• Սուրճից պատրաստված դիմակներ մազերի համար

  Սուրճից պատրաստված դիմակ՝ մազերն ամրացնելու համար․․․

• Կնճիռների դեմ բանանով դիմակներ

  Կնճիռների դեմ բանանով դիմակը դեմքի խնամքի հրաշալի կոսմետիկ միջոց է...

• Դդումով պատրաստված դեմքի սնուցող դիմակ

  Դդումը մաշկին առողջ փայլ եւ առաձգականություն է տալիս․․․

• Ինչպես վերականգնել մազերը ձմռան ցիտից հետո

  Օրացուցային ձմեռը մոտենում է ավարտին․․․

• Ոտքերը փափկացնող դիմակներ

  Այսօր առաջարկում ենք տնային պայմաններում պատրաստվող մի քանի դիմակներ․․․

• Օգտակար յուղերով դիմակներ՝ մազերի համար

  Առաջարկում ենք մազերի համար նախատեսված դիմակ․․․

• Դեմքի դիմակներ կիվիից

  Վերականգնող դիմակ...

• Ինչպես հասնել կատարյալ մաշկի․ 4 սխալ տոնային օգտագործելիս

  Սխալները մենք անում ենք ամեն օր…

Ժամանակակից կոսմետիկ միջոցներն այնքան ակտիվորեն են գովազդվում, որ անկախ քեզանից սկսում ես հավատալ հրաշքների: Թվում է, թե քսուքի փոքրիկ տուփ ձեռք բերելով՝ կարելի է ազատվել կնճիռներից, իսկ տոնային կրեմի շշիկը խնդրահարույց մաշկը հաշված վայրկյաններ անց կվերածի թավշի: Սակայն պետք չէ հավատալ գովազդին: Եվ անպայման պետք է փաթեթավորման վրա կարդալ կոսմետիկ միջոցի բաղադրությունը: Նրբությունների մասին կպատմի կոսմետոլոգ Մարինա Հովասափյանը:

«Ժամանակակից կոսմետիկ միջոցների բաղադրիչներն այնքան ակտիվ են, որ դրանք գործածելու նրբություններին ոչ բոլորն են տիրապետում: Այսպես, ռետինոլը կամ A պրովիտամինը, որ վերջին շրջանում գրեթե բոլոր կոսմետիկ միջոցների մաս են կազմում, հրաշալի միջոց են համարվում մաշկի համար, բայց այն չի կարելի օգտագործել արեւի ժամանակ, այլ, թերեւս, միայն այն դեպքում, եթե որոշել եք ընդհանրապես տանից դուրս չգալ: Ռետինոլը զգալիորեն բարձրացնում է մաշկի առաձգականությունն ու էլաստիկությունը, հարթում է մանր կնճիռները, արագացնում է վնասվածքների վերականգնումը՝ նվազեցնելով բորբոքային պրոցեսը: Բայց A վիտամինով միջոցները բարձրացնում են ուլտրամանուշակագույնի հանդեպ մաշկի զգայնությունը՝ առաջացնելով թեփոտում, ալերգիա, կարմրություն:

Եվս մեկ նյութ, որ պետք է զգուշությամբ գործածել, քացախաթթուն է: Խնձորի, կաթնային, գինու, կիտրոնի թթուները ներառված են դեմքի մաշկի խնամքի բազմաթիվ միջոցներում: Փաթեթավորման վրա դրանք AHA նշումով են: Դրանք թափանցում են մաշկի խորը շերտերը, բայց ամռանը նման կոսմետիկան պետք է զգուշությամբ գործածել. արեւի լույսին արձագանքը կարող է անկանխատեսելի լինել:

C վիտամինը բարձրացնում է մաշկի առաձգականությունը եւ ճերմակեցնում է այն, քանի որ արգելափակում է մելանինի առաջացումը: Հիշեք, որ դեմքի համար միջոցներում այդ նյութի ոչ մեծ պարունակությունը արեւից պաշտպանող ազդեցություն է թողնում, սակայն պրոֆեսիոնալ կոսմետիկայում առկա C վիտամինի մեծ տոկոսը դեպիգմենտացնող արդյունք է տալիս: C վիտամինը վառ արեւի համադրությամբ կարող է մաշկային ալերգիա առաջացնել»:

Հետևեք NEWS.am STYLE-ին Facebook-ում, Twitter-ում և Instagram-ում