• Բլոգ Լի. ավանդական հայկական նախաճաշի համը

  Նախաճաշը ոչ միայն համեղ է, այլեւ օգտակար...

• Բլոգ Լի. Գիշերային Երեւանը

  Ես Լին եմ ու այս անգամ որոշել եմ ձեզ համար հավաքել գիշերային Երեւանի մի քանի կադրեր...

• Բլոգ Լի. Վանաձոր՝ մելանխոլիայի ու հետաքրքիր մարդկանց քաղաք

  Ես շարունակում եմ բացահայտել Հայաստանը եւ պատմել ձեզ այդ մասին իմ բլոգում...

• Բլոգ Լի. Կախարդական Հաղարծինի վանքը՝ կանաչապատ Դիլիջանում

  Այս վանքը, կարծես թաքնված է լեռան գագաթին՝ խիտ անտառներում եւ շրջապատված՝ լեռնային լանդշաֆտներով...

• Բլոգ Լի. Գառնու տաճարը, Գեղարդի վանքը, Քարերի սիմֆոնիան ու Կոտայքի այլ գողտրիկ անկյունները

  Այսօր մենք կայցելենք Գառնու հեթանոսական տաճար, Գեղարդի վանք, Հավուց Թառ վանական համալիր...

• Բլոգ Լի. կանաչազարդ ու ծաղկող Հայաստան՝ Ծաղկաձորն ու Կեչառիսի վանական համալիրը

  Երեւանի՝ 40 եւ ավելի աստիճանի հասնող տապը ուղղորդում է դեպի երկրի ավելի զով հատվածներ...

• Բլոգ Լի. Հայաստանի մարգարիտ Սեւանա լիճը

  Հայաստանը երկիր է, որն անթաքույց կերպով պատրաստ է իր դռները բացել ու ներկայացնել իր հրաշալիքները աշխարհին...

• Լիի բլոգը․ Արդյոք գնահատվում է Երևանի ճարտարապետական ժառանգությունը․ ճարտարապետ Սարհատ Պետրոսյանի տեսակետը

  Տարիների ընթացքում Երևանի յուրօրինակ ու ինքնաբավ ճարտարապետությունը շատ է փոխվել․․․

NEWS.am STYLE-ի անցկացրած հարցումը ցույց տվեց, որ Հայաստանում տրանսպորտի խնդիրը ոչ միայն տեղացիներին է անհանգստացնում, այլեւ զբոսաշրջիկներին: Այս փաստը ավելի մեծ ցանկություն է առաջացնում պարզել՝ ինչպես պետք է կազմակերպվի համակարգը, եւ հատկապես որ խնդիրներին են բախվում զբոսաշրջիկները:

Երեւանը շատ բան է հասցրել տեսնել. տրամվայներ, ավտոբուսներ, տրոլեյբուսներ, երթուղայիններ, մետրո: Մետրոյին շատ չենք անդրադառնա, քանի որ կիսակառույց կայարանների թեման արծարծվում է թե՛ բնակիչների, թե՛ քաղաքապետարանի կողմից:

Այնուամենայնիվ, թվում  է՝ քաղաքի տրանսպորտային զարգացումը կանգ է առել երթուղայինների ի հայտ գալուն զուգահեռ: Համաձայնեք, որ «գազելների» ժամանակն անցել է, նույնիսկ, եթե որոշ ժամանակ դրանք իսկական փրկություն են եղել բնակիչների համար: Շրջանցենք այն, որ երթուղայիններից օգտվողների թիվը անհամեմատելիորեն գերազանցում է դրա մի անկյունում փակցված ձեւական պաստառի թիվը: Ճիշտ այնպես, ինչպես ծխելն արգելող պաստառը չի խանգարում վարորդներին: Տրանսպորտից օգտվելուց առաջ զբոսաշրջիկին մի քանի հարց է հետաքրքրում՝ Որտե՞ղ սպասել, ինչո՞վ երթեւեկել, ու ե՞րբ կբարեհաճեն ժամանել տրանսպորտային միջոցները: Այդ հարցերը հեշտությամբ կգտնեին իրենց պատասխանենրը, եթե լինեին անգլալեզու գրություններ՝ ինչպես ցուցանակի, այնպես էլ տրանսպորտի մեջ:

Ամենահամեղ պատառը որոշել ենք թողնել վերջում: Երեւանյան տաքսիներ. յուրաքանչյուրը, ով առաջին անգամ է ժամանում Հայաստան, զարմանում է տաքսիների մեծաքանակությունից ու վարորդների գրկաբաց ընդունելությունից:  Շատ զբոսաշրջիկներ ուրախությամբ նշում են, որ ծառայության գինն այստեղ համեմատաբար ցածր է: Ունենք այն, ինչ ունենք, սակայն այստեղ եւս բախվում ենք խնդիրների, հատկապես, եթե հարցը վերաբերում է անհատ ձեռներեց տաքսու վարորդներին:

Վարորդներից մեկի խոսքով, եթե ցանկանում եք իրերը տեղավորել բեռնախցիկում, ապա պետք է հավելյալ 500 դրամ վճարեք, քանի որ բեռնախցիկը չի տրամադրվում, ու դա պարզապես լավություն է վարորդների կողմից:

Ինչ խնդիրների էլ որ բախվեն մարդիկ մեր քաղաքում, անհրաժեշտ է հիշել, որ մեր երկիրը բարի ու սրտացավ մարդկանց երկիր է: Հենց նրանք են աշխարհի տարբեր ծայրերի մարդկանց ձգում Հայաստան: Այս ամենը հաշվի առնելով, պետք է հասկանալ, որ տրանսպորտային համակարգը բնականոն կյանքի հիմնական տարրերից է: Մենք պետք է զարգանանք հենց այդ ուղղությամբ, որպեսզի այդ տարրը ավելի բարեկարգ լինի ինչպես տեղացիների, այնպես էլ հյուրերի համար:







                                   Գաղափարի հեղինակներ՝ Լիանա Խուդոյան, Պարույր Սինյավսկի 

Հետևեք NEWS.am STYLE-ին Facebook-ում, Twitter-ում և Instagram-ում