Դերասան Մաքսիմ Վիտորգանն Instagram-ի իր էջում գրել է, որ Հաղթանակի օրը տոն է նրանց համար, ովքեր հաղթել են Հայրենական մեծ պատերազմում, եւ «կոնկրետ մենք նշելու ոչինչ չունենք»։ Այս հայտարարությունը համացանցում մեծ աղմուկ է բարձրացրել. նրան պատասխանել է Ռուսաստանի ժողովդրական արիտիստ, «Мосфильм» կինոկենտրոնի գլխավոր տնօրեն, կինոժեռիսոր, սցենարիստ եւ պրոդյուսեր Կարեն Շահնազարովը։
Լրատվական դաշնային գործակալության հետ զրույցում, մեկնաբանելով Վիտորգանի խոսքերը, Կարեն Շահնազարովը նշել է, որ Հաղթանակի օրը տոնելը կամ չտոնելը յուրաքանչյուրի անձնական գործն է։ «Հաղթնակի օրը չնշելու առաջարկը, մեղմ ասած, տարօրինակ է ու էկզոտիկ։ Եթե պարոն Վիտորգանը նշելու ոչինչ չունի, թող չնշի. դա յուրաքանչյուրի անձնական գործն է։ Ինձ համար այդ տոնը մնում է, հույս ունեմ՝ մնում է նաեւ իմ երեխաների համար։ Հայրս կռվել է, անցել ամբողջ պատերազմը։ Այո՛, նա հաղթել է եւ ինձ ժառանգել սրտատրոփ վերաբերմունք Հաղթանակի օրվա նկատմամբ, իսկ ես փոխանցել եմ իմ երեխաներին՝ հիշողություն այդ հաղթանակի մասին։ Դա շատ կարեւոր է»,- ասել է Կարեն Շահնազարովը։
Ռեժիսորը նշել է, որ Ռուսաստանում Հաղթանակի օրը տոնական օրացույցից հանելու փորձեր հաճախ են ձեռնարկվում, եւ դա չի կարող անհանգստություն չառաջացնել։ «Մենք հետեւում ենք՝ ինչպես են որոշ գործիչներ առաջարկում Հաղթանակի օրը հանել օրացույցից, կարծես այն չի էլ եղել։ Բայց եթե Հաղթանակի օր չկա, նշանակում է չկա պատմություն, չկա մեր ընդհանուր անցյալը։ Չկա անցյալ, չկա ներկա եւ ապագա։ Եվ հազիվ թե Վիտորգանին, որը հրաժարվում նշել մայիսի 9-ը, շատ ռուսներ միանան»,- հավելել է Շահնազարովը։
Ավելի վաղ դերասանը հայտարարել է, որ Հաղթանակի օրը նրանց համար է, ովքեր տարել են այն։ «Նրանց համար է, ովքեր կորցրել են հարազատներին եւ մտերիմներին այստեղ եւ հիմա։ Ապրել է, տառապել, տանջել։ Նրանք գրեթե այլեւս չկան։ Նրանցից քչերին մենք կարողացանք արժանապատիվ ծերություն ապահովել։ Եվ կոնկրետ մենք, ինձ թվում է, նշելու ոչինչ չունենք։ Մեզ համար սա Կարեկցանքի, Շնորհակալության եւ Հիշատակի օր է այն մասին, ինչ վերապրել են նրանք։ Մեր պարտականությունն է իմանալ ճշմարտությունը նրանց մասին՝ ամենադաժան ու տհաճ։ Մեր պարտականությունն է թույլ չտալ, որ կրկնվի։ Ես հավատում եմ, որ մի օր դա կլինի լռության օր։ Մի օր մենք կմեծանանք, եւ հիշողություն ավելի շատ կլինի, քան մանկական առավոտյան ներկայացումը։ Մի օր»,- Instagram-ում գրել է Վիտորգանը՝ մամուլում եւ սոցիալական ցանցերում վրդովմունք առաջացնելով։
Նշենք, որ այն բանից հետո, երբ լրատվամիջոցները գրել են, որ Մաքսիմ Վիտորգանը կոչ է արել չնշել Հաղթանակի օրը, դերասանը հրապարակում է արել, որում նշել է, որ իր խոսքերը հանված են կոնտեքստից։
«Դա, իհարկե, արվել է վերնագրի համար։ Դա նողկալի է։ Դա նրանք գիտակցաբար են անում»,- գրել է Վիտորգանը՝ բացատրելով, թե ինչ նկատի ունի։ «Մասնավորապես, «մենք նշելու ոչինչ չունենք» մեջբերումը վերաբերում է մեզ (հետպատերազմյաններին) եւ նկատի ունի մեր մեղքը մեր վետերանների հանդեպ»,- նշել է նա։
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը