Թայլանդում բազմաթիվ հետաքրքիր եւ խորհրդավոր վայրեր կան, ուր ցանկանում ես այցելել: Բայց այս էքսկուրսիան առանձնանում է մյուսներից: Դուք այստեղ դիմակով չեք լողա արտասովոր մաքուր, թափանցիկ ջրում, չեք զմայլվի սպիտակ ավազի նրբությամբ, այստեղ ձեզ այլ տպավորություններ եւ զգացողություններ են սպասում:
«Մեծ ցամաքի» եւ Փհուկետ կղզու միջեւ, հյուսիս-արեւելյան հատվածում գլխավոր տեսարժան վայրերից մեկը Փհանգ-Նգա ծոցն է՝ տարբեր չափերի եւ ձեւերի բազմաթիվ կղզյակներով: Միլիոնավոր տարիներ առաջ Փհուկետը մայրցամաքի մաս է կազմել: Հետագայում այն հեռացել է եւ բաժանվել փոքր կղզյակների: Դրանցից մեծերը շուրջ 40-ն են, իսկ ահա փոքրերը՝ ավելի քան 100-ը:
Դատելով գովազդներից՝ կղզիներ կարելի է հասնել երեք միջոցով.
- Սփիդբոտով (երեք շարժիչով ճեպընթաց նավեր) - ինչպես հետո պարզեցինք, դրանք ավելի շատ կղզիներ եւ գեղեցիկ վայրեր են այցելում:
- Լոնգթեյլով (երկար եւ նեղ նավակներ) – դրանք ավելի շատ են մոտենում ափերին, այդ պատճառով տեսարաններն ավելի լավն են:
- Երկու տախտակամածով մեծ նավով - չնայած ճանապարհն ավելի երկար է տեւում, բայց դրանով լողալն ավելի հարմար է: Այնտեղ նաեւ փչովի մակույկներ կան, որտեղ տեղավորվում են 2 զբոսաշրջիկ՝ թայլանդացի նավավարի հետ:
Մենք ավելի հանգիստ զբոսանք էինք ցանկանում, այդ պատճառով մեծ նավ ընտրեցինք: Նախ բոլոր ցանկացողներին վերցնում են հյուրանոցներից եւ միկրոավտոբուսով տանում մինչեւ նավամատույց: Կախված հյուրանոցի հեռավորությունից՝ ճանապարհը տեւում է կես ժամից մինչեւ մեկուկես ժամ: Պատուհանից այն կողմ հիասքանչ տեսարաններ են: Եվ ահա մենք Աո Պո նավահանգստում ենք:
Թայլանդացիների առաջարկած մեկ գավաթ սուրճից եւ բուլկիներից հետո, մենք տեղ գրավեցինք երկհարկանի գեղեցիկ նավի վրա: Հայ-ռուսական մեր խմբից բացի, այստեղ զբոսաշրջիկներ կային Ճապոնիայից, Գերմանիայից եւ Եվրոպայի այլ երկրներից: Նրանց, ովքեր դժվար են տանում ծովային ճամփորդությունները, դեղին հաբեր են տալիս: Մինչեւ առաջին կանգառը շուրջ 40 րոպե է տեւում, այդ պատճառով հնարավորություն ունեք հանգստանալ կամ զբոսնել նավի վրա: Առաջին հարկում տեղակայված են խոհանոցը եւ թիերով փչովի մակույկները: Երկրորդ հարկում հանգստացողներն են, իսկ անձնակազմը նրանց զվարճացնում է տարբեր հնարքներով, կատակներով, պարերով: Զգացվում է, որ ճապոնացիներին դուր է գալիս այդ ներկայացումը. նրանք ծիծաղում են եւ բարձր ծափահարում: Սառնարանից կարելի է միրգ եւ զովացուցիչ ըմպելիք վերցնել:
Շարունակությունը՝ հաջորդիվ…
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը