Լիա Զախարյանը` մանկության, հոր բացակայության և ամուսնանալու ցանկության մասին

«Հիվանդանոցում քույրիկիս վերջին ցանկություններից էր, որ իր գրած երգը ես երգեմ». Marga

Անի Երանյանը՝ «Լինում է, չի լինում»-ի մանրամասների մասին

Նաիրա Մովսիսյանը՝ կրկին մայրանալու ցանկության, հայրիկի բացի եւ իր կողակցի մասին

«Լաց լինելու ու բարդույթավորվելու փոխարեն սովորեցի իմ անձը պաշտպանել». Իրինա Այվազյանը՝ NEWS.am STYLE-ի «արեւային» ֆոտոշարքում

Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Գոհար Հարությունյանը` մանկության, հայրիկի բացի եւ 16 տարեկանում նշանադրությունը չեղարկելու մասին

«Խորոտիկ-մորոտիկ»․ Սոֆի Մխեյանը՝ իր նոր տեսահոլովակի մասին

«Չէի կարողանում պատկերացնել, որ մայրս չկա». Աղաս Մանուկյանը` իր մեծ կորստի եւ անցած ճանապարհի մասին

BACKSTAGE. Ինչպես են անցել «Սիրուն Սոնայի» վերջին նկարահանումները

«Հորս վերաբերմունքը փոխվեց իմ հանդեպ»․ Վիկտորիա Սահակյանը՝ դիպլոմ չստանալու եւ չստացված սիրո մասին

Ինչպես են ընթացել Արամեի նոր տեսահոլովակի նկարահանումները քաղաքից դուրս

Ամենամեծ կորուստը, կյանքի նպատակը եւ ծնողների խորհուրդը․ Բլից հարցեր Ժաննա Բուտուլյանի հետ

Լիա Զախարյանը՝ հայկական շոուբիզնեսի ամենահմայիչ մարդու, ամենամեծ կորստի և առօրյայի մասին․ ԲԼԻՑ ՀԱՐՑԵՐ

Քրիստինե Պեպելյանը՝ իր նոր նախագծի եւ որդու՝ Արեգի մասին

Քիմ Քարդաշյանի 60 մլն դոլորանոց առանձնատունը

Մանուկ Ալեքսանյանը՝ սեզոնի թրենդների, հակաթրենդների եւ Pillow Challenge-ի մասին

Մարիամ Ալեքսանյանը՝ մոլերից մեկում խայտառակ լինելու եւ ամուսնության հարցից խուսափելու մասին․ ԲԼԻՑ ՀԱՐՑԵՐ

Չնայած խոչընդոտներին` Շառլ Ազնավուրի 95-ամյակին նվիրված` ֆրանսիացի աստղերի մասնակցությամբ երեւանյան համերգը կկայանա

19:00, 22 մայիսի

Մայիսի 26-ին Կարեն Դեմիրճյանի անվան մարզահամերգային համալիրում նախատեսված` Շառլ Ազնավուրի 95-ամյակին նվիրված համերգը չնայած կազմակերպչական խոչընդոտներին` կկայանա:

Այս մասին այսօր` մայիսի 21-ին կայացած մամուլի ասուլիսի ժամանակ հայտնեց ՀՀ մշակույթի նախարարի պարտականությունները կատարող Նազելի Ղարիբյանը` հավելելով, որ ինքն այսօր չպետք է խոսեր համերգի մասին, քանի որ կազմակերպիչն այլ ընկերություն է, սակայն Ազնավուրին նվիրված համերգային բացթողումներն առանց շտկումների չէր կարելի թողնել. «Երեկ ահազանգ ստացա, որ համերգը չի կարող տեղի ունենալ, քանի որ կան խնդիրներ, որոնք իմ գնահատմամբ` վատ մենեջմենթի ու սխալ պայմանավորվածությունների արդյունք են: Ես ստիպված էի միջամտել եւ հրավիրել երկու կողմերին էլ: Մոտ 2 ու կես ժամ տեւած բանակցությունների արդյունքում` մենք կարողացանք հասնել նրան, որ այսօր հայտարարենք` համերգը կայանալու է: Կայանալու է, որովհետեւ նախ` այն նվիրված է Ազնավուրի 95-ամյակին, բացի այդ` այն տեղի է ունենալու վարչապետի բարձր հովանավորությամբ, ինչը եւս պարտավորեցնղ է»:

Ղարիբյանն առիթն օգտագործելով` բարձրաձայնեց, որ այսօր Հայաստանում մշակութային դաշտում կա մեծ բացթողում` հատկապես համերգների կազմակերպման եւ լիցենզավորման ոլորտում:

Համաշխարհային արտիստների ելույթները Երեւանում նախաձեռնել են ֆրանսաբնակ Հայկ Շահբազյանն ու Աննա Կարոլինան, որոնք համագործակցության առաջարկը ստացել են դեկտեմբեր ամսին. «Մենք պահանջեցինք հեղինակային թույլտվություն եւ ունեցանք 3-4 պայմանագրեր: Այդպիսով, կնքեցինք պայմանահիր: Կարծես` ամեն ինչ լավ էր ընթանում: Ապրիլին եկանք Հայաստան եւ հանդիպեցինք կազմակերպիչներին ու բախվեցինք մեծ խնդրի, քանի որ առաջացել էին ֆինանսական եւ տեխնիկական խնդիրներ: Ըստ իրավունքի` մենք կարող էինք պայմանագիրը չեղյալ հայտարարել, բայց քանի որ համերգը նվիրված էր մեծն շանսոնյեի 95-ամյակի հոբելյանին, փորձեցինք ամեն ինչ անել, որ համերգը տեղի ունենա:

Դիմեցինք կառավարությանը, Մշակույթի նախարարությանը եւ, բարեբախտաբար, կարճ ժամանակում հարցը կարգավորվեց»,-նշեց Աննա Կարոլինան` հավելելով, որ համերգի կազմակերպման հարցերով զբաղվում էր «Ինֆորմացիոն կենտրոն» կազմակերպությունը: Նա նաեւ վստահեցրեց, որ նախանշված բոլոր արտիստները` Պատրիկ Ֆիորին, Հելեն Սեգարան, Սլիմանը, Լիա Կաստելն ու Քեյթ Ռայանը, ելույթ կունենան համերգի ընթացքում:

Կարեն Դեմիրճյանի անվան մարզահամերգային համալիրի տնօրեն Կարեն Ղազարյանն էլ շեշտեց` պետք է մոռանալ խնդիրներն ու ներկա լինել համերգին` նշելու մեծն շանսոնյեի հոբելյանը: «Չկա կազմակերպություն, որը վատ բան է արել, ուղղակի կան բացեր համերգների կազմակերպման ոլորտում: Վաղը ցանկացած համերգ կարող է բախվել նույն խնդրին, եթե չշտկենք այդ բացերը»,- նշեց նա:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Տպել    |  In English


  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ