Օֆին խոսել է երեւանյան այցի, հոր մահվան մասին եւ նկարահանվել News.am Style-ի ֆոտոշարքում

ՇոկTok. «Թատերականի ժողովուրդն ինձ ընդհանրապես չի սիրում». Դիանա Մխիթարյան

ՇոկTok. «Ես ու եղբայրս այնպես ենք արել, որ ոչ մայրս միայնակ լինի, ոչ` տատիկս». Գևորգ Մկրտչյան

«Ոսկե ծիրան» 19-րդ միջազգային կինոփառատոնի պաշտոնական բացումն ու կարմիր գորգը

Դեն Բիլզերյանը Երեւանում է․ Պոկերի արքան հանդիպել է երկրպագուներին ու ներկայացրել իր գիրքը

ՇոկTok. «Տղաների կողմից բացասական էր ընդունվում, որ ասում էի «привет пупсики»». Էվելինա Խանոյան

ՇոկTok. «Հայկական տիկտոկում վատ կոնտենտն ավելի շատ է, քան` լավը». Անդրանիկ

ՇոկTok. «Բոլորը մտածում էին, թե հղի եմ». Օվսաննա Խաչատրյան

«Ժառանգ80» նախագծի նկարահանման մեկնարկը տրված է

ՇոկTok. «Բուքմեյքերների գովազդ չեմ անի». Ռաֆո Համբարձումյանը` բլոգային կյանքի, տիկտոկերներին բլոկելու մասին

Ամերիաբանկի «Դարձիր փոփոխությունը» մրցույթի հաղթող թիմը ստացավ 3 մլն ՀՀ դրամ մրցանակ

ՇոկTok. Մագա Հարությունյանը` միլիոններ աշխատելու, սիրելիից բաժանվելու եւ Քինգ Ռուզիի հետ կոնֆլիկտի մասին

ՇոկTok. Անյա Սահակյանը` տղամարդու վրա ձեռք բարձրացնելու, ոստիկանություն ընկնելու, բաց տեսարաններում նկարահանվելու մասին

«Նոյը եւ՛ ինձ է նման, եւ՛ ամուսնուս». Լյուսի

ՇոկTok. «Իմ բոլոր ուզողները հիմնականում «ճիշտ աբրած տղերք են»». Ջուլիաննա Հարությունյան (julianna_loo_)

«Սիրո հասակ». մարտի 18-ից կմեկնարկի նոր հումորային նախագիծը

ՇոկTok. «Երբ ինձ հարցնում են, կուզեիր բոյով լինել, ասում եմ ոչ». Աստվածուհի (Ելենա Վարդերեսյան)

Նոր արկածներով եւ փորձություններով հումորային սիթքոմ. «Հյուրերն անցյալից»

Ճանապարհորդի գրառումները. Զալցբուրգի տեսարժան վայրերը

22:13, 1 հունիսի

Զբոսնելով քաղաքում՝ մենք գնացինք փնտրելու նախապես համացանցով ընտրած հոսթելը: Եվս մեկ անգամ շնորհակալություն քարտեզին եւ տեղի բնակիչներին, ովքեր դժվար պահին օգնության հասան: Նրանց շնորհիվ էլ մեր ժամանակավոր կացարան ուղեւորվելու ճանապարհին եղանք Զալցբուրգի եւս մեկ տեսարժան վայրում՝ Միրաբել զբոսայգում: Այն շատ գեղեցիկ է՝ հսկայական քանակությամբ շքեղ ծաղկաթմբերով, բայց բոլոր տպավորությունները լղոզվում էին զբոսաշրջիկների առատությունից: Խայտաբղետ, աղմկոտ խմբերն անդադար հոսքով քայլում էին զբոսայգով, այդ պատճառով ամբողջությամբ չկարողացանք վայելել տեսարանները: Չնայած մի քիչ քայլելուց հետո, ամեն դեպքում, գտանք բավական մեկուսացած վայր:

Իսկ զբոսաշրջիկներից ինչ-որ օգուտ կար. լսելով ուղեկցորդների պատմածից հատվածներ՝ իմացանք, որ Միրաբելը ստեղծվել է որպես Զալցբուրգի ղեկավարներից մեկի քաղաքամերձ ամառանոց, որը նա կառուցել է իր, սիրուհու եւ իրենց երեխաների համար:

Եվ ահա, վերջապես, հասանք մեր հոսթել: Սենյակում տեղավորվելով եւ լոգանք ընդունելով՝ մենք ուղեւորվեցինք հիանալու Զալցբուրգի եւս մեկ տեսարժան վայրով. Ֆեստենբուրգ սարից քաղաքի վրա բացվող դասական տեսարանով: Իսկ սարի վրա Հոենզալցբուրգ ամրոցն է:

Ամրոցը կառուցվել է մ.թ. 11-րդ դարում եւ ներկայում համարվում է Կենտրոնական Եվրոպայի՝ ամբողջությամբ պահպանված ամենամեծ ամրոցը: Թշնամու հարձակումների ժամանակ քաղաքի ղեկավարները թաքնվում էինք ամրոցում, իսկ Զալցբուրգն ավերվում էր, երբեմն՝ հիմնահատակ: Իսկ ամրոցը գրավելը, դիրքի շնորհիվ, գրեթե անհնար էր. Ֆեստենբուրգ լեռան թեքությունը մի կողմից շուրջ 45 աստիճան է, իսկ մյուս կողմից՝ 0:

Սար բարձրացանք ճոպանուղով, որը մեզ 5.90-ական եվրո արժեցավ: Ընդ որում, եթե նաեւ վերադարձի տոմս գնեինք, այն կարժենար 9 եվրո: Բայց համարձակորեն որոշեցինք հետ դառնալ ոտքով եւ չսխալվեցինք. հիասքանչ բնապատկերներ էին: Իսկ վերեւում ամբողջությամբ վայելեցինք Զալցբուրգի տեսարանը: Քաղաքին ոչ բնորոշ ծխի բացակայությունը հնարավորություն տվեց հրաշալի լուսանկարներ անել:

Կարելի էր աուդիոուղեկցորդով էքսկուրսիա վերցնել, որտեղ նաեւ ռուսերենով ձայնագրություն կար կամ ինքնուրույն զբոսնել: Մենք ընտրեցինք վերջին տարբերակը եւ հաճույքով թափառեցինք՝ պապարացիների նման լուսանկարելով յուրաքանչյուր անկյուն:

Ներքեւ իջնելով՝ մենք երկու կարեւոր որոշում կայացրեցինք:

Նախ՝ ամենատարբեր թանգարանները, այդ թվում՝ Մոցարտի տուն-թանգարանը, որոշեցինք թողնել հաջորդ ուղեւորությունների համար: Ընդհանրապես, ինչ-որ «ոչ թանգարանային» տրամադրություն ունեինք, որն արտահայտվեց ամրոցում: Այնտեղ գտնվող ոչ մի թանգարան չայցելեցինք՝ սահմանափակվելով շրջակայքն ուսումնասիրելով:

Եվ երկրորդ, որոշեցինք, որ մի բան ուտելու ժամանակն է: Եվ ուղեւորվեցինք ավստրիական հայտնի «Դեմել» սրճարան: Այն հաճելիորեն զարմացրեց շատ ընդունելի գներով: Հիասքանչ սուրճի, պաղպաղակի եւ համեղ շտրուդելի համար (որի մեկ բաժինը կհագեցներ հասուն տղամարդու) մենք վճարեցինք շուրջ 9 եվրո: Հետո արդեն երեկոյի համար հայտնի «Մոցարտ» կոնֆետ վերցրեցինք (այն Զալցբուրգի եւս մեկ խորհրդանիշն է՝ 7 եվրո մեկ տուփի համար), եւ ուղեւորվեցինք քաղաքում զբոսնելու:

Զալցբուրգը հաճելի քաղաք է: Մենք հաճույքով թափառում էինք մաքուր փողոցներով, որտեղ այդ երեկո ազգային տարազներով բազմաթիվ մարդիկ կային: Կարծում էինք, թե տեղական ինչ-որ տոն է, բայց պարզվեց, որ տեղի բնակիչները գնում են օպերա՝ սիմֆոնիկ երաժշտության համերգի:

Քաղաքը հարմարավետ է՝ հնության հստակ զգացողությամբ գեղեցիկ տներով, դասական երաժշտությամբ, որ լսվում էր տներից եւ սրճարաններից, որտեղ երաժիշտներ էին նվագում…

Իսկ ահա Զալցբուրգի զբոսաշրջիկների թիվը մեզ շփոթեցրեց: Հավանաբար, մենք սպասում էինք ավելի դանդաղ, մեկուսի եւ խաղաղ միջավայր գտնել: Եվ հաջորդ օրս իսկ ուղեւորվեցինք դրա հետեւից՝ Ցել ամ Զեե:

Շարունակությունը՝ հաջորդիվ…


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ