ԱՄՆ նախագահի թիկնապահի մասին ֆրանշիզի երրորդ մասում գլխավոր հերոսը ակամայից վերափոխվում է ընկած հրեշտակի: Այս անգամ հեղինակները փոփոխել են սյուժեի հիմնական ուղղությունը. հիմա Մայքը ոչ միայն պետք է նախագահին ուղղակի փրկի, այլ նրան իրեն են մեղադրում պետության ղեկավարի դեմ մահափորձի մեջ:
Կինոնկարի հեղինակները հստակ հասկանում էին, որ միեւնույն բանը երրորդ անգամ չի անցնի՝ հարկավոր էր թեկուզ ինչ-որ բան փոխել: Մարտաֆիլմի համար նրանք ընտրել են չափազանց գործունակ, բայց եւ միաժամանակ մաշված քայլ. գլխավոր հերոսին դավով տապալել: Ընդհանրապես սցենարի եւ սյուժեի առումով ֆիլմում ոչ մի նոր բան չկա. մի կարծրատիպը փոխարինում է մյուսին... Դիտելիս ձեզ մոտ անընդհատ զգացողություն կառաջանա, թե սա արդեն ինչ-որ տեղ տեսել եք: Բայց այս բոլոր թերությունները, թերեւս, հնարավոր կլինի արդարացնել նրանով, որ սա դասական մարտաֆիլմ է՝ ժանրի բոլոր կանոններով:
Տեղի ունեցողի մասշտաբը գրավում է, հերոսները չեն նյարդայնանում եւ անգամ օրգանապես սերտաճում են պատումին: Էքշն տեսարանները, մարտական տեսարանները, ինչպես նաեւ ամեն ինչի լավ դրայվը ուղեղին թույլ չի տալիս տեղի ունեցողը խորապես վերլուծել. պարզապես պետք է ուրախանալ էկրանին կատարվողով:
Դե իսկ հաճելի հավելումն են ֆիլմի 2 առաջատար դերասանները:
Մորգան Ֆրիմանը (նա առաջին անգամ չէ նախագահի մարմնավորում) իր հերոսով պատկառանք է ներշնչում: Այս դերասանն ընդհանրապես այնպիսի աուրա ունի, որը ստիպում է նրան համակրել՝ ում էլ որ մարմնավորի: Ֆրիմանն էկրանին հաջողությամբ է մարմնավորում թե՛ սովորական մահկանացուին, թե՛ «պահապան հրեշտակի» հետ զրույց վարող մարդուն, թե՛ նրան, ով մեկ րոպեով աշխարհի ամենաազդեցիկ մարդն է:
Դե եւ իհարկե՝ THIS IS BUTLER…
Անկեղծ լինենք՝ Բաթլերն առաջին մեծության աստղ չէ, բայց նա բավականաչափ կատակերգական տաղանդ ունի եւ զիլ տղերքին մարմնավորելու առումով մեծ հմտություն: Իսկ նրա խարիզմայի մասին արդեն կլռեմ, այնպիսի տպավորություն է, թե Բաթլերը անձնական օգտագործման համար խարիզմայի արտադրության սեփական ֆաբրիկա ունի:
Արդյունքում ունենք՝
Ֆրանշիզի ոչ վատ շարունակություն, դասական մարտաֆիլմ՝ ժանրի ընդունված բոլոր ատրիբուտներով, ինչպես նաեւ ֆիլմ, որը կարելի է դիտել ուղղակի հաճույքի համար: Չէ՞ որ ֆիլմը չի հավակնում ինչ-որ անդրսահմանայինի, եւ սրա մեջ է ֆիլմի ամենամեծ առավելությունը. այն ազնիվ է հանդիսատեսի հետ:
Հաճելի դիտում
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
20:05, 5 մայիսի
Երեւանյան շաուրման. տեղական սիրված եւ քիչ հայտնի վայրերը19:26, 5 մայիսի
«Լադանիվա»-ն՝ «Եվրատեսիլ 2024»-ի բացման պաշտոնական արարողությանը19:13, 5 մայիսի
Ինչպես շունը ձեռք բերեց իր տիրոջը, կամ «Արթուր, դու թագավոր ես» ժապավենը18:33, 5 մայիսի
Տարօրինակ կանոններ, որոնց պետք է հետեւեն Met Gala-ի մասնակիցները16:18, 5 մայիսի
Լորեն Սանչեսին Met Gala-ի համար հանդերձանք ընտրելիս կօգնի հենց ինքը՝ Աննա Վինտուրը14:02, 5 մայիսի
Ջենիֆեր Լոպեսն իրեն «չհասկացված» է զգում՝ ինստագրամհան ատելության պատճառով12:15, 5 մայիսի
Շերոն Սթոունի որդին գնում է մոր՝ դերասանական հետքերով11:39, 5 մայիսի
«ԴԴՏ» կուլտային խմբի մեծ համերգը՝ Երեւանում10:30, 5 մայիսի
Մադոննան կրքոտ համբուրել է պարուհուն՝ Բրազիլիայում իր Celebration շրջագայության փորձի ժամանակ09:00, 5 մայիսի
ՄԱՅԻՍԻ 5-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:20, 4 մայիսի
Գուրգեն Դաբաղյանի 3-ամյա դուստրը եւս միացել է TikTok-ում ամենատարածված հնդկական թրենդին (VIDEO)19:30, 4 մայիսի
Հարաբերությունների խորհրդատուն բացահայտել է երկու բան, որոնք կանայք երբեք չպետք է անեն