը» հարցին ի պատասխան՝ միանշանակ բաղադրատոմս առաջարկել: Ստոքհոլմում եւ դրա շրջակայքում վիրտուալ զբոսանք կատարելով՝ կարծում եմ, որ ձեզանից յուրաքանչյուրն այս քաղաքում կգտնի այն, ինչն իրեն հոգեհարազատ է: 

Վ.Ա.

Հետևեք NEWS.am STYLE-ին Facebook-ում, Twitter-ում և Instagram-ում