Տոլմայի ավանդական փառատոնն այս տարի կանցկացվի հուլիսի 10-ին, Արմավիրի մարզի «Սարդարապատ» հուշարձանային համալիրի հարեւանությամբ: Այս մասին հուլիսի 8-ին լրագրողների հետ հանդիպման ժամանակ նշեց «Հայկական խոհարարական ավանդույթների զարգացման եւ պահպանման» ՀԿ նախագահ Սեդրակ Մամուլյանը: Այս տարի փառատոնի մասնակիցներին հանձնարարվել է պատրաստել ամենից երկար տոլման: Դրանից հետո նախատեսվում է միջոցառմանը ներգրավել Գինեսի ռեկորդների գրքի ներկայացուցիչներին՝ տոլման Գրքում ներառելու համար:
«Միջոցառման գլխավոր նպատակը հայկական ավանդական ուտեստների տարածումը եւ հայկական ոչ նյութական մշակութային արժեքներից մեկի՝ խոհանոցի զարգացումն ու ամրապնդումն է: Փառատոնը եւս մեկ կարեւոր նպատակ ունի. հաստատել տոլմայի հայկական ծագումը՝ հերքելով տարածված կարծիքը, թե այն ադրբեջանական արմատներ ունի»,- նշեց Մամուլյանը:
«Տոլմայի փառատոնը համընկնում է «Ոսկե ծիրան» կինոփառատոնի անցկացման հետ: Շատ երկրներում ցանկացած փառատոնի անցկացման ընթացքում շեշտը դրվում է ազգային խոհանոցի ներկայացման վրա: Այդ հրաշալի հնարավորություն է՝ տարբեր երկրներին հյուրերին Հայաստանի ազգային խոհանոցին ծանոթացնելու համար»,- նշեց «Ոսկե ծիրան» երեւանյան միջազգային կիոփառատոնի միջոցառումների կազմակերպիչ Վարդան Հակոբյանը:
«Երիտասարդություն» ՀԿ ներկայացուցիչն իր հերթին շնորհակալություն հայտնեց փառատոնի բոլոր մասնակիցներին եւ կազմակերպիչներին՝ նշելով, որ արդեն հաջորդ տարի փառատոնի սահմանները կընդլայնվեն եւ Հայաստանին կմիանան նաեւ խոհարարներ Լեռնային Ղարաբաղից:
Նշենք, որ փառատոնի ընթացքում ժյուրին հաղթող է ընտրում երեք անվանակարգերում. տոլմայի «լավագույն տեսք», «լավագույն համ» եւ «լավագույն գաղափար»: Բացի այդ, կազմակերպիչներն առանձին մրցանակներ են նախապատրաստել լավագույն սկսնակ խոհարարի եւ տաղավարի լավագույն ձեւավորման համար:
Ինչպես նախորդ տարիներին, փառատոնն ուղեկցվելու է երգ ու պարով:
Գրիգոր Ավետիսյան
Հետևեք NEWS.am STYLE-ին Facebook-ում, Twitter-ում և Instagram-ում
18:35, 28 ապրիլի
«Շորս թափանցիկ չէ». Լիլիթ Հովհաննիսյանը մեկնաբանել է իր նոր տեսահոլովակի կերպարներից մեկը15:08, 28 ապրիլի
Սիլվեստր Ստալոնեն մեմուարներ է գրում13:30, 28 ապրիլի
Բրիթնի Սփիրսը համաձայնության է եկել հոր հետ11:44, 28 ապրիլի
Doja Cat-ը շատ համարձակ ու բաց լողազգեստով ցուցադրել է կազմվածքը10:35, 28 ապրիլի
Փերիս Հիլթոնը մերկացել է Flaunt ամսագրի շապիկի համար09:00, 28 ապրիլի
ԱՊՐԻԼԻ 28-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ18:47, 27 ապրիլի
Wine story: JancisRobinson.com-ի գլխավոր խմբագիրը՝ Հայաստանում գինու արկածի մասին (exclusive)16:23, 27 ապրիլի
Օպտիկական պատրանքը կարող է ցույց տալ՝ որքան «փակ մարդ եք» դուք15:38, 27 ապրիլի
Ռասել Քրոուն կնկարահանվի «Էկզորցիզմ» սարսափ ֆիլմի գլխավոր դերում14:12, 27 ապրիլի
Քանյե Ուեսթի՝ պոռնո հարթակ բացելու հայտարարությունից հետո Բիանկա Սենսորիի երկրպագուները խնդրում են նրան բաժանվել ռեփերից12:10, 27 ապրիլի
Քիմ Քարդաշյանը տխրել է Թեյլոր Սվիֆթի նոր դիս-թրեքի պատճառով, բայց չի ցանկանում «կրակի վրա յուղ լցնել»11:31, 27 ապրիլի
Վահագ Ռաշը հետեւորդներին է ներկայացրել «Լուսամփոփի պես աղջիկ» երգի նոր տարբերակը