Աշխարհում ամենահայտնի հայերից մեկը, երաժիշտ, System of a Down հայտնի ռոք խմբի հիմնադիր Սերժ Թանկյանն այսօր՝ օգոստոսի 21-ին, նշում է ծննդյան 52-ամյակը:
SOAD-ի երգերն առանձնահատուկ սիրված են Հայաստանում: 2015 թ-ին խումբը բացօթյա համերգ ունեցավ Երեւանում: Չնայած անձրեւին ու եղանակային անբարենպաստ պայմաններին՝ Հանրապետության հրապարակում հավաքված բազմությունը չէր էլ մտածում տուն շտապելու մասին. երկրպագուները մինչեւ վերջին վայրկյանը վայելում էին համերգն ու ձայնակցում խմբի անդամներին:
Թանկյանը Axis Of Justice կազմակերպության համահիմնադիրն է, որի նպատակն է աջակցել երիտասարդներին՝ պաշտպանելու իրենց իրավունքները քաղաքականության ոլորտում։ Երաժիշտը նաեւ մեծ ջանքեր է գործադրում, որպեսզի Միացյալ Նահանգներն ու Թուրքիան ճանաչեն եւ ընդունեն Հայոց Ցեղասպանությունը: Թանկյանն ակտիվորեն անդրադառնում է Հայաստանի քաղաքալան իրավիճակին եւ մասնակցում տարբեր ակտիվիստական շարժումներին:
Այսօր ձեր ուշադրությանն ենք ներկայացնում Սերժ Թանկյանի հայտնի մտքերից մի քանիսը.
«Ռոք երաժշտության մեջ կա ուժի զանգված, որը ինքդ կարող ես կառավարել, կա քո երաժշտությունից վեր մի ուժգնություն, որը չես գտնի ջազի կամ դասական երաժշտության մեջ»:
«Երբեմն սիրային լավ երգը կարող է ավելի մեծ փոփոխություն եւ դրական էներգիա փոխանցել աշխարհին, քան ցանկացած քաղքական բնույթի երգ»:
«Միայն ձեւացնել, թե ապրում ենք, չի նշանակում, որ կենդանի ենք»:
«Քաղաքակրթությունը ձախողում է: Պետք է մտածենք այն բանի շուրջ, թե ինչ կարող ենք միասին անել սիրո եւ համերաշխության մեջ»:
«Անկեղծ ասած՝ երբեմն ավելի լավ է ունենալ բարորակ դիկտատոր, քան անպետք դեմոկրատիա»:
«Ես նախընտրում եմ, որ իմ երաժշտությունը խոսի իմ փոխարեն»:
«Որպես արտիստ՝ դու երբեք չես ցանկանում գրել միեւնույն երգը՝ փորձելով անընդհատ մարտահրավերներ նետել ինքդ քեզ»:
«Մարդիկ հաճախ են ինձ հարցնում՝ «Ի՞նչ եք կարծում՝ պե՞տք է, որ ավելի շատ ռոք խմբեր լինեն, որոնք կներկայացնեն քաղաքական երաժշտություն»: Իմ պատասխանը միանաշնակ է՝ «Ոչ»»:
«Քանի մարդիկ պաշտպանում են իրենց տեսակետը, անկախ նրանից ակտիվիստ են, թե ոչ, դա է ամենակարեւոր բանը»:
«Երաժշտության վերաբերյալ ամենակարեւոր փաստն այն է, որ այն ճանապարհ է դեպի ճշմարտություն»:
Լուսանկարները՝ Greg Waterman, Raffi Berberian եւ Սերժ Թանկյանի Facebook-ի էջից
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը