• «Դուբայը` երեք օրում. արևածագի փայլից մինչև Մարինայի կինեմատոգրաֆիկ մայրամուտները»

  Դուբայում անցկացրած երեք օրը դեկորացիաների կինեմատոգրաֆիկ փոփոխություն է...

• Եգիպտոսն առանց զբոսաշրջիկների. Ինչպիսի տեսք ունի փարավոնների նավով շքեղ զբոսանքը Նեղոսի վրա  

  Նեղոսի վրա զբոսանավով զբոսանքի մասին միայն հիշատակելն է հիշեցնում Ագաթա Քրիստիի «Մահը Նեղոսի վրա» ստեղծագործությունը՝ հագնված զբոսաշրջիկներ, թեյ և աղանդեր, և շքեղ, թեև որոշ չափով հնաոճ լայներ։ Սակայն այսօր դուք կարող եք Եգիպտոսը զգալ բոլորովին այլ կերպ՝ ճամփորդելով դահաբիայով՝ փարավոնների նավերը հիշեցնող ավանդական առագաստանավով, գրում է NYP-ն...

• Աթենքը մարտահրավեր է նետում Դուբային. Ինչպես է հին մայրաքաղաքը վերածվում հարուստ արտագաղթողների համար նոր դրախտի

  Այնտեղ, որտեղ մի ժամանակ գտնվում էր Աթենքի հին օդանավակայանը, արագորեն ի հայտ է գալիս ապագայի քաղաքը․․․

• Գեղեցիկ վայրեր՝ սառը ընդունելություն. 6 ուղղություն, որտեղ զբոսաշրջիկները բախվում են կոպտության

  Էյֆելյան աշտարակը, իտալական փողոցները և կապույտ Ադրիատիկ ծովը՝ միլիոնավոր զբոսաշրջիկներ երազում են տեսնել այս վայրերը…

• Դուբայը՝ ինչպիսին դուք այն երբեք չեք տեսել. քաղաքի նոր սեզոնի ուղեցույց

  Դուբայը քաղաք է, որին երբեք լիովին չես սովորում. այն ամեն այցելության հետ նորովի է բացվում․․․

• Մեկ ամբողջ տարի շքեղ նավի վրա. 56,000 ֆունտ ստեռլինգ արժողությամբ կռուիզը, որը կընդգրկի ամբողջ աշխարհը՝ Ալյասկայից մինչև Զանզիբար

  Երկշաբաթյա կռուիզը կարող է շքեղության գագաթնակետ թվալ։ Բայց ի՞նչ կլիներ, եթե դուք կարողանայիք ամբողջ տարին անցկացնել ծովում՝ ամեն օր արթնանալով մոլորակի մի նոր անկյունում․․․

• Ֆանտաստիկ ճանապարհորդություն. սուպեր զբոսանավերը և շքեղ լայներները գերհարուստ արկածախնդիրներին տանում են աշխարհի ծայրը  

  Սեզոնային ճանապարհորդները, որոնք ունեն բավարար ֆինանսական միջոցներ, դիմում են փորձարարական արշավային կրուիզների դեպի մոլորակի ամենահեռավոր անկյունները...

• «Հարստությունը վերածվել է կենդանաբանական այգու». Ինչու է էլիտար տուրիզմը սկսում ապստամբել «Սպիտակ լոտոսի» դեմ

  Քիչ հեռուստասերիալներ են այնպիսի խորը ազդեցություն ունեցել շքեղ ճանապարհորդությունների ոլորտի վրա, որքան «Սպիտակ լոտոսը»․․․

Փհուկետն ինքնին հետաքրքիր է. գեղեցիկ բնությունը, էկզոտիկ կենդանիներն ու ստորջրյա աշխարհի բնակիչները ձեզ անտարբեր չեն թողնի:

Մեկշաբաթյա հանգստի ընթացքում մենք, իհարկե, չհասցրեցինք ամեն ինչ տեսնել, բայց այն, ինչ կարողացանք տեսնել, ընդմիշտ կմնա հիշողության մեջ: Առանց ուղեկցորդի ուղեւորության թերությունն այն է, որ շատ բան անհասկանալի է, եթե այդ մասին նախապես չկարդաս: Այդ պատճառով Փհուկետի տեսարժան վայրերի մասին պատմությունը հիմնված է լինելու իմ սեփական տպավորությունների վրա:

Կղզում ընդհանուր էքսկուրսիան անվճար է: Դուք կծանոթանաք Փհուկետի պատմությանը, կրոնական եւ մշակութային ավանդույթներին, աշխարհագրությանն եւ տնտեսությանը: Այցելեք դիտահրապարակ, Վատ Չալոնգ բուդդայական տաճար, կոբրաների ֆերմա (օձերով շոու, յուրահատուկ միջոցներով արեւելյան բժշկության հետ ծանոթություն, իսկ այդ միջոցները պատրաստվում են օձերի ներքին օրգանների հիմքով), կղզու խոշորագույն հուշանվերների եւ ոսկերչական զարդերի կենտրոն: Էքսկուրսիան տեւում է 08:00-ից 16:00-ը:

Խորհուրդ եմ տալիս տեսնել Մեծ Բուդդայի արձանը (Big Buddha): Արձանը ճերմակ մարմարից է, որը տեսանելի է Փհուկետի ցանկացած կետից: Այն գտնվում է ծովից 400 մետր բարձրությամբ, իսկ հենց արձանի բարձրությունը 45 մետր է: Ճարտարապետական այդ հուշարձան ուղեւորվելիս ճանապարհին կվայելեք հիասքանչ բնությունը: Շուրջբոլորը միայն աչքերի համար հաճելի կանաչ է:

Կանգնած ես գետնին, իսկ քիչ հեռու ոտքերիդ տակ ծովն է. անհավանական գեղեցիկ է… Սարից հրաշալի տեսարան է բացվում դեպի Կարոն եւ Կատա լողափեր: Ամեն ինչ խոսքերով փոխանցել հնարավոր չէ, հարկավոր է տեսնել այդ:

Այնտեղ գտնվող թանգարանում առանց ուղեկցորդի մեկնաբանությունների ոչինչ անել չես կարող: Կարծում եմ՝ հետաքրքիր կլինի լսել:

Թանգարանի մուտքի առջեւ պղնձե կոչնազանգ է՝ մի փոքր խորությամբ: Առասպելի համաձայն, եթե դրական էներգետիկայով մարդը ձեռքերը տրորի ներսում, ձայն դուրս կգա. ինչ-որ մեկի մոտ՝ բարձր եւ մաքուր, իսկ որոշների դեպքում կլռի: Զարմանալի է, անհավանական է, բայց այդպես է… Լսելով բարձրացող ձայնը, զբոսաշրջիկները հավաքվեցին մեր շուրջը: Երկու կին մոտեցան, մեկի դեպքում ձայնը հնչեց, մյուսի դեպքում՝ ոչ: Փոքրիկ տղայի դեպքում այն շատ բարձր էր, իսկ տղամարդու պարագայում՝ լռություն: Գիտական տեսանկյունից անբացատրելի երեւույթ է, բոլորի ձեռքերն էլ տաք էին (շատ շոգ էր), շարժումները՝ միատեսակ: Ո՞րն է գաղտնիքը: Մնում է միայն հավատալ այդ կախարդական հուշարձանին:

Ձեր շրջայցի արժեքի մեջ եւս երկու էքսկուրսիա է ներառված. մրգերի եւ հուշանվերների գնում ու ծանոթություն Փհուկետի արշարժ գույքի շուկային: Մրգեր եւ հուշանվերներ գնեցինք շուկայում, իսկ քանի որ անշարժ գույքը մեզ չէր հետաքրքրում, այդ առաջարկից չօգտվեցինք:

Դեպի կղզիներ էքսկուրսիայի համար մի ամբողջ օր է հարկավոր: Մինչեւ նավահանգիստ ավտոբուսով ճանապարհը հետդարձով տեւում է 2-3 ժամ, գումարած նաեւ մոտորանավակով մինչեւ կղզի հասնելը: Կղզի յուրաքանչյուր ուղեւորության ծրագիրը տարբեր է, իսկ արժեքի մեջ ներառվում են ճաշը, դիմակների եւ լողաթաղանթների վարձույթը: Յուրաքանչյուր ուղեւորությունը տեւում է 10-12 ժամ: Ընտրեք, որը ձեզ ավելի դուր կգա:

Փխի Փխի կղզիներ եւ Բամբու: Դուք ճեպընթաց մոտորանավակով կայցելեք Փխի Փխի արշիպելագ, Մայա եւ Պիլե ծոցերը, կապիկներով լողափեր եւ Բամբու կղզիներ: Եթե հանգստանալու եք եկել մինչեւ 10 հոգուց բացկացած խմբով, կարելի է անհատական շրջայց պատվիրել դեպի Փխի Փխի կղզիներ:

Կղզու ծովափը շատ գեղեցիկ է: Դրախտ երկրի վրա: Միայն պատկերացրեք. լազուրե հանգիստ ծով, տաք սպիտակ ավազ, արեւը թափանցում է արմավենիների տերեւների միջով, իսկ դուք համեղ կոկտեյլ եք ըմպում (տեսականին մեծ է): Լիակատար հանգստություն է: Միայն այդ րոպեների համար արժե այցելել կղզի:

Վ.Ա.

Հետևեք NEWS.am STYLE-ին Facebook-ում, Twitter-ում և Instagram-ում